Tito 2:10 - O Mikanda Ikola

¹⁰ Ka kale ni uii, ua kunhana ima ia jingana jâ. Inda a kale kiambote jifiiele, ediikize uthu ua mu ima ioso ia bhanga, phala a fuamese ulongelu ua Nzambi, Mubhuludi uetu, mu ima ioso.

Tito 2:10 ပူးပေါင်းရင်းမြစ်များ

Jisálamu 101:6

Mesu ami a kala jinga mu sota o jifiiele mu ngongo, ene u ngi kala-nâ; uoso uenda ni muẋima ua ujitu ió muene u ngi sedivila jinga.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Matesu 24:45

Nanhi-phe selevendeʼoio ia fiiele, ia dimuka, ngana iê ua mu lekela kutambula konda ia dibhata diê, ku a uanena kúdia kuâ mu ola joso ja tokala?

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Luka 1:47

o nzumbi iami ia sanguluka mua Nzambi, Kibha-muenhu kiami.

Luka 1:80

Anga o kamona kenda ni kukula, ni kukola mu mukutu ni nzumbi. Anga ka kala mu solongo dia muxitu, katé kizuua kiê kia kutukuluka mu Izalaiele.

Luka 16:10

Uoso u bhanga kidi mu kama kòfele, u bhanga ue kidi mu kima kiónene. O uoso u bhanga mangonha mu kama kòfele, u bhanga ue mangonha mu kima kionéne.

Nzuá 12:6

Kiki ka ki tangela mukonda dia henda ia jingadiama, suke mukonda muène muíi. Muène ua kuata konda ia hutu ia kitadi, anga u kala mù katula ioso ia ta-mu.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

I Timote 1:1

Eme Phaulu, Poxolo ia Kristu Jezú, mu kijila kia Nzambi Mubhuludi uetu, ni Kristu Jezú kidielelu kietu,

I Timote 5:17

Adiakime a tumina ni kukalakala kiambote mu Ngeleja, mu xinganeka kuma a fuama o ujitu uâ u di budika, uoso u mu a bhanga, kota-kota-phe a kalakala mu kuboka o Njimbu Iambote ni kulonga o uendelu uambote mu ukidistá.

I Timote 6:1

Oso ala abhika, ala bhoxi dia ophi, a fuama a bhane jingana jâ ujitu uoso, phala ki ki bhekele kuẋonguena o dijina dia Nzambi, ni ulongelu uetu.

I Timote 6:3

Se bhu kala muthu u kuata kulonga ulongelu uengi, ka xikana o maka madisanze, maka ma Jezú Kristu, Ngana ietu, ni ulongelu uetu ua kuxila Nzambi,

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.

Tito 3:4

Maji kioso-phe kia tukuluka kiadi kia Nzambi, Mubhuludi uetu, ni henda iê ia kuatela muthu, ua tu bhulula.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.

II Nzuá 1:9

Uoso ua somboloka, ua kambe kuimana mu ulongelu ua Kristu, Nzambi kala-nê. Uoso-phe uemana mu ulongelu ua Kristu, muenʼió uala ni Tata, ni Mona.

I Samuuele 22:14

Ahimeleke anga u vutuila muenexi, uixi: Ku makuenze mé moso-phe nanhi ua ku kala fiiele, u soka ni Davidi, muene holomiʼê eie u muenexi, ua tumaka kiambote mu kionge kia jitata, muthu ua ujitu ku mbanza?

I Samuuele 26:23

Jihova u bhana futu mu vutuila muthu uoso kala kiatokala mu uiukilu uê ni mu ufiiele uê. Mukonda Jihova ua ku thelekalele lelu bhu lukuaku luami, eme-phe ki ngi xikina ku ku zengela lukuaku, eie u muthu a ku undu kuala Jihova.