Tito 1:9 - O Mikanda Ikola

⁹ A kuate maka ma fiiele ma tokala ku ma dielela, ma kaiela mu ulongelu uetu. Phala mu kubhanga kiki a tene kusuinisa akuâ ni kulonga mambu ma mbote, ni kubelesa oso a ta-bhu jiphata.

Tito 1:9 ပူးပေါင်းရင်းမြစ်များ

Jobe 2:3

Jihova anga uambela Satana, uixi: Mubhikʼami Jobe ua mu mono? Mukonda mu ngongo kana-mu muthu ua di fu ni muene, muthu ua kidi ua iuka o muẋima, mukua uoma ua Nzambi, o ia ibha u i lenga. Sumbala eie ua ngi funhisa phala ku mu jikinisa sé kikuma, maji muene hanji a jijila kuiuka kuê.

Jobe 27:6

O kuiuka kuami ngi ku naminina muene, ki nga-nda ku kueha, kana; mbata o muẋima uami ki ua mu ngʼelesa ngó kizuua kimoxi kioso-kioso kia muenhu uami.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Jipoxolo 18:28

Kuma Jijudé ua ji belesa jinga kiavulu ku maka bhu nangu dia mundu, mukonda u idikiza mu Madivulu ma Nzambi kuma Jezú muène Kristu.

I Kolindo 14:24

Maji ene oso-phe se a kala mù tanga o Maka ma Nzambi, anga mu bokona muthu ua kambe kuxikana, mba uala kiximba, uivua ioso i mua mu zuela anga phata i mu bhua, hé u toloka mukonda dia ituxi iê. Kuma ima ioso i evua uanda kudiela.

I Tesalonika 5:21

Tungulenu jinga o ima ioso, phala mu kuate-bhu ioso iauabha,

II Tesalonika 2:15

Uila kiki, jiphange, kolokotenu, mu kuate o kidi kia malunda u tua mi longo, kixi ma dikanu, kixi ma mikanda i tua mi sonekena.

I Timote 1:10

ifusa, jihabhu, ió a bhanga isunji ni mala ni akuâ, akua kusumbisa abhika, atangi a makutu, akua kutatela umbangi ua makutu, ni oso dingi a bhanga ima ia kambe o kudilunga ni ulongelu ua kidi.

I Timote 1:15

O ulongelu iú uene ua kidi, ua tokala ku u xikana ni ku u tambulula ni muẋima uoso, kuila: Jezú Kristu uejile mu ngongo mu kubhulula akua ituxi. O ku akua ituxi oso eme ngi kota,

I Timote 1:19

Uila ni kubhaka o kuxikana kué, uixi ni kukala ni muẋima uazele. Kuma amoxi-moxi-mu, mukonda dia kueha o kuívua kiala ku a tangela o muẋima uâ, a jimbidisa o kuxikana kuâ.

I Timote 4:9

Maka iá a kidi, a tokala ku a tambulula ni ku a xikana ni muẋima uoso.

I Timote 6:3

Se bhu kala muthu u kuata kulonga ulongelu uengi, ka xikana o maka madisanze, maka ma Jezú Kristu, Ngana ietu, ni ulongelu uetu ua kuxila Nzambi,

II Timote 1:13

Jijila o phangu ia maka madisanze mu uévua jinga kokuami. Naminina mu kuxikana ni mu henda iene mu ukamba ni Kristu Jezú.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

II Timote 3:14

Eie-phe, xikama mu ima ioso i ua di longa jinga, i ua mono ia kidi. Kuma ene uâ, o jimesene jé mu kuxikana, a ku longoio, ua a tongolola.

II Timote 4:3

Kuma kuanda kuiza thembu athu ka kà xikana dingi ulongelu uadisanze, mbé o kukaiela jihânji jâ jaiibha. Mokonda-phe dia kuzanzala mu matui, a kà lunjika ndumba dia jimesene ja vondadi iâ, jenda ni ku a tangela ioso ia solo ene kuivua.

Tito 1:11

Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Tito 2:1

Eie-phe zuela jinga ima ia tokala ulongelu ua mbote.

Juda 1:3

Enu akuetu, nga mi zola, kioso ki nga tele o muẋima mu ku mi sonekena o maka ma kubhuluka kuetu etu-ene-oso, kua ngiza kibhidi kia ku mi sonekena mu ku mi suinisa mu kuzokela o kixikanu kia bhana Nzambi, tunde ukulu ku akua Ngana.

Dijingunuinu 2:25

Maji-phe, ioso i mua kuata, jijilenu-iu katé hinu ki ngiza.

Dijingunuinu 3:11

Ngiza kindala! Eie naminina kioso ki uala na-kiu, kana muthu a ku tambule o kitundu kié.

Dijingunuinu 3:3

Mukonda dia kienhiki, xinganeka-phe kioso ki ua di longa, kioso ki uévua. Aluka-ze, u diele ituxi ié. O ki u kamba kudilanga-phe, hinu ngi ku sanga kala muii, o ola ioso i ngi ku tutuuila ku i ijiia.