Tito 1:2 - O Mikanda Ikola

² Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Tito 1:2 ပူးပေါင်းရင်းမြစ်များ

Izaía 1:20

O ki mu dituna-phe, anga mu ẋinuka, muanda kudiua ku xibhata; kuma dikanu dia Jihova dia ki tange.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Marku 10:17

Mu kutunda bhenhobho, kutula mu njila, kuiza muthu ni kulenga u mu fukamena, he u mu ibhula, uixi: Mesene ia mbote, eme ngi bhanga kiebhi, phala ngi lundule o muenhu ki uàbhua?

Marku 10:30

he u kamba kutambula luhama ku muenhu iu, mabhata, jiphange, ja mala ni ja ahatu, jimama, ana, jixi, kumoxi ni jiphaxi ja ku mu zuididika. Maji o ku mundu ua keza-ku, muenhu ki uábhua.

Nzuá 10:28

O mbudi jami ngi ji bhana o muenhu ki uábhua; ki ja kà fua dingi. Kana muthu ue u ji sumbununa bhu maku mami.

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Nzuá 6:54

Uoso u dia xitu iami, hé u nua o manhinga mami, uala ni muenhu ki uàbhua; eme-phe ngi mu fukununa mu kizuua kia kà suka-ku.

Nzuá 6:68

Ximá Phetele u vutula, uixi: Ngana, tuia kua nanhi? Eie-eie uala ni maka ma muenhu ki uâbhua.

Jipoxolo 15:18

eme ngi Ngana, nga tumu kuijidisa imʼ iii tunde mʼ okulu.

Loma 1:2

O Njimbu Iambote ia polometela Nzambi tunde ukulu, mu kanu dia Jipolofeta jê, iá a i soneka mu Mikanda Ikôla.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 5:2

Mukonda dia kuxikana, Kristu ua tu bheka dingi mu kiadi kia Nzambi mumu mu tuemana mukonda dia kuxikana kuetu, etu tua sanguluka dingi ni kudielela o fuma ia Nzambi.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Loma 5:4

o kukolokota ku bhekela ku tu lungisa kua Nzambi; o ku tu lungisa ku bhekela kudielela.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Kolose 1:27

Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.

I Tesalonika 2:15

Kuma o Jijudé edi ni kujibha Ngana Jezú, ni kujibha o jipolofeta jâ, ni ku tu kaiesa etu. Athu a kamba kuuabhela Nzambi, ia a di bhange jinguma ja mundu uoso.

I Tesalonika 5:8

Etu-phe tua tokala ku muanha, tu kadienu ku mesu azele. O kivunga-thulu kia ita ki tu zuata, o kuxikana ni henda; o kudielela o kubhuluka, kene o kapasete.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

I Timote 6:19

Mu kubhanga kiki, a kale mu lunda dimanenu diambote katé bhu thembu ia hàdia, phala kienhokio a tene kunganhala muenhu, uene o muenhu ua kidi.

II Timote 1:1

Eme Phaulu, poxolo ia Kristu Jezú mu vondadi ia Nzambi, a ngi tumu kuboka o njimbu ia kikanenu kia muenhu u tuene na-u mu kudibunda kuetu ni Kristu Jezú.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

II Timote 2:13

Se tua kambe kukala jifiiele, Muène hanji u xala fiiele, Kuma muène ka tena kualuluka.

II Timote 2:15

Kala ni muanu ua ku dʼidikiza kua Nzambi u muthu a ku lola, a ku mono kuiuka; u mukalakadi kua bhange kima kia tena ku ku kuatesa jisonhi; u mukua kulonga kiambote o maka ma kidi.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Tito 2:7

Eie-muène, mu ima ioso, u a bhana phangu mu kubhanga ima ia mbote. Mu ulongelu ué ua kambe mangonha, u kala u mujitu, u mukua kidi.

Tito 3:7

Phale o ki tu zubha kulungila ku kiadi kia Nzambi muène, tu kale tu alundudi, tua dielela kutambula o muenhu ki uàbhua u tuala kukinga.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

Juda 1:21

Phala mu suine ni ku di bhaka mu henda ia Nzambi, ni kukinga o kulenduka kua Ngana ietu Jezú Kristu katé kia mi bhana o muenhu ki uábhua.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 17:8

O kiama ki ua mono, kia kexile ni muenhu, maji o kiki, ki kianda kulaia dingi kiavulu. Mukonda o kiama kiki, hinu kia kà tunda mu dikungu ki di moneka hole, anga a kà mu buikisa. Athu a tungu mu ngongo, oso a kambe ku a soneka o majina mâ mu divulu dia muenhu tundé ku dimatekenu dia ʼxi, a-nda kua kà diuana ki a kà talesa o kiama. Mukonda o kiama ua kexile kiá ku muenhu, o kiki muenhu ua u lémbua, maji hinu ua kà tukuluka dingi.

I Samuuele 15:29

O Kutende ió ua di bhana muene fuma ia Izalaiele, ka ẋikina kuta makutu mba kudiela; mukonda muene ki muthu kuila u diela.