Tito 1:15 - O Mikanda Ikola

¹⁵ Uazele, ima ioso i mu zela. Kua iâ phe a bolo, a kambe kuxikana, kana-ku kima kia zele, mukonda ni kilunji kiâ, ni muẋima uâ moxi, ua bolo.

Tito 1:15 ပူးပေါင်းရင်းမြစ်များ

Jisabhu 21:4

Mesu a di tudika ni muẋima ua di zangeleka, kituxi; katé ni ikalakalu ia athu abhumu ue, kituxi.

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Ajeu 2:13

Ajeu-phe, uixi: Se muthu ua kexile ni kuxila kuê, mukonda dia kubabata ku kimbi, muene anga u kuata ku ima iii, ima iii i kala ia xidi? O jinganga a vutula exi: Ia xidi muene.

Matesu 15:18

Ima-phe i tunda mu kanu, ia tundu ku muẋima, iene i xidisa muthu.

Jipoxolo 10:15

O dizui anga u dʼ ivua lua kaiadi, dixi: Kia zelesa Nzambi, eie ku ile uixi kiaxidi.

Loma 14:14

Eme ngejiia, kuma kia ngi tetulukila mua Ngana Jezú, kuila kana-ku kima kia di xidila ngó kiene. Maji se bhu kala muthu uoso u kita kima o kuxila, phala muène kia xidi muène.

Loma 14:20

O kudia ki ku ku bhangese kumuanga o ialakalu iangene ia Nzambi. Makudia oso a tokala ku a dia muène; maji kiaiibha kudia kima ki bhekela mukuenu kudibhala mu kituxi.

Loma 14:23

Maji uoso-phe uala mu phata ia kioso ki adia, se uadi, Nzambi u mu êlesa, mukonda uadi ni kukamba o kuxikana. Kima kioso-phe kiobhange ni kukamba kuxikana, kituxi.

I Kolindo 10:23

Sai athu a mu kuila, exi: Tu tena kubhanga kioso ki tuʼ andala. Kiauabhʼê! Maji ima ioso ki ia fuama. Tu tena kubhanga ioso i tua mesena, maji iene ioso ki ia iuka.

I Kolindo 10:25

Ioso ia sumbisa bhu soki, diê-nu ngó, kana kuibhula kima mukonda dia kitongoluelu.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

I Kolindo 8:7

Maji-phe o kidi kiki athu oso ka sokela-ku mu ku kʼ ijiia. Sai amoxi ejidila o iteka, kioso ki a dia, a dia kala sata ia ngene ia iteka. O kitongoluelu kiâ kuma kiluua ki kola, ki a bhekela kuêla, mukonda a banza kuila a di kasanesa ni kudia.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.