Tito 1:14 - O Mikanda Ikola

¹⁴ Ka landukile maka ma Jijudé ma kusabhula, ni ima ia a tuma ku athu ala kuila o kidi a ki baluka.

Tito 1:14 ပူးပေါင်းရင်းမြစ်များ

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Matesu 15:9

A ngi bheza-phe ngó makutu, ni kulonga ijila ia tumu ngó athu, kala Nzambi muène ua i tumu.

Marku 7:7

A ngi bheza-phe ngo makutu ni kulonga ijila ia tumu ngo athu, kala Nzambi muene ua i tumu.

Ngalásia 4:9

Maji o kikiphe, ki mueza mú kuijiia Nzambi,— mba inda ngedi Nzambi ku mʼ ijiia enu,—phala-hi mu alukila dingi ku jinguzu ja jinzumbiʼ ojo ja kubhuila, ja uadiama, ji mua mesena mu kutuka dingi mu ubhika uê?

Kolose 2:22

o iene ioso ia kidika iii, iambamba i di bota mu ku i kuata ngó bhu maku. Ioso iii ia tundu ngó mu ijila ni ilunji ia athu.

II Timote 4:4

Athu enhá a kà katula matui mâ mu kuivua o kidi, hé a kà lunga ku maka ma kusabhula.

Tito 3:11

Ijiia na-kiu kuma muthu kala kiki, ua juuala, mukua ituxi ku luelu, ua di belesa muène.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

II Phetele 2:22

Athu iá kia a bhiti, ki ambe o Sabhu ia kidi, exi: Imbua iʼâlukila dingi o kudia kuê kua lusile; ngulu aʼiẋikile, ia vutukila dingi o ku di dimbula mu malôua.