Tito 1:11 - O Mikanda Ikola

¹¹ Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Tito 1:11 ပူးပေါင်းရင်းမြစ်များ

Jisálamu 107:42

Emana nzanza kia ki mona, a sanzuka ni ngalasa; maji o ku mbandu joso isuéia a a jika makanu.

Jisálamu 63:11

Maji o muenexi-phe, u kala mu tanena kua Nzambi; kuma oso a di tuma ni muene, a lúnga; o dikanu-phe dia iá a tanga makutu, hádia di bhinga a kà di xita muene.

Jelemiia 8:10

Uila kiki, akajiʼâ nga-nda ku a bhana ku athu engi, o itaka iâ bhu kala ni iá a i bhingana: Mbata tundé ku jindenge tulé ni ku makota, a jijila midimu ia makutu.

Izekiiele 13:19

Mu kaxi ka athuʼami, enu mua ngi fukuila, mukonda dia makûmba ma sevada, ni ibhasu ia jimbolo, mbé o kujibha o mienhu ki ieji kufua, mbé mu bhake ni muenhu o mienhu ioio ki ieji kulaia dingi, kioso enu ki mu tanga o makutu ku mundu uami a mu kuívua o makutu.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Mikeia 3:5

Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Luka 20:40

Bhenhobho ka bhumina dingi ku mu ibhudisa kima kioso-kioso.

Nzuá 10:12

O mukua-nganhu, u kalakalela ngó kitadi kiê, ki muène mubidi, ki muène mukua jimbudi jê. Ió kia mona o kimbungu kiala mu kuiza, jimbudi u ji xa, hé u lengʼê. O kimbungu-phe ki ji kuata, ki ji muanga.

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

II Kolindo 11:10

O kidi kia Kristu ki ala moxi diami, nga loka muene, kana muthu ua kà ngi katula o kiadi kia kutula o Njimbuʼ mu Ngelésia ioso sé kubhinga kima.

I Timote 5:13

Kua di te dingi kuila a di longa usonde, hé a kuata kunhunga ngó inzu ni inzu. O kia beta dingi kuiibha, o kuila ku usonde ene a ta-ku dingi kabódio, a kala itoka, a zuela ima ki ia tokala.

I Timote 5:4

Mutudi uoso-phe uala ni anʼê, mba alaula, ene a diange kuidikiza o ubhezelu uâ mu jindandu ku bhata diâ. Kuma mu kubhanga kiki, ene uâ ende ni kufuta ku mbote ia tambula jinga ku jitata jâ ni ku jikuku, mukonda o Nzambi kia mu uabhela kienhiki.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

II Timote 2:18

Athu o kidi a ki lueza, exi difukunukinu dia bhiti kiá, hé a diangula o kuxikana kuala na-ku akuá amoxi-mu.

II Timote 3:6

Kuma enhá ene akua kubokona jinzu ni kuzomba, ambata-mu jisemenhi ja ahatu, jezala ni ituxi, ja senduka ni jihânhi javulu jaiibha.

Tito 1:7

Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi.

Tito 1:9

A kuate maka ma fiiele ma tokala ku ma dielela, ma kaiela mu ulongelu uetu. Phala mu kubhanga kiki a tene kusuinisa akuâ ni kulonga mambu ma mbote, ni kubelesa oso a ta-bhu jiphata.

Tito 3:10

Muthu uala mufundi se ua mu bazela lumoxi ni luiadi, mu ambule.