Tito 1:1 - O Mikanda Ikola

¹ Eme Phaulu, ngunza ia Nzambi, Poxolo ia Jezú Kristu, nga soneka o mukanda iú. A ngi tungula ia a ngi tumikisa mu kukuatekesa ni kusuinisa o kuxikanʼoko kuene na-ku athu a Nzambi, phala ku a endesa mu kidi kiene kulonga o ubhezelu uetu.

Tito 1:1 ပူးပေါင်းရင်းမြစ်များ

I Malunda 6:49

O Alá ni anʼê ene akexile mu kuoha o ima ioso ia mazumba ku thandu dia Kalatódio ka jisata ja kuoha, ni ku thandu dia Kalatódio ka uasu ua dizumba phala o kikalakalu kioso bhu kididi kikôla kinéne, mbé kubhangesa o sata ia kiamenga ia kubonza Izalaiele, kala kioso kia tumu Mozé selevende ia Nzambi.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Jipoxolo 13:48

Akuaʼ ʼxi jengi ki evu kiki, a kala ni ngalasa iavulu, hé a ximana o maka ma Nzambi. Oso-phe a a sola, a fuamena o muenhu ki uabhua, anga a xikana.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

II Kolindo 1:1

Eme Phaulu, Poxolo ia Kristu Jezú mu vondadi ia Nzambi, ni phange ietu Timote, tua soneka o mukanda iú phala o Ngeleja ia Nzambi iala mu mbonge ia Kolindo, ni akua Ngana oso mʼ oxi ia Ngelésia.

Efezo 2:8

Kuma ku kiadi kia Nzambi ngó ku mua bhulukila mu kuxikana. Mukonda o kubhuluka, kima ki enu mua ki mono mu nguzu ienu, maji a mi bhana-kiu kuala Nzambi.

Filipe 1:1

Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.

Kolose 2:2

Nginda a bhetuke mu miẋima iâ, a takane kumoxi mu henda, a kale ni jimbongo ja kubhua phata mu kutongoloka, ejiie o kijinganu kia Nzambi, muène Kristu.

I Timote 2:4

Muène mukua kumesena kuila athu oso a bhuluke, eze mu kuijiia o kidi.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Timote 6:3

Se bhu kala muthu u kuata kulonga ulongelu uengi, ka xikana o maka madisanze, maka ma Jezú Kristu, Ngana ietu, ni ulongelu uetu ua kuxila Nzambi,

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

II Timote 2:23

O kudikuata ni athu jiphata ja usemenhi-phe, ja uoua, ditune-ju. Eie kuma ua kʼijiia, ku dizubhilu diê ji bheka jimvunda.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

II Phetele 3:11

O ki tua monuʼ iki, kuma ima ioso iii ia kà buila, tua fuama etu tu kala tu athu a kidifua kiahi? Mu kuuabha uendelu, mienhu ienu ia fuama mu i bhakula mu kuzela, ni uôma ua Nzambi.

I Nzuá 2:23

Mbata uoso u dituna o Mona, muenhó ua ditunu ue ni Tata. O uoso u xikana o Mona, ni Tata uala-nê.

Dijingunuinu 1:1

Divulu dia dijingunuinu dia Jezú Kristu dia bhana Nzambi phala kuidikiza jiselevende jê, ima ia bhingi i bhita kindala. Jezú iu ua tumu mukunji uê ku i ijidisa selevende iê Nzuá,