Tiiaku 5:7 - O Mikanda Ikola

⁷ Kala kiki, kuatenu-phe kinhenge, enu jiphange, katé bhua kèjiia Ngana. Talesenu kidimakaji kioso kia kinga ibundu iambote i tunda mu mavu. Muène u i kuatela kinhenge, katé ki i nokena mvula ia kudinji ni ia kasamanu.

Tiiaku 5:7 ပူးပေါင်းရင်းမြစ်များ

Jelemiia 5:24

Alembua kuila mu muẋima uâ, exi: O kiki tu xile kiá Jihova Nzambi ietu, mukua ku bhana o mvula, ni ia kudinji ni ia kasamanu, bhu kithanga kiê; mukua ku tu bhakela o jisemana joso ja tu xindila jinga kumuna o idima.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Jouele 2:23

Enu-phe mu anʼa Ziione, tanenu-ku mu sanguluke mua Jihova Nzambi ienu, mbata muene ua kà mi bhana ió u mi longa mabatuilu ma kidi, ua kà mi tuluila mvula ia kudinji ni ia kasamanu bhu mbeji ia dianga, kala ku dimatekenu.

Zakadiia 10:1

Nga bhingi mvula kua Jihova bhu makumbi a mubatuku ua mvula, mukonda Jihova muene ua bhanga matuta ma mvula, athu u a bhana mvula ia nzungule, kala muthu u mu bhana ni iangu iê ku mábhia.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Matesu 16:28

Ngi mi ambela kidi, emana bhabha, sai-bhu ni iá ka kà lola kalunga, katé kia kà mona o Monʼa Muthu uala kuiza mu ungana uê.

Matesu 24:27

Mbata mukuâ ni kioso ki teleka nzaji hé i di monekena tunde ku thunda katé ku luiji, kiene ue kia kà kala o kutukuluka kua Monʼa Muthu.

Matesu 24:44

Kienhiki, enu uenu kalenu polondo. Mbata kithangana ki mua ki fikile, kiene kia kà tukuluka o Monʼa Muthu.

Luka 18:8

Ngi mi ambela-phe kuma u a fundisa lusolo, ni kubatula kiambote o milonga ku mbandu iâ. Hinu-phe kʼ iza Monʼ a Muthu, o kuila u sanga kuxikana mu ngongo?

Luka 21:27

Kumbi diná a-ndu mona Monʼ a Muthu iú uijiia mu dituta, ni kusuina ni ungana uònene!

Luka 8:15

O ia sonoka mu mavu mambote, oso évua maka ni muẋima ua kidi, ua uabha, anga a ma lunda, ema ibundu ni muanu.

Nzuá 21:22

Jezú, uixi: Eme se ngandala kuila muène u xalela-ku, katé bhu nga kejiia, eie kia ku kuatela-hi? Eie, ngi kaiele eme!

Nzuá 21:23

Kizuelu kiki anga ki sambuka mu jiphange joso ja xikana Jezú, kuma xibulu ioio ki ià kàfua dingi. Jezú-phe ka mu ambela kuila, eie kua kà fua; uedi: Eme se ngandala kuila muène u xalela-ku, katè bhu nga kèjiia, eie kia ku kuatela-hi?

Loma 15:4

Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

I Kolindo 1:7

katé kana-ku dibesá di mua fulu o kutambula, kiosuʼiki mua mu kinga o kutukuluka kua Ngana ietu Jezú Kristu.

Ngalásia 5:5

Kuma etu, tuala ni kudielela kuila hadia Nzambi ua kà tu xikina. Mukonda kienʼ iki kiene ki tua kinga mu kutena kua Nzumbi ia Nzambi, ió u tena o kukalakela mu kuxikana kuetu.

Ngalásia 6:9

Ki tu kadienu ni usudi mu kubhanga kiambote. Kuma hinu ki tu bhixila bhu thembu ia tokala, tua kà bhongolola, se tua kambe kubhuila.

Matendelelu 11:14

Eme-phe oxi ienu ngenda ni ku i bhana o mvula ioso iatokala bhu thembu iê; ngi bhana o mvula ia dianga ia isanga bhu kudinji, hé ngi kaielesa ue ia sukidila-ku ia kungulula musoke, phala mu mune idima, ni masa, ni vinhu ia uisu, ni maji-mê.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

I Tesalonika 2:19

Kuma kudielela kuetu kuahi kuene, mba ngalasa ietu iebhi, mba dibete dioso di tu ta bhu pholo ia Ngana jezú, bhuoso hinu bhua kà tukulukila, manhi ki enʼuenu ngó?

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

Jihebeleu 6:15

O Mbalahamu kia kolokota ni kinhenge, o polomesa ia mu bhana Nzambi ua i tambula.

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

Tiiaku 5:10

Xinganekenu, enu jiphange, o jipolofetʼ ojo ja zuelele mu dijina dia Ngana, kia tu bhana phangu mu kutala hadi, ni mu kukuata kinhenge.

Tiiaku 5:3

O ulu uenu ni phalata ienu ia fulujala. O fuluja iê i kala mbangi ia ku mi belesa, i mi dia jixitu kala tubhia. Itadi ienu, mu izuua ia sukidila-ku, enu mua i lundu,

II Phetele 3:4

Muène ua mi tangela kuila hádia uiza, kuambe? Kizuelu kiê kuila hinu uiza, ki kuebhi? Hanji kiʼaia jitata jetu ku kilu, ima ioso ia xalela mu ukalelu uê kala ki ieniʼê kiá tunde bhua matekena ku i bhanga!