Tiiaku 5:6 - O Mikanda Ikola

⁶ Athu ka moneka kikuma enu mu a êlesa hé mu a jibha, sumbala ene ka tena ku mi bhanga kima kioso-kioso kiaiibha.

Tiiaku 5:6 ပူးပေါင်းရင်းမြစ်များ

Izaía 5:23

ni ió oso a lungisa mukua phulu, kabasa ua a bhana diminhinu; o ua lungu anga a muʼelesa!

Izaía 53:7

O kia mu tatesele, ia a mu sebulula, muene ka jikula dikanu, kuma muene ka vutula kima; a mu sunga-sunga kala mbudi iia mu ku i jibha; uila mbudi kua ió u mu bhuta, idixibha, ni muene ue ka jikula ngó dikanu diê.

Matesu 21:38

Idimakaji-phe kia mono o mona, a di ambela mudiâ, exi: lú muène kabhinganu! Ndoko, tu mu jibhienu, o undundu uê nda tu mu buê-u!

Matesu 27:20

Jinganga ja makota-phe, ni adiakimi a Jijudé, a kala mu bhomba o mundu, phala a bhinge Balaba, o Jezú a mu jibhe.

Matesu 5:39

Eme-phe ngi mi ambela kuila: O dilebhu kana kubhânga na-diu. Uoso-phe u ku bhana huxi ku ditama dia kúdia, mu lunguluile ni diamukuá.

Jipoxolo 22:14

Muène-phe uixi: O Nzambi ia jitata jetu ua ku solo eie phala kuijiia o vondadi iê, ni kumona Muthu uê Uaiuka, ni kudivila eʼ muene o dizui dia dikanu diê.

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

Jipoxolo 8:32

O kibatu kia maka mu Mikanda ia Ngana muala kutanga Ngolambole, kiambe kiki: Muène a mu sunga kala mbudi i ambatela kuia bhu dijibhilu, ua di xibha mukuâ ni monʼa mbudi ku ió a mu bhuta o kindemba kiê. Mu kienʼiki, uedi ni muène hudi, ka jikula ngó dikanu diê.

Jihebeleu 10:38

O mundu uami-phe uaiuka, ua kà bhulukila mu kuxikana. Maji uoso ualuluka ku dima, muẋima uami ki u mu kala dingi ni vondadi.

Tiiaku 2:6

Maji enu-phe jingadiama ki mua mu ji bhana ujitu! Manhi o jimvuama ki ene ène ku mi bhikisa, anga aia ni ku mi sunga-sungila bhu ibhuna ia kufundisa milonga?

Tiiaku 4:2

Enu mua Seme ima, maji mukonda ki mua i mono, muala polondo ia kujibha phala mu kale na-iu. Mua kuata luimbi, maji kuma i muandalele mua i lémbua, mua zoko, mua lu ita, maji mua tokoka-ku! O ioso i mua bhindamena mu kamba ku i mona, mukonda mua kambe kubhinga kua Nzambi.

I Phetele 4:18

Kala kiambe o Mikanda Ikôla, iexi: O ku muiuki se kia bhonzo o kubhuluka, o ku muthu ua bhumu, ni mukua ituxi, kia kà kala kiebhi?