Tiiaku 5:3 - O Mikanda Ikola

³ O ulu uenu ni phalata ienu ia fulujala. O fuluja iê i kala mbangi ia ku mi belesa, i mi dia jixitu kala tubhia. Itadi ienu, mu izuua ia sukidila-ku, enu mua i lundu,

Tiiaku 5:3 ပူးပေါင်းရင်းမြစ်များ

Dimatekenu 31:48

Labano anga u zuela, uixi: Lumu iii i kale mbangi bhu kaẋi kami ni eie, kizuua kia lelu. Kiene kia ixanena dijina dia Ngalede,

Dimatekenu 31:52

O lumu iii i kale mbangi, philadi iii i kale mbangi, kuma eme hádia ki ngi somboka o lumu iii, eie ue ku somboka o lumu iii ni philadi iii, mu ku di bhanga kiaiibha.

Dimatekenu 49:1

Jakobo anga uixana anʼê, uixi: Bhongolokenu, ngi mi tangele ima ioso ia kà mi bhita mu izuua ia hádia.

Jobe 16:8

Kia di monekena kuma eie ua ngi bhange kiá ifuta-ifuta, o kubhela kuami kua-nda ku ngi bhanga kiá kia ibha, mu pholo diami mua di monekena ue kuila ki ngala dingi kiambote.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Jelemiia 19:9

Nga-nda ku a disa ue o xitu ia anʼâ a mala ni a ahatu, hé muthu ni muthu udia xitu ia mukuá, kioso kia kà kala bhu kibhidi, ni kia kà a kondela kuala o jinguma jâ, ni iá oso a mu sota o ku a katula o mienhu iâ.

Mikeia 3:3

Anga o xitu iâ mu i dia, kikonda kiâ mu ki kalumuna, ifuba iâ mu i bula mu ibhasu-ibhasu, anga mu a uanauana ku jithumba-jithumba, kala kia bhanga xitu ia kulamba mu ímbia ia dikota.

Mikeia 4:1

Mu izuua-phe ia kà sukidila-ku, kia kà bhita kuma, o mulundu ua inzu ia Jihova a kà u tula bhu zoko-zoko bhua suku o milundu ioso, o tumilundu tuoso ua kà tu somboka, tu xala muene bhoxi, o ifuẋi ioso anga ia kà bhongolokela kueneʼoko.

Jipoxolo 2:17

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

II Timote 2:17

Sai-ku athu, o maka mâ ma longa, ma seka kala ki bhanga o fidila ku mukutu. Ku jimesene jê ji longa kienhiki, kiiadi-ku ene a Himenu ni Filetu.

Josuué 24:27

Josuué anga uambela o kifuẋi kioso, uixi: Ditadi didi hádia di tu kala mbangi; mukonda diene dievu o maka oso a tu ambela Jihova; hádia di mi kala ue ku umbangi ua ku mi kuzala, phala Nzambi ienu ki mu mu tele makutu.

II Phetele 3:3

Mu dianga-phe ku kʼijiia, kuma mu izuua i sukidila-ku, kua kà kala athu enda kioso kia a tumu jihânji jâ. Enhá a kà mi bhanga kasekelu ni kuila:

Dijingunuinu 17:16

O kuinhi dia lumbinga di ua muene, ni kiama muène, a kà di zemba ni kidia-nzunga. Ene a kà mu sebulula, o ioso iala na-iu a kà mu katula-iu, hé u xala thuẋi-a-thakala. A kà mu dia xitu, a mu oha mu túbhia katé ua buila.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.