Tiiaku 5:20 - O Mikanda Ikola

²⁰ a tume ku kʼijiia kuma, uoso u bheka dingi mu njila mukua ituxi ua jimbidile njila iê, ua bhulula muenhu ueji kùfua, ua lolokesa nzungule ia ituxi.

Tiiaku 5:20 ပူးပေါင်းရင်းမြစ်များ

Jisálamu 32:1

Ua zedikua uoso kikuma kiê kióloloke, kituxi kiê kiabhu, a ki làmbe.

Jisabhu 10:12

Luma lu balumuna jimvunda; maji o henda iavungina o itondalu ioso.

Jisabhu 10:2

Jimbongo ja kubhuma jene mu di bota; maji o kuiuka ku kudila muthu ku kalunga.

Jisabhu 11:30

Muthu uambote, ibundu iê i di fuangana ni muxi ua muenhu; uoso u sungila kokuê o mienhu ia athu, muene njimu.

Jisabhu 11:4

Jimbongo ki ji tena kubhandulula ngana iê bhu kumbi dia njinda; maji o kuiuka ku kudila muthu ku kalunga.

Jisabhu 17:9

Uoso u vungina o itondalu ia akuá, ua-lu di sotela ukamba; maji uoso u vulumuna o maka ma bhiti kiá, ió u muangesa athu a di zola kiavulu.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Loma 11:14

Sumba ku matelu-matelu, enʼió a ngi tokala mu xitu ngʼ a kuatesa difuba, ni ngi bhulule-ku amoxi-mu.

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

I Kolindo 9:22

Oso a bhuila mu kuxikana, ngi kala-nâ kala eme nga bhuila uami, phala ngi kombole oso a bhuila. Ngi kala ngi kioso kua ene oso, phala mu ndunge joso, ngi tene kubhulula-ku amoxi-mu.

I Timote 4:16

Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.

Filemone 1:19

Eme Phaulu nga ki soneka ni lukuaku luami muene, kuila: Hinu ngi ki futa. Oko ki ngi bhindamena-phe ku ku lembalesa kuila eie-muène o muenhu ué ua u di dikongo ko kuami.

Tiiaku 1:15

Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.

Tiiaku 1:21

Uila kiki, ambulenu o ifua ioso ia ufusa, ni uendelu uoso uaiibha. Mu tambule ni kubelesela o maka a Nzambi a mi kunu ku miẋima ienu, maka a tena ku mi bhulula o mienhu ienu.

Tiiaku 5:15

O kusambʼuku, kua kuxikana, anga ku mu bhulula uoso ua-lu kata. O Ngana u mu balumuna, se ua tele ituxi, u mu loloka-iu.

Tiiaku 5:19

Phange jami, se muthu mudienu u jimbila o kidi, anga bhu kala muthu u mu bheka dingi mu njila,

I Phetele 4:8

Mu ima ioso kotʼèlele o henda ienu mudienu i fulujuke, kuma henda i sueka nzungule ia ituxi.

Dijingunuinu 20:6

A zediua, ia a lunguâ kiavulu muene, ió oso a mona mbandu iâ mu difukunukinu didi dia dianga. Enhó, o kalunga ka kaiadi, ki ka a tena dingi. A kà kala jinganga ja Nzambi ni ja Kristu, a kalanê ku ungana midi ia mivu.