Akua kubhondeleka o mundu uami ana-ndenge, o ala ku pholo ia utuminu uê, ahatu; Uaué, mundu uami, tata! akua ku ku songuela ala ku ku tobhesa; o njila ia fuama kuenda, a ku zangela-iu.
Ioso ia jimbila ngi i kenga, o ia di texi ngiza na-iu dingi, o ia bukula kinama ngi i tá mu kitanda, o ia kate ngi i tumba; maji o ia nete, ni iii ia vulu o nguzu ngi i jimisa o mbutu; kuma nga-nda ku jʼinga ni kilunji.
Ia buila ki mu i suinisa, o ia kate ki mu i tumbu, ia bukuka mua lémbua ku i ta mu kitanda, o ia bhambuka mu akuá ki mu tona ku i bheka mu kilunga, o ia jimbila né ngó ku i sota; maji mu jiza mu ku ji tumina ni kutema ni nguzu.
Enu jiphange jami, né-mbe bhu kala muthu u di jimba, nʼ a mu kuate mu kituxi, enu muala mu nzumbi, muthu ió mu mu kuatekesa phala ku mu bheka dingi bhu kididi. Maji mu ki bhanga-phe ni muẋima uabatama. Muila ue ni ku di langa enuʼenu, phala enu ue ka mi diangule.
Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.
Mbata amoxi-moxi a di ximana kuila o unjimu uenhú ala na-u, maji kienhiki kiene kia a bhekesa kuila o njila ia kuxikana a i lueza. O kiadi kia Nzambi ki kale ni enu oso ku mualʼoko.
Enu-phe akuetu nga mi zola, imʼ iii mua dianga kiá ku ijiia. Kala kiki, dimukinenu o makutu ma athu abhukumuka, phala ki ma mi bhitule, anga mu di bhala bhu ditala dia kolo bhu muemana.
Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.