Tiiaku 5:17 - O Mikanda Ikola

¹⁷ O Elija dia musèsedi, ua kexile muthu ni mukuetu, o jihânji jene jimoxi ni etu. Muène anga u samba lujiji phala mvula ki i noke, iene anga i bhanga mivu itatu ni mbeji jisamanu sè kunoka mu ngongo.

Tiiaku 5:17 ပူးပေါင်းရင်းမြစ်များ

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 18:1

Anga ki bhita kuma, mu kubhita izuua iavulu, kizuelu kia Ngana kiza kua Elija, ku muvu ua katatu, kixi: Ndé, ka di tukulule kua Akabe; mukonda nga-ndu bhana o mvula mu ngongo.

Luka 4:25

Ivenu, ngi mi ambele o kidi: Mu Izalaiele mua kexile ahatu a atudi avulu mu izuua ia Elija, kia jikile o diulu mu mivu itatu ni mbeji jisamanu, mʼoxi ioso anga mu vula nzala.

Jipoxolo 10:26

Phetele-phe u mu balumuna, uixi: Imana! Eme ue ngi muthu ni mukuenu.

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Loma 11:2

Nzambi ka ẋimbuka o mundu uê ua sola tunde mʼ ukulu. Manhi enu ki mu ejiia ki ambe o Mikanda Ikôla ku maka ma Elija? Muène ua di tende kua Nzambi, kia di kuata ni Izalaiele, uixi:

Dijingunuinu 11:6

Enhá a kôla, kuma a a bhana kutena kua kuxita ku diulu, mbé ki ku sonoke mvula mu izuua iâ ia kutanga o Njimbu ia Ngana. A a bhana ue kutena kua kukitula o menha nʼa kale manhinga. A tena ue kubuikisa o ngongo ni dibhebhu dioso-dioso, kioso kia mesena ene, mu lukuxi luoso luendi.