Tiiaku 5:16 - O Mikanda Ikola

¹⁶ Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

Tiiaku 5:16 ပူးပေါင်းရင်းမြစ်များ

Dimatekenu 19:29

Anga ki bhita-phe kuila, Nzambi kia zubha ku buikisa o jimbonge joso mu ngânga, Nzambi ua xinganeka Mbalahamu, anga u katula Lote mu kaẋi ka kibuika kia jimisa o jimbonge mua tungile Lote.

Dimatekenu 20:17

Mbalahamu anga u samba kua Nzambi; Nzambi anga u saka Abimeleke, ni mukajiʼê ni anʼa ahatu ku mbèle iê, a kala dingi mu vuala ana.

Dimatekenu 20:7

Kiki-phe mukaji a ngene mu bheke kua muadi uê, kuma muene polofeta, a ku diondele phala u laie; o ki u kamba ku mu bheka, ijiia na-kiu kuma u fua muene sé kufula, ni eie muene ni dibhata dioso dia ku tokala.

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

II Samuuele 19:19

Anga u ambela muenexi, uixi: Kùku, kana ku ngi ta mulonga, kana kubhaka ku muẋima kioso ki nga bhangele ni kubhukumuka, ngi mubhikʼé, kizuua ki ua tundile mu Jeluzaleme, kùku, ngana iami, eie u muenexi. Kana ku ngi tata phonzo.

I Jisobha 13:6

Bhenhobho sobha u di kola, anga uambela muthu ua Nzambi, uixi: Ndoko samba bhu pholo ia Jihova, Nzambi ié phala u ngi diondele, mbé muene a ngi vutuile o lukuaku luami. Bhenhobho o muthu ua Nzambi anga u samba mu kudionda Ngana, sobha a mu vutuila dingi lukuaku luê, anga lu xalela dingi kala ki lua kexile mʼukulu.

II Malunda 30:20

Jihova anga uívua o kusamba kua Ezekiia, hé uilula o muenhu ua kifuẋi.

Jobe 42:8

Kuatenu-phe, sambuadi dia tuana tua ngombe ni sambuadi dia ilumbe ia jimbudi, muie kua mubhikʼami Jobe, mua kà di bhele jisata. Mubhikʼami Jobe muene ua kà mi sambela; mukonda nga-nda kuẋikina kudionda kuê, phala eme ki ngi mi bhange kala kia fuama mu ulaji uenu. Mbata enu ku mu ngi zuela kioso kia iuka, kiókio kia fuama, kala o mubhikʼami Jobe.

Jisálamu 34:15

Mesu ma Jihova ma lûngu kua iá aiuka, o mátui mê mala kuividila kioso kia di kola.

Makatukilu 17:11

Anga kiia ni kubhita kuila, kioso Mozé kia leka o lukuaku, Izalaiele ala kota ku nguzu; o kia lu tulula o Amaleke muene u kala kota.

Makatukilu 9:33

Mozé anga u tunda mu mbonge, kia zubha kutunda kua Falaó, u sanzumuna maku mê kua Jihova; ni inuminu ni matadi anga a bhua-ku, o mvula i batuka kunoka mu ngongo.

Jisabhu 15:29

Jihova athu a bhuma ua sanduka dikanga; maji uividila o musambu ua athu aiuka.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Jelemiia 33:3

Dikole kokuami, nda eme ngi ku vutuile ni ngi ku tudile jimene ja ima ionéne, ia kuata ia kolo, i ua kambiʼeie kuijiia.

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Dialuilu 11:2

Kifuẋi anga ki di kola kua Mozé; Mozé anga u sambela Jihova; túbhia anga tu jima.

Matesu 21:22

Ni ima ioso kiá i mu bhinga mu kusamba, ni kuxikana, mu i tambula.

Matesu 3:6

Muène anga u kala mu ku a batizala mu honga ia Njolodá, ni kufisala o ituxi iâ.

Marku 1:5

O athu a tungu mu ixi ioso ia Judeia anga a tunda ku mu sanga, ni akua Jeluzaleme, muéne anga u a batizala mu ngiji ia Njolodá, kioso ene ki aia ni kufisala o ituxi iá.

Luka 9:6

Ene anga a katuka, a bhita ku mabhata moso ni kuboka o Njimbu Iambote, ni kusaka o jihaxi ku jimbandu joso.

Nzuá 9:31

Tuejiia kuma Nzambi kene mu kuívua mukua-ituxi. Maji se muthu-phe u kala mubhezi a Nzambi, hé u bhanga vondadi iê, muenhó Nzambi u mu ívua.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 19:18

Kua iá a xikana, athu avulu eza ni kufisala ni kutukulula imbamba ia kexi mu bhanga jinga mʼ okulu.

Jipoxolo 8:24

Ximá bhenhobho u kumbulula Phetele ni Nzuá, uixi: Ngi sambedienu kua Ngana, nga mi diondo, phala o ima i mu tangeʼ oio ki iize ko kuami.

Loma 3:10

Kala kia ki soneka mu Mikanda Ikôla exi: Uaiuka ka moneka, né muthu umoxi;

Loma 5:19

Mu kuxibhaka kua muthu umoxi, mundu a di bhangele akua ituxi, kiene kimoxi ue, mu kutumaka kua muthu umoxi, mundu a di bhanga akua kulunga, mbata ene oso a a xikina kua Nzambi.

Kolose 1:9

Mukonda dia kiki, etu uetu, tunde kizuua ki tua kʼivu, tua kuata kusamba kua Nzambi sé kufula, ni ku mi bhingila enu. Tua mu bhinga kua Nzambi, phala enu muizale ni kuijiia kua kutongolola o vondadi iê muene, ni unjimu ua kutongoloka koko kuene mú bhana o Nzumbi ia Nzambi.

I Tesalonika 5:17

Sambenu sé kufula;

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

I Tesalonika 5:25

Phange jetu, tu sambedienu ue etu.

Jihebeleu 11:4

Kiejila mu kuxikana, Abele kia bhakuile kua Nzambi o sata ia beta ujitu, ki i soko ni ia Kaini. O mu kuxikana anga u tambula umbangi ua kuiuka kuê, kuma Nzambi muène ua mu bhela umbangi mukonda dia maujitu mê. O mu kuxikana kuê, Abele sumbala uafua, hanji iú zuela.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

Jihebeleu 12:13

Endenu mu jinjila ja kuiuka, phala o kinama kia haxi ki ki sokomoke, inda-xi, kʼiluke.

Jihebeleu 13:18

Kolokotenu ni ku tu sambela. Kuma tua di fika kukala ni kitongoluelu kia zele, mbata tua mesena kubhanga mu kidi o ima ioso.

Josuué 10:12

Bhenhobho Josuué u ambela Jihova, mu kizuua Jihova kia bhakula a-Mamodi bhu lukuaku lua anʼa lalaiele, u zuela bhu mesuʼa akua Izalaiele, kuila: Dikumbi, imana hanji mu Ngibiione, eie ue, u mbeji, imana mu Dikôlo dia Ajalone.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

I Nzuá 3:22

O ioso ue i tu bhinga kua muène, tu i tambula mukonda tu aiuka o ijila iê, etu tua mu bhanga o ima ioso ia mu uabhela muène.

I Samuuele 1:12

Bhenhobho kiala kuenda ni kusamba kiki bhu pholo ia Jihova, Eli ua mu tongolola ku dikanu.

I Samuuele 12:17

Ngi dikola-phe kua Jihova phala a tumikise o inuminu ni mvula; phala mu kʼijiie nda mu mone kuma kubhukumuka kuenu kua vulu ku mua bhange mu mesu ma Jihova, mu ku mu bhinga sobha phala enu.

I Samuuele 12:18

Bhenhobho Samuuele anga u dikola kua Jihova; Jihova anga u tumikisa inuminu ni mvula kizuua kienʼokio. Mundu uoso anga a kala kiavulu ni uoma ua Jihova, ni uoma ua Samuuele.