Tiiaku 4:9 - O Mikanda Ikola

⁹ Kenananenu, mu di kuate mukondo, mu dile. Jingolela jenu ji biluke jingololo, o kutana kuenu kukale kudisuuata.

Tiiaku 4:9 ပူးပေါင်းရင်းမြစ်များ

Nehemiia 8:9

Anga Nehemiia (kuma muene ua kexile nguvulu) ni nganga Ejidala, dia musoneki, ni akua Leví, a kexi mu longa o kifuxi ni ku a lombolouela o maka, hé a tangela o kifuxi kioso, exi: Kiki kizuua kiòlumbile Ngana dia Nzambi ienu, ki mu luuale mba mu dila. Mukonda kifuxi kioso, mu kuívua maka ma kitumu, a kexe mu kudila.

Jobe 30:31

Kienhiki, o kakoxi kami, ka di bhange mikenu ia kubhindama, o mbendu iami, ila kala dízui dia athu a mu dila.

Jisálamu 119:136

Kisoxi muene kiala ku ngi buabumuka mu mesu kala ngiji, mukonda dia athu kubhumina o ngonge ié.

Jisálamu 119:67

Kioso ki nga kexile, eie kua ngi beta luua, nga sotele kujimbila; maji kiki-phe, maka mé nga ma kuata muene.

Jisálamu 119:71

Kima kiambote, muene kia ngi talesa o hadi; phala ngi di longe o kaiula ka jingonge jê.

Jisabhu 14:13

Muẋima, né-mbe hanji mu kuolela muene, ukata; Kuma sai bhabha, o kusanguluka zubhilu diê malamba.

Ndongixi 2:2

Katé ni kuolela nga ku mono kutekuka; o ngalasa iene i ngi bhandululʼahi?

Jelemiia 31:13

Kuabhu-phe, muhetu ua muzeletete ua kà sanguluka mu ku kina, ni minzangala ia mala ue, ni iá a kuka kiá; o kudila kuâ nga kà ku bilula kusanguluka, hé nga kà a konda malamba, o dilamba diâ nga kà di bilula kutana

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Kuditenda 5:15

Kukembela o muenhu kua tu-bhu, o kukina a tu katula-ku, kua tu iza kiá jingololo.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Izekiiele 7:16

Kua kà subhuka ngó oso a kà subhuka momuʼâ, maji a kà di uanena ku milundu uila membe a jihonga, ene oso a kuata o kukema muthu ni muthu, mukonda dia kuiibha kuá.

Matesu 21:41

Kuala ene: Ísueia ienhoio ua-nda ku i fuisa kalunga ka hadi, o mulenga nʼa u lukalesa idimakaji iengi, i mu bhakuila idima bhu jithembu jê.

Matesu 5:4

A zediua adila, mbata Nzambi ua kà a tululula.

Luka 16:25

Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

Luka 6:21

Mua zediua, enu kiki muala ni nzala, mukonda mua-nda kuikuta. Mua zediua, enu kiki mua-lu dila, mukonda mua-nda kuolela.

Luka 6:25

Lamba dienu, enu kiki muekuta, mukonda mua-ndu kala ni nzala! Lamba dienu, enu kiki mua-lu kuolela, mukonda mua-ndu kala ni kikote ni masoxi.