Tiiaku 4:8 - O Mikanda Ikola

⁸ Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

Tiiaku 4:8 ပူးပေါင်းရင်းမြစ်များ

Dimatekenu 18:23

Mbalahamu anga u zukama, uixi: Kifua ni iá a kumbidila, ni iá a bukumuka, u a buikixila kumoxi?

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

Jobe 16:17

sumbala bhu makuʼami ki bhuala kusuína, o musambu uami ua iuka muene.

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jobe 9:30

Né-mbe ngi di sukula ni menha a kikulakaji, o neve, maku hé ngʼa zelesa ni nzabá;

Jisálamu 119:113

Nga di zemba ni akua mixima iiadi; maji o ngonge ié ia ngi uabhela muene.

Jisálamu 145:18

Jihova ua zukama kua ió a dikola kua muene, oso a dikola kua muene mu kidi.

Jisálamu 18:20

Jihova ua ngi bhange kia tokala mu kulunga kuami; ua kaiela makuʼami a hatu, ka ngi kuata ni kima.

Jisálamu 24:4

Uoso makuʼê a mu zele, o muẋima uê uabhu ufusa; ua kambe kukaiela ulalu, ka xikina kuloka mu kunganala mukuá.

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 51:10

Nzambi iami, ngi kalakale moxi muẋima uengi uazele; ngi bhangulule dingi ni nzumbi ia kuiuka moxi diami.

Jisálamu 73:13

Kifua-ze eme nga tale ngó hadi ia ku di zelesa o muẋima ni kusukula o makuʼami nʼa bhue o maxaka.

Jisálamu 73:28

Eme-phe kia ngi uabhela o kuzukama kua Nzambi; nga solo Ngana Nzambi, muene u kala kibúta kiami, phala ngende jinge ni kutumbula o ikalakalu ié ioso.

Izaía 13:15

Uoso-uoso a mu sanga mu jila, a kà mu asa; o uoso a mu kuata, ua kàbua ku xibhata.

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Izaía 58:2

Sumbala kiene, maji kizuua ni kizuua ene ku ngi sota, kia a uabhela muene kudilonga mauendelu mami, edi kala povo iambote, ia di tumu ni Nzambi iâ; ala ku ngʼibhula kioso kienda o jiphangu ja ulungilu, a uabhela kuzuama kua Nzambi.

Jelemiia 4:11

Mu kithangana kinhá a kʼàmbela mundu iú ni Jeluzaleme kuamba: kitembu kia thothuena kia tundu bhu thala ia kikangalakata, kieza mu njila ia monʼa muhatu ua mundu uami, kí kieza phala ku bhiata, kí kieza phala ku zelesa.

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Kuditenda 3:57

Eie kizuua ki nga ku bhingile, bhenhobho eie ua ngi zukamene; uixi-phe: Ku kale ni uoma!

Izekiiele 18:31

Zulenu itondalu ienu ioso i mua tondala na-iu, mʼoxi dienu mu bhangemu muẋima ua ubhe ni nzumbi ia ubhe; mbata mua-nda fuilaʼhi ngoho, enu mu dibhata dia Izalaiele, tata?

Zakadiia 1:3

Kala kiki, u a tangela kuila: Jihova dia Ilombo uambe kiki: Eme Jihova dia Ilombo Ieta, uedi: Vutukilenu kokuami, nda eme ue ngi mi vutukile enu, kiene kia tange Jihova dia Uombo Ieta.

Malakiia 3:7

Tunde mu izuua ia jitata jenu, jingonge jami mua ji te dikunda, ki mua ji aiuka; ngi vutukidienu eme, phala eme ue ngi mi vutukile enu, eme ngi Jihova dia Ifuẋi; enu-phe muixi: Mu ima iahi mu tu vutukila kua Jihova?

Matesu 12:33

Kikale o muẋi mu u mona kuuabha, ni ibundu iê iauabha; mba mu mona o muẋi kuiibha, ni ibundu iê iaiibha; mbata muẋi a u ijidila ku ibundu iê.

Matesu 15:2

Phala-hi jixibulu jê ji tondala o kífua kia lekelela adiakimi okulu? Kuma ene kia dia ka sukula maku, kala kiene o kijila kietu kia tu xila akulu-a-ndamba.

Matesu 27:24

Pilatu-phe kia mono kuma ka lende kima, maji bhuanda kusalumuka mvunda, u tuma kutakana menha, anga u sukula o maku bhu pholo ia mundu, uixi: Ki ki kale kituxi kiami, kia manhinga ma muthu iú uaiuka; enuʼenu sokenu-na-kiu.

Jipoxolo 15:9

Kuma Muène ka tu di kaielesa ni etu ni ene, maji ua zelesa ue miẋima iâ mu kuxikana.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 7:19

Kuma o Kitumu kia Mozé ki ki tenene kubhanga kima ki tenena. Kù kueza kudielela kuengi kua uabha, ku tu zukama na-ku kua Nzambi.

Tiiaku 1:8

Mukonda mukua miẋima iiadi, u ingajaka mu kuenda kuê kuoso, kʼejiia kioso kia bhanga.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 3:21

O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.

I Samuuele 14:35

Saúlo anga u tunga kalatódio ka Jihova bhenhobho; kene kalatódio ka dianga muene kutungila Jihova.