Tiiaku 4:4 - O Mikanda Ikola

⁴ Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

Tiiaku 4:4 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Jisálamu 21:8

Luluaku lué eie luia ni kusota jinguma jê joso; o lué lua dilu lu bhixila muene katé kuala ió oso a ku zembe.

Jisálamu 50:18

Ki ua mono muii mu kunhana, u kuata-nê kisangela, o akua jiphanda ua di bundu-nâ kumoxi.

Jisálamu 73:27

Ió-ze a ku baluka eie u Ngana, a solo kutexika; a kà fua muene, oso a tunda bhu kinama kié mu sendukila ima iengi.

Izaía 57:3

Enu-phe bhiẋilenu bhabha, mu anʼa mama ia tambula uanga, mbutu ia kidianzunga ni ndumbu.

Jelemiia 2:2

kixi: Nde, ua kà handekele mu mátui ma Jeluzaleme, uixi: Jihova uambe, kiki: Nga ku lembalala, ni mbote ja unzangala ué, ni jihenda jé ja ubhanga, ni kioso ki ua ngi kaiejela jinga mu kikangalakata, mu ixi ki i xikina ku i kuna.

Jelemiia 9:2

Tamanu mu kikangalakata mua kexile kisasamba kia jingenji-a-thumba! hinu ngeji kuxa o mundu uami, inga nga a sondoloka, mukonda ene oso ala ati a jiphanda, ala ue kilunga kia jiphèke-phèke mu jiphèke-phèke.

Izekiiele 16:32

Uediʼé ngó kala u muhetu ua mukua jiphanda, ua bhingi, bhu kididi kia muadi uê, uia ni kutambulula athu engi.

Hozeia 3:1

Anga Jihova u ngʼambela, uixi: Ndé dingi luamukuá, u zole muhatu, a mu zola kuala kamba dié, suke muene-phe kiuaia, (uene mu ta jiphanda), mukua ni Jihova kia zola anʼa Izalaiele, Sumbala-phe ene a landukila kutala ku jinzambi jengi, a uabhela jimbolo jabhange ni ji-uva.

Matesu 12:39

Muène-phe u a vutuila, uixi: Muiji ua akua-phulu, ua akua jiphànda, ua bhindamena kisumua! O kisumua-phe ka a bhana-kiu, kikale ngó o kisumua kia polofeta Jona, kuabhu!

Matesu 16:4

Muiji uaiibha, ua akua jiphànda, u sota kijimbuete! Kijimbuete-phe ka a bhana-kiu, kikale ngó o kijimbuete kia Jona, kuabhu! Anga u a-xa bhobho, uia kuengi.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Nzuá 15:19

Se enu mua tokalele ku mundu, o mundu ueji kuzola o kiê. Maji mukonda ki mu tokala ku mundu, mbata eme nga mi tungula ku mundu, kiene mundu ki ua mi zembela.

Nzuá 17:14

Nga a bhana o maka mé. O mundu-phe ua a zembe, mukonda ene ka tokala mu mundu, mukuâ ni eme ki ngi tokala-mu.

Nzuá 7:7

Mundu ki u tena ku mi zemba enu, maji ua ngi zembe eme, mukonda ngi mbangi, ngixi ikalakalu iâ iaiibha.

Loma 5:10

Tua kexile tu jinguma ja Nzambi, maji Muène ua tena ku tu luulula, iú ua tu bhange tu makamba mu kufua kua Monʼ ê. Kota-kota kiki, ki tua luuluka kiá, tua kà bhuluka dingi kiengi mu muenhu ua Kristu.

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

I Kolindo 1:20

Mu kienʼ iki, o njimu iú kuebhi? Mba uatongoloka uebhi? O ṗhoxi ja kuzuela mu ngongo mumu, a suku bhebhi? Nzambi uene mù kuidikiza kuila o unjimu ua mu ngongo mumu ua di bhange uoua!

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.