Tiiaku 4:14 - O Mikanda Ikola

¹⁴ Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!

Tiiaku 4:14 ပူးပေါင်းရင်းမြစ်များ

II Samuuele 19:34

Badizilai anga u vutuila muenexi, uixi: Kua ngi xala dingi izuua ikuẋi ku mivu ia muenhu uami, kuila ngi banda ni muenexi ku Jeluzaleme?

Jisálamu 102:3

Kuma izuua iami iala kúbhua mukuâ ni dixi, o ifuba iami iala mu jila kala luhuinhi lua uama bhu jiku.

Jisálamu 144:4

Kuma muthu muha, mukuâ ni kima kia ngoho; izuua iê i bhita kala kinzúnzumbia.

Jisálamu 39:5

Talesa izuua iami mu ku i zonga, kala ki ua i xindi eie, kànda dia lukuaku diia-bhu ngó luofele; o kithangana kia muenhu uami, ku mesu mé ki kima, kuma ni kidi muene, muthu kingoho né uadisanze, kene kunanga. (Selah.)

Jisálamu 78:39

Ua lembalala kuma ene ala ngó xitu ia hatu; mulenge u bhita, uia, ki uiza dingi.

Jisálamu 89:47

Xinganeka o thembu iami, kuma ki i nange kúbhua; Eie, kífua anʼa athu ua a bhangela o kuseluka ngoho?

Jisabhu 27:1

Ku te nzabala ia kizuua kia mungu, mbata ioso ia-nda kuiza na-iu o kizuua kia mungu eie kua ijiia.

Izaía 2:22

Kala kiki-phe, o muthu uala ngoho ni mulenge ua kubhuimina mu dizulu diê, mu sondolokienu. Mukonda muene ue a mu ximana ni kima kiahi?

Izaía 38:12

O thembu iami ia kulaia ia ngi bhu, a ngi sondolola-iu muene mukuâ ni kia sondolola o muionga ua kafunga. O muenhu uami nga u batula kala mutungi-a-thanga kia batula o lungoji lua fio iê; muene u ngi batula mukuâ ni ua ngi batula ku mulongo ua thanga; uandekela mu kimene, o kutula mu ngoloxi ua ngi zubha.

Tiiaku 1:10

O uala mvuama, Nzambi nʼa mu tununa ku jimbote jê, a tane-ku, kuma a mu batamesa. Mukonda ni mvuama ue hinu u bhua athu ku mesu uila kitulu mu iangu.

I Phetele 1:24

Kala ki ambe o Mikanda Ikôla, kuma: Athu oso mukuá ni iangu ia mukau, o unéne uâ; kuuabha kuê kua kitulu kia iangu. O iangu i lela, o itulu i lalumuka,

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

I Nzuá 2:17

O mundu-phe u buila, ni ima iê ioso iene mu kuinda athu. Maji uoso-phe u bhanga o vondadi ia Nzambi, ió muène o muthu u nangenena.