Tiiaku 4:13 - O Mikanda Ikola

¹³ Kindala ivenu, enu mu akua kuila: Lelu mba mungu tuia ku mbanzʼoko, tu bhanga-ku muvu mu uenji, tu nganhale kitadi kiavulu.

Tiiaku 4:13 ပူးပေါင်းရင်းမြစ်များ

Dimatekenu 11:7

Ndokuenu, tu tuluke, tu a bhidike mu kuzuela kuâ, phala a lémbue ku dʼivua mudiâ.

Jisabhu 27:1

Ku te nzabala ia kizuua kia mungu, mbata ioso ia-nda kuiza na-iu o kizuua kia mungu eie kua ijiia.

Ndongixi 2:1

Hé ngʼambela o muẋima uami, ngixi: Izá ngi ku teze hanji ni kusanguluka; kala kiki, kemba, sanguluka! Maji mu ku kʼila ue suí, nga ki mono kuma ukumbu ngó.

Izaía 24:2

Kioso kianda kubhita na-kiu o mundu, kiene ue kia kà bhita na-kiu o nganga; kikala o selevende, kiene ue kià kala ngana iê; kikala o kahatu, kiene kià kala ngana iê ia muhatu; kikala o musumbi, kiene ue kià kala o musumbixi; kikala o musobhexi, kiene ue kià kala o musobhi; kikala u bhana dikongo ni kuvualesa, kiene ue kià kala uoso u futa dikongo ni kuvualesa.

Izaía 5:5

Ngi mʼijidise-phe kindala kioso ki nga kane kubhanga o díbhia diami dia muvide: Kikanzo kiê ngi ki muanga, nda di kale kiá dikêla dia ibhaku; o kipena kiê ngi ki lundumuna, nda a ki titidile.

Izekiiele 7:12

Kithangana ki kiza, o kizuua kié kia bhixila; uoso u sumba ka sanguluke, o ió u sumbisa ka luuale; mukonda o njinda i uama iala ku thandu dia kifuẋu kiâ kioso.

I Kolindo 7:30

O oso a dila, kele kala ala ni malamba; O oso a mu kuolela, kele kala a mono mbote; Oso a sumba, kele kala avu kimbamba kiokio kia sumbu.

Tiiaku 5:1

Kindala, enu mu jimonhi, ivenu! Ndokuenu mu dile, mu di kole, mukonda dia usébhue ua-nda ku mi tula!