Tiiaku 4:12 - O Mikanda Ikola

¹² Sai-phe umoxi ngó u bhana o Kitumu, u batula o milonga,—muène Nzambi. Muenhó, muène u tena kubhulula, muène u tena kufuisa. Eie-phe ua di fika eie nanhi, u êlesa phangʼié mua Kristu?

Tiiaku 4:12 ပူးပေါင်းရင်းမြစ်များ

Jobe 38:2

Nanhi muenʼiú uala ku xikelesa ikutu iami ni kuzuela ngó maka ma uoua?

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Luka 12:5

Eme ngi mi londekesa-phe uoso mu mu kuatela uôma: Mu kala ni uôma ua Nzambi, ió kia zubha kujibha o mukutu, u tena ue ku mi takula mu ʼalunga ka túbhia. Xi, nga mi ambela muene: Kalenu ni uôma ua Nzambi! Muenió mu ẋidienu.

Loma 14:13

Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

Loma 14:4

Eie-muene, eie nanhi uala mù kuelêsa o selevende iangene? Ngana iê muene uanda kumona o phangu, se muène u tolola mba uanda kubhubhuka-ku. Maji-phe u tolola muène, kuma Ngana uala ni nguzu ia ku mu bhangesa kutolola.

Loma 2:1

Kienʼ iki, eie u muthu ua kime, uala mù kuêlesa akuenu? Kiosokioso ki u kalé, eie-muène ue ku lungu. Mukonda kioso ki u êlesa mukuenu, eie ue anga u kuata kubhanga ima iene imoxi, ua di êlesa eie-muène.

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Tiiaku 5:9

Enu jiphange, ki muende ni kudilongolola mudienu, phala enu-enu Nzambi ka mi belese. Talesenu, Mufundixi ua zukama, iú kiá bhu muelu phala kuiza.

I Samuuele 25:10

Nabale anga u vutuila makuenze a Davidi, uixi: Davidi muene mukua-hi? Monʼa Jese nanhi muene? Abhika avulu-á izuuʼiii, a mu lenga mʼonzo ia jingana jâ!