Tiiaku 4:11 - O Mikanda Ikola

¹¹ Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

Tiiaku 4:11 ပူးပေါင်းရင်းမြစ်များ

Jisálamu 140:11

Muzuedi uaibhʼó, ka kale dingi ni kididi mu ngongo; mukua kusuína, uíndua u mu seia katé kia mu jikinisa.

Luka 6:37

Ki mu fike akuenu, phala enu uenu ka mi fike; ki mu êlese akuenu, phala enu uenu ka mi êlese; lolokenu akuenu, enu uenu Nzambi a mi loloke.

Loma 2:1

Kienʼ iki, eie u muthu ua kime, uala mù kuêlesa akuenu? Kiosokioso ki u kalé, eie-muène ue ku lungu. Mukonda kioso ki u êlesa mukuenu, eie ue anga u kuata kubhanga ima iene imoxi, ua di êlesa eie-muène.

Loma 2:13

Kuma oso evui a Kitumu, ki ene a lunga kua Nzambi; maji oso atumaka, a bhanga kia tumu o Kitumu, ene a lunga.

Loma 7:7

Kiki-phe, tuila kiebhi? Tuila kuma o Kitumu ituxi? Ki ki xikina! Maji-phe ki ngeji kuijiia ituxi, se Kitumu kia kambele-ku. Kuma luimbi ki ngeji ku lu ijiia, se o Kitumu kia kambele kuila: Kana ku kala ni luimbi.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Efezo 4:31

Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

I Timote 3:11

Ahatuʼâ ue ki bhinga a kala jifiiele, ka kale ni jimbuèmbue. A kale ku mesu a zele, a kumbidile jinge mu ima ioso.

II Timote 3:3

Ka moneka henda ia muthu, kene kuloloka, akua kutatela ngó akuâ, keji kufikisa jihanji, a kaka, a di zemba ni ima iambote.

Tito 2:3

Ambela ue adiakimi a ahatu kuila ende ni ujitu, ua fuama athu ala ni muenhu uazele. Ka kale ni kabódio, ka kale mu ubhika ua kunua vinhu iavulu. Maji a kale mú longa jinga ima ia mbote,

Tiiaku 1:16

Ki mu di nganale, enu phange jami nga mi zola.

Tiiaku 1:19

Lembalala jingenu-phe kiki, enu jiphange jami nga mi zola. Muthu ni muthu-phe a lenguluke kuivua, maji a kokoloke kuzuela, a kokoloke o kutêma.

Tiiaku 1:25

Maji uoso-phe u bhana o matui ku kitumu kia tenena, o kitumu kía ufuôlo, anga u ki jijila, ka kala mukua kuivua nʼa jimbe-ku, maji u kala mukua kubhanga nʼa kumbidile, muenhú Nzambi u mu zediuisa mu ioso ia bhanga.

Tiiaku 2:8

Enu-phe se mu kumbidila o Kitumu kia Utuminu mua bhange kiambote kala kia mi fuama o kubhanga. Mbata a ki soneka mu Mikanda Ikôla, exi: O mukuenu u mu zola kala ki ua di zola eʼmuène.

Tiiaku 5:10

Xinganekenu, enu jiphange, o jipolofetʼ ojo ja zuelele mu dijina dia Ngana, kia tu bhana phangu mu kutala hadi, ni mu kukuata kinhenge.

Tiiaku 5:7

Kala kiki, kuatenu-phe kinhenge, enu jiphange, katé bhua kèjiia Ngana. Talesenu kidimakaji kioso kia kinga ibundu iambote i tunda mu mavu. Muène u i kuatela kinhenge, katé ki i nokena mvula ia kudinji ni ia kasamanu.

Tiiaku 5:9

Enu jiphange, ki muende ni kudilongolola mudienu, phala enu-enu Nzambi ka mi belese. Talesenu, Mufundixi ua zukama, iú kiá bhu muelu phala kuiza.

I Phetele 2:1

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.