Tiiaku 4:10 - O Mikanda Ikola

¹⁰ Di tolesienu bhu pholo ia Ngana, muène anga u mi zangeleka.

Tiiaku 4:10 ပူးပေါင်းရင်းမြစ်များ

II Malunda 7:14

o ki kala-phe o mundu uami, kituxi kiʼexana mu dijina diami, a di bhomba kokuami, anga a samba, a sota muene pholo iami, o ku jinjila jâ ja ibha anga a tunda-ku, kieneʼokio-phe eme ku maúlu nga-nda ku a evua, anga ngi loloka ituxi iâ, o ixi iâ ngi i saka.

Jobe 22:29

O iá kiʼaia ni ku kulumuka, eie-phe ua kèla uixi: Bhulu! Anga Nzambi ua kà bhulula uoso ua di tolesa.

Jobe 5:11

Phala ua tolo o dijina a mu tule ditala dia dileka; o ió ua bhiti ni thambi a kale mu sanguluka ni jimbote ja vulu.

Jisálamu 113:7

Ngadiama u mu zangula, ua mu sange ua fufuka ni mvindu; phulungu u mu zangeleka, ua mu katula bhu dixita.

Jisálamu 147:6

Jihova u zangeleka ió a di tululula; abhukumuka-phe u a tununa muene katé bhoxi.

Jisálamu 27:6

Ki bhangesa mútue uami u bhetuka, jinguma ja ngi bhindamena ngʼa muena ngó bhoxi; anga ngi bhana mu balaka iê jisata ja kusakidila; ngimba mikumbi, ngi sanguluka mu kuximana Ngana.

Jisálamu 28:9

Bhulula, Ngana, o mundu ué; undundu ué u kale ni dibesá; kala eʼmuène u mubidi uâ, u a dise izuua ioso.

Jisálamu 30:1

Nga zangeleka Jihova, mukonda eie ua ngi zangula; kuehela jinguma jami ku ta kikóue, kuila a ngi lende.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Jisabhu 29:23

Muthu mukua ukumbu, o ukumbu uê uene hádia u mu katula o kijingo; maji o mukua muẋima ua batama-phe u bonga ujitu.

Izekiiele 21:26

Jihova Nzambi uambe kiki, uixi: O dilénga katula-diu, o kitundu sondolola-kiu; o kiki ki kiene dingi kia-nda kuà kala-ku; uoso ua di tolesa, eie u mu zangeleka; o uoso ua di zangeleka, eie mu tululule.

Matesu 23:12

Uoso u di zangeleka, a kà mu tululula; ni ió uoso u di tolesa, a kà mu zangeleka.

Luka 1:52

Anʼa jingana ua a tulula ku iandu, iú ua bandesa-ku a tolo o majina.

Luka 14:11

Mukonda uoso u di zangula, a mu tulula; o uoso-phe u di tolesa, a mu zangula.

Luka 18:14

Ngi mi ambela kuma, iú ua kulumuka ni muẋima uazele ku bhata diê, o mukuá, kana! Mukonda uoso u di zangula, a mu tulula; o uoso-phe u di tulula, a mu zangula.

I Phetele 5:6

Uila kiki, batâmenu bhoxi dia lukuaku lua Nzambi lua suina, muène a mi zangeleke bhu kitangana kiatokala.

I Samuuele 2:7

Jihova u bheka muthu mu uadiama, o ngadiama u mu bheka mu umonhi; u sebukisa muthu, u bhana muthu kijingo.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.