Tiiaku 3:6 - O Mikanda Ikola

⁶ O dimi, tubhia. Diene ubheka uê, diala ni nzungule ia usuéia! Dia tambula kididi mu idiandu ietu ioso, hé di kasanesa o mukutu uetu uoso, o dimi dienhidi! Dia di bhange mukuâ ni tubhia tua mu tunda mu infernu, diene di ta o mukutu uetu uoso mu mulengu.

Tiiaku 3:6 ပူးပေါင်းရင်းမြစ်များ

II Samuuele 16:20

Abisalone bhenhobho anga u ambela Ahitofele, uixi: Tu bhane phangu ioso i tua fuama kubhanga.

II Samuuele 19:43

Akua Izalaiele anga a vutuila akua Juda, exi: Muenexi ua tu tokala etu, enu ndenge; mua tu tèndela-hi-phe, mu kamba ku dʼivisa ni etu, mu kutakana dingi muenexi uetu? Maka ma akua Juda anga ma beta kusuína, maka ma akua Izalaiele ndenge.

II Malunda 13:17

Katé Abiia ni kifuẋi kiê a bhange unzangi ua vulu muʼaxaxi kâ; mukonda mua Izalaiele, ku athu a ita òsole, ene a jibhile-ku hama jitanu ja midi ia muthu.

Jisálamu 140:3

Dimi diâ a di zuika kala dia nhoka, kuema dia mizumbu iâ, kuala ikolakola kala ia madiuta. (Selah.)

Jisálamu 64:3

A bhingi dimi diâ a di zuika kala xibhata, a ku ona o milonga ialulu kala matoma.

Jisabhu 15:1

Kuvutula kua kulenduka, kubhuisa jimvunda; maji o kuzuela kua kunonga, kubhekela njinda.

Jisabhu 16:27

Monʼa kadiaphemba u kanda o phulu iene; o ku mizumbu iê u sanga kua bambuka kala túbhia.

Jisabhu 6:19

o mbangi ia mangonha itanga makutu, ni mukua kuzokesa jiphange u kuna jimvunda muʼaxaxe kâ.

Jisabhu 7:5

Enhá ende ni ku ku inga, mbé ki u mona mukajiʼa mukuenu, ni kʼiza muhatu uengi ni ku ku zeia ni maka mê.

Izaía 30:27

Talesa, dijina dia Jihova ditunda dikanga, ni kuuama ni njinda iê mu kaẋi ka ifuke iedi muene xikixiki; mizumbu iê ia teme kinéne, o dimi diê mukua ni tubhia tua muzukuta.

Izaía 50:11

Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Jelemiia 28:16

Mukonda dia kienhiki, Jihova uambe, kiki: Tala, kulu-dia-mundu nganda ku ku katula-ku; ua-nda kúfua muvu uenhú, mukonda eie ua zuela ni kubhumina Jihova.

Ijila 24:11

O mona-diialʼú anga uẋonguena Dijina dia Jihova, u di naka, anga a mu bheka kua Mozé. O dijina dia mamʼâ Selomite, monʼa Divile, ku muiji ua Dane.

Dialuilu 25:2

kuma a exana ku jisata ja mahamba mâ; kifuẋi anga a dia, a fukamena nzambi jâ.

Dialuilu 31:16

Enʼiá-ze, ene a sendula anʼa Izalaiele, mu kaiula ka Balamu, mu kubhukumukina Jihova mu mulonga ua Peole, anga a bheka kibuika mu kilômbo kia Jihova.

Matesu 12:24

Jifalizeu-phe kia kʼivu, exi: Ialʼó kukaia o madimonho, mukonda ua tokala ni Belezububu, dikota dia madimonho.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Marku 7:15

Kana kima ku kanga dia muthu ki tena ku mu bokona ni ki mu kasanesa; maji o ima-phe i tunda moxi dia muthu, iene i kasanesa o muthu. [

Luka 16:24

Anga u di kola uixi: Tata Mbalahamu! Ngi kuatele henda! Tuma Lázalu a bondeke mútue ua mulembu uê mu menha, eze a ngi talalese bhu dimi, mukonda nga xixima kiavulu mu mulengʼumu!

Jipoxolo 20:30

Ni mudienu muene, hinu mu moneka athu a tanga ima ia makutu, ia kutondalesa, hé a sunga jixibulu ku mbandu iâ.

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

Jipoxolo 6:13

Anga a sota athu phala ku mu tatela, hé a tubhula jimbangi ja makutu, exi; Ialʼú ua jijila kuta maka ma kuẋonguena kididʼ iki kiangene, (o Tembulu ietu ikôla) ni Kitumu kia Mozé.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Tito 1:11

Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Tiiaku 2:7

Ki ene ène kuẋonguena o dijinʼodio dia ujitu, Nzambi dia mi luku?

Tiiaku 3:7

Kuma o mbutu ioso ia iama, ni mbutu ioso ia jinjila, ni ia tubamba tu zanzala, ni ia jimbiji mu menha, ene ku i tolola kuala o mbutu ia muthu.

II Phetele 3:3

Mu dianga-phe ku kʼijiia, kuma mu izuua i sukidila-ku, kua kà kala athu enda kioso kia a tumu jihânji jâ. Enhá a kà mi bhanga kasekelu ni kuila:

III Nzuá 1:10

Kienʼ iki, se ngaii-ku, nga kà mu lembalesa o ima iê ioso iene mù bhanga, ni kusabhula kuê kua phulu, kua ku tu balukila etu, ni makutu ene mù tanga. O kieniokio-phe ngó, ki kia mu soko, maji uate-ku dingi o kudituna kutambulula jiphange joso jiia koko. Se bhu kata muthu uambe ku a tambulula, muène ka ki ehela; o muenʼ ió u mu kaia mu Ngeleja!

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 13:14

Anga u nganala ene oso a tungu mu ngongo, mukonda dia iphata iê ia mu bhana kubhanga bhu pholo ia kiama kia dianga. Muène hé u ambela athu oso a tungu mu ngongo, kuila a bhange kitèka kia kiama kia dianga, mbé ende ni kufumanesa o kiamʼokio a mu tele o xibhata ia kùfua anga u iluka.

Dijingunuinu 18:23

Nuka momué mu muika dingi mukengeji ua kandeia! Nuka dingi évua-mu nzongo ia mabhanga! Mbata o jingenji jé ja kufuna, a kexile anʼa jingana a beta o kutena mu ngongo. O uanga ué uene u ua bhombo na-u akua jixi joso.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.