Tiiaku 3:2 - O Mikanda Ikola

² Kuma etu-ene oso, tuene mu tondajala mu ima iavulu. Uoso u kamba kudibhukana mu kuzuela, ió muene muthu uatenena, ua soko-bho o kukuika mukutu uê uoso.

Tiiaku 3:2 ပူးပေါင်းရင်းမြစ်များ

I Jisobha 8:46

Kioso ene kia ku tela kituxi (mbata kana-ku muthu u kamba kuta kituxi) eie anga u a luualela, hé u a bhana bhu maku ma nguma, nda a ambate ku ubhika ku ixi ia nguma kuala ió a a kutu, kixi ixi ia dikanga mba bhua zukama;

II Malunda 6:36

Kioso ki a ta kituxi kokué (mbata kana-ku muthu u kamba ku ta kituxi) eie anga u a kuatela njinda, hé u a bhakula kua nguma iâ, phala oso a-nda ku a kuika, a ambate muene ku ubhika ku ixi ioso-ioso ia dikanga mba ia zukama,

Jobe 15:13

Phala ku bilukila Nzambi, ni muenhu ué, anga uehela izuelu kala iii ku tunda mu dikanu dié-eie?

Jisálamu 34:13

Aiuka! dimi dié ki di kale ni phulu, o mizumbu ié ki i tange makutu.

Jisálamu 39:1

Ngedile ngixi: Ngi di langa o kuzuela, phala ki ngi te kituxi ni dimi diami; dikanu diami ngi di kuta jingoji, kioso ki ngʼimana kumoxi ni muthu uabhukumuka.

Jisabhu 10:19

Mu kuzuela kua vulu, ki mu kambe kutondala; o ua di xibidila-phe uala njimu, ki kioua.

Jisabhu 13:3

Uoso u langa dimi diê, muenhu uê ua u kondeka; uoso-phe uzuela kiavulu, muenhu uê ua u jibha.

Jisabhu 20:9

Mukuahi muene u tena kuamba: Eme muẋima uami nga u ixika muene, nga zele muene, ki ngala ni kituxi?

Jisabhu 21:23

Muthu uoso u langa o dikanu diê nʼa koteka o dimi diê, ió muenhu uê ua u kondeka ku kikote ni lamba.

Ndongixi 7:20

Kidi bá! Mu ngongo kana-mu muthu ua iuka, u bhanga ngó mbote mu mbote anga u kamba ku ta kituxi.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Ijila 13:39

nganga-phe a mu talese, o kia mona ku kikonda kia mukutu uê kua mu sabhuka majiji mazela ma ngoho, ió-phe mabhumbu mazela, ma di sabukila ku mukutu uê; ki mʼediê kima, muene ua zediê.

Matesu 12:34

Enu mu muiji ua madiuta! Mu tena kiebhi, ki mua iibhʼiki, o kuzuela ima iambote? Mbata kioso kiezala mu muẋima, kiene ki zuela o dikanu.

Matesu 12:37

Mbata mu maka mé hádia muene mu ua kà lungila, mba mu maka mé muene mu uʼêlele.

Loma 3:10

Kala kia ki soneka mu Mikanda Ikôla exi: Uaiuka ka moneka, né muthu umoxi;

Loma 7:21

Kiki-phe nga sange kuila moxi diami muedi kiki: Kioso eme ki ngi sola kubhanga iauabha, iaiibha iene ia ngi zukama.

I Kolindo 9:27

O mukutu uami-phe ngi u bhana jihuxi katé ki ngi u tolola, hé uenda ni kubelesela, mbé kuiengesa kuila, ku thandu dia kulonga athu o maka ma Njimbu Iambote, eme-muene hinu ngi dianguka.

Ngalásia 3:22

Maji o Mikanda Ikôla-phe iambe kuila athu oso a a jikila bhoxi dia kutena kua ituxi, phala o polomesʼ oio i bhinga kuxikana Jezú Kristu, i kale ia ene oso a xikana.

Ngalásia 5:17

Mbata o xitu i kuata hanji ia iibhila o Nzumbi, o Nzumbi i kuata o hanji ia iibhila o xitu; kuma kiiadʼiki kia di zemba; phala enu mu lémbue kubhanga o ima i mua mesena.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

Tiiaku 1:26

Sai muthu ua di fika kukala mubhezi a Nzambi? Se u kamba kuijiia o kukuika o dimi diê, o kubheza kuê kua ngoho, iu ua mu di nganalʼê muène mu muẋima uê.

Tiiaku 1:4

O kukolokota kuenu-phe suinenu na-ku, phala ku mi zubhile kikalakalu kiê, mbè mu tenene, mu kale kivimba, sè kima kia mi kambe.

Tiiaku 2:10

Kuma uoso u aiuka o Kitumu kioso, hé u di bhukana-ku ngó diba dimoxi, Kitumu kioso ua ki tondala.

I Phetele 3:10

Kuma o Mikanda Ikôla iambe, iexi: Muthu uebhi uendi u kola muenhu, nʼa mone izuua ia mbote, dimi diê ka di ehele ku phulu, o mizumbu iê ki i tange makutu.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.