Tiiaku 3:18 - O Mikanda Ikola

¹⁸ Mukonda o ibhangelu ia tokala o kuiuka, iene o ibundu ima ku mbutu ja kunu ni kutululuka kuala athu ka moneka mvunda.

Tiiaku 3:18 ပူးပေါင်းရင်းမြစ်များ

Jisálamu 92:14

Katé ni mu ukukilu, hanji ema ibundu; a kà buingita muene kiavulu, a zanda.

Jisabhu 11:18

Mukua-phulu kia kalakala, kima kia bhanga ki ki tundu mbote; uoso-phe u kuna jimbutu ja kutetuluka, ua xikamena futu ia kidi.

Jisabhu 11:28

Muthu uoso u di fiiala jimbongo jê, ua-nda kusenguluka hé u di bhala; athu aiuka-phe abuingita kala kimuẋi kiala ni jithangu ja uisu.

Jisabhu 11:30

Muthu uambote, ibundu iê i di fuangana ni muxi ua muenhu; uoso u sungila kokuê o mienhu ia athu, muene njimu.

Hozeia 10:12

Kunenu jimbutu jenu ja kuiuka phala mu bhongolole ja henda; bakenu mavu enu a maxinde, kuma thembu iii ia kusota Ngana, katé muene kieza, nʼa mi nokene ima ia kuiuka kala mvula.

Amoji 6:12

O tubalu tu tena kulenga mu kaxi ka matadi? Inga ku matadi a tena ku dima-ku ni jingombe? Enu-phe o kubatula milonga mua ku kitula kima kia lulu. Ibundu ia kuiuka ni kufundisa mu kidi, mua i kitula ibundu ia kingululu.

Matesu 5:9

A zediua akua ku luulula, a buisa jimvunda, ene a exana anʼ a Nzambi.

Nzuá 4:36

Uoso u kalakala, mu kubhongolola u tambula futu, hé u i bhakela o muenhu ki uábhua. Phala mu kienhiki, ni mukuni a jimbutu ni mubhongolodi a idima, a sangulukile kumoxi.

Ngalásia 6:8

Uoso u kuuila ima inda o xitu, ku xitu iê uandù bhongolola kalunga. Maji uoso u kunina ku ima iandala o Nzumbi ia Nzambi, ku Nzumbi uandù bhongolola muenhu ki uabhua.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Jihebeleu 12:11

Kioso kia tu beta, kithangana kienhokio tu ki mona kuiibha, ki ki tu uabhela, kana. Maji-phe kuila kia bhiti kiá, ki bhekela ió oso a a beta mu ku a longa, kutambula kisakidilu kia muenhu uaiuka, ua paze.

Tiiaku 1:20

Mukonda o kuthathamana kua muthu, ki ku bheka kima ki uabhela Nzambi.