Tiiaku 3:1 - O Mikanda Ikola

¹ Enu phange jami, athu mudienu ka vudile ku di bhanga jimesene ja kulonga maka mu Ngeleja, kuma mua kʼijiia kuila etu, tua mu longa o maka, hinu tua kà kala kota mu kuêla athu oso ndenge, hàdia kia kà tu fundisa.

Tiiaku 3:1 ပူးပေါင်းရင်းမြစ်များ

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Malakiia 2:12

Mu jibalaka ja Jakobo, Ngana ua kà buidisamu ene oso a bhanga ima kala iii, kikale mesene kikale xibulu, né ió uoso u bhana maujitu kua Jihova dia Ifuẋi.

Matesu 10:24

Xibulu ki i kala kota dia mesene iê, o mubhika ki u kala kota dia ngana iê.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Matesu 23:14

Lamba dienu, mu jimesene ja kulonga Kitumu ni enu mu jifalizeu, mu akua mangonha! Kuma atudi mu a bhanga ufe, hé mu dia o mabhata mâ, uii uenu anga mu u suekela mu kubhana misambu ialebha! Kiene ki mua kaú tambuila kaxtiku ka beta ukota!]

Matesu 9:11

Jifalizeu kia ki mono, ambela jixibulu jê, exi: Phala-hi mesene ienu uala kudila kumoxi ni akua kutambula lubhaku ni akua ituxi?

Luka 16:2

Anga u mu ixana, u mu ambela, uixi: Ngala ku kuívua kiebhi? Ima iala ku kutanga ia kidi? Bhana konda ia umbadi ué, mukonda kutena dingi kukala u kimbadi kiami.

Luka 6:37

Ki mu fike akuenu, phala enu uenu ka mi fike; ki mu êlese akuenu, phala enu uenu ka mi êlese; lolokenu akuenu, enu uenu Nzambi a mi loloke.

Nzuá 3:10

Kuala Jezú: Eie u mesene ia Izalaiele imʼiíi kífua ku ijiia?

Jipoxolo 13:1

Kikki-phe mu Andiioka, mu Ngeleja mueniomo, mu kala jipolofeta ni alongixi iá: Barnabé, ni Ximinhá a mu edi Muxiketedi, ni Lúsiu mukua Silene, ni Manahene a mu sasa kumoxi ni Helode dia tetalaku, ni Saúlu.

I Kolindo 12:28

Kiene kia bhekesa kuila, mu Ngeleja, ima ioso Nzambi ua i te mu ididi iêʼ Moxi, ua diangesa o Jipoxolo; iadi, kua kaiela o jipolofeta; o tatu, uate jimesene ja kulonga mu Ngeleja. Iú uate-ku dingi ni abhangi a isuma; uixi ni ia a tambula o umesene ua kusaka jihaxi; amukuá a tambula uhete ua kukala akuatekexi, mba ua kukala atumini, mba ue kuzuela jimbimbi jengi.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

Efezo 4:11

Muène ua uanena o maujitu ku athu. Amoxi-moxi ua a bhana kukala Jipoxolo; amoxi Jipolofeta; amoxi akunji a kutula o Njimbu Iambote; amoxi jipaxtolo; amukuâ jimesene ja kulonga mu Ngeleja.

I Timote 1:7

Ene endi a kala jimesene ja kulonga Kitumu kia Nzambi, maji kejiia-phe ngó ioso ia zuela, kejiia ue o ima iòlamena ni ku i longa.

I Timote 2:7

Kiene kia bhangesa ku ngi katula eme mu kukala Poxolo, ni kukala mesene ia oso ka tokala mu muiji ua Jijudé. Mbé ku a tudila o njimbu ia kuxikana ni ia kidi. O ki nga mu zuelʼiki-phe ki makutu, nga tange kidi.

II Timote 1:11

Iene o Njimbu ia ngi katuila Nzambi mu kala ngi mukodi, ngi mukunji, ngi mulongi.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

Tiiaku 1:16

Ki mu di nganale, enu phange jami nga mi zola.

Tiiaku 1:19

Lembalala jingenu-phe kiki, enu jiphange jami nga mi zola. Muthu ni muthu-phe a lenguluke kuivua, maji a kokoloke kuzuela, a kokoloke o kutêma.

Tiiaku 3:10

Mu kanu dimoxi mu tunda maka a ujitu, mu tunda o ndaka. Phange jami, tata! Imʼiii ki kiene ki ia tokala kukala!

I Phetele 5:3

Ki mu kale mu jingana ja kutumina ió ene a mi bhana-nâ ku a enga, maji mu kala mù atuameneni mua bhana phangu ku kilunga.