Tiiaku 2:9 - O Mikanda Ikola

⁹ Maji enu-phe, o ki mu kala mu suua jipholo ja athu, kituxi ki mua mu ta. O Kitumu-phe kia mi kuata, mu akua muiônga uê.

Tiiaku 2:9 ပူးပေါင်းရင်းမြစ်များ

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Nzuá 16:8

O Mukuatekexi muène kia-ndu kuiza, u ijidisa mundu ki kala o ituxi, ki kala o kuiuka, ni ki kala o kufundisa kua Nzambi.

Nzuá 8:46

Mukua-hi mudienu u tena kuidikisa ngó kituxi kiami kimoxi? Se nga mu zuela kidi, mua kambela-hi ku ngi xikana?

Nzuá 8:9

Ene kievu kiki, a kuata kutunda umoxi-umoxi, tunde ku dikota, katé ku ndenge. Jezú anga u xala ubheka uê ni muhatu, hanji kiemana bhu a mu bhakele bhu ʼaxaxe.

Jipoxolo 10:34

Phetele anga u kuata kuzuela, uixi: Kia kidi kiene, nga mono kuma Nzambi kene ni kathombo ka athu.

Loma 3:20

Mukonda mu ikalakalu i xinda o Kitumu, kana muthu u tena kulungila-mu ku mesu ma Nzambi. Kuma mu Kitumu, muene muthu muejidila kuila mukua ituxi.

I Kolindo 14:24

Maji ene oso-phe se a kala mù tanga o Maka ma Nzambi, anga mu bokona muthu ua kambe kuxikana, mba uala kiximba, uivua ioso i mua mu zuela anga phata i mu bhua, hé u toloka mukonda dia ituxi iê. Kuma ima ioso i evua uanda kudiela.

Ngalásia 2:19

Mukonda kia zuela o Kitumu, eme ngi mufi ua Kitumu—a ngi jibha kuala o Kitumu kiene—phala muenhu uami u kale kua Nzambi. Mbata nga fuila ku dikulusu kumoxi ni Kristu.

Matendelelu 1:17

O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.

I Nzuá 3:4

Muthu uoso u ta kituxi, ua bulu o Kitumu kia Nzambi, kuma kituxi o kubula o Kitumu.

Juda 1:15

mu kufundisa athu oso. Uà keza mu kuêlesa athu oso abhumu, a kambe kuxikana, mukonda dia imbamba iâ ioso ia kubhukumuka ia bhumina kubhanga, ni malebhu moso akua ituxi abhumu enhâ a ẋonguena jinga na-u Nzambi!