Tiiaku 2:8 - O Mikanda Ikola

⁸ Enu-phe se mu kumbidila o Kitumu kia Utuminu mua bhange kiambote kala kia mi fuama o kubhanga. Mbata a ki soneka mu Mikanda Ikôla, exi: O mukuenu u mu zola kala ki ua di zola eʼmuène.

Tiiaku 2:8 ပူးပေါင်းရင်းမြစ်များ

I Jisobha 8:18

Maji o Ngana-phe uambela tatʼetu Davidi uixi: Eie kuma kia ku kala ku muẋima ué kutungila o dijina diami inzo, kima kiambote ki ua bhange o ku ki kana ngó ku muẋima ué.

II Jisobha 7:9

Anga a diʼambela mudiâ, exi: Ki tuala kubhanga kiambote, kuma o kizuua kiki, kizuua kia njimbu ja mbote, etuʼetu tua di xibhʼetu; hé tu kinga katé mukengeji ua dikumbi ki útua, sai ni kima kia ibha kia-nda ku tu bhita; inda tuie muene kindala tua kà ki tule jimene ku bhata dia sobha.

Ijila 19:18

Kana kuvutula phonzo ku muthu, o anʼa akuaʼxi ié kana ku a bhakela njinda; maji mukuenu u mu zola kala ki ua di zola eʼmuene; Eme-muène Jihova.

Ijila 19:34

Ki kala mukuaʼxi, kiene ue kikala o múlungi ua-lu nhunganena muʼaxaxi kenu; mu zole, kala ki ua di zola eie-muène, kaẋi enu uenu muakexe mu jinzuángiza mʼoxi ia Ijitu; Eme-muène Ngi Jihova Nzambi ienu.

Jona 4:4

Ngana anga u mu kumbulula, uixi: Kifua eie uà lungu, kukala ni njinda?

Jona 4:9

Bhenhobho Ngana Nzambi u tangela Jona, uixi: Kifua ua fika kuma eie ua lunguʼé kukala ni njinda mukonda dia músala ua dinhángua? Jona uitaia, uixi: Xi! Nga lunguʼami muene, o kukala ni njinda ni kuinda kúfua.

Matesu 22:39

Kia kaiadi kia difuê ngó ni kia dianga, kiki: Zola mukuenu kala ki ua di zola eie-muène.

Matesu 25:21

Kuala ngana iê: Kiauabha! Diebhe-ku selevende iambote, ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ía ngana ié.

Matesu 25:23

Kuala ngana iê; Kiauabha! Selevende iambote ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ia ngana ié!

Matesu 7:12

Kala kiki, ima ioso-phe i mua mesena kuila athu a mi bhanga-iu enu, iene ue muene i mua bhanga ene; mbata kiene kia jimbulula o Kitumu kia Mozé ni milongi ioso ia jipolofeta.

Loma 13:10

O uoso uala ni henda, ka tena kubhanga mukuâ phulu. Uila kiki, uoso ua zolo, ua kumbidila o Kitumu kioso.

Ngalásia 5:14

Kuma o Kitumu kiene kioso kia tenena mu kizuelu kimoxʼ iki, exi: Mukuenu u mu zola kala ki ua di zola eie-muene.

Ngalásia 6:2

Mu enda ni ku di ahujula o imbamba mudienu; o mu kubhanga kiki, kiene ki mu kumbidila o Kitumu kia Kristu.

Filipe 4:14

Maji-phe, enu ue mua bhange kiambote, kuma muala mu kisangela ni eme mu jihadi jami.

I Tesalonika 4:9

O kia kukala ni henda ia jiphange a xikana, ki mu bhingi ngó muthu ku mi sonekena-kiu. Mbata enʼuenu mua di longo kiá kua Nzambi o ku di zola mudienu.

Tiiaku 1:25

Maji uoso-phe u bhana o matui ku kitumu kia tenena, o kitumu kía ufuôlo, anga u ki jijila, ka kala mukua kuivua nʼa jimbe-ku, maji u kala mukua kubhanga nʼa kumbidile, muenhú Nzambi u mu zediuisa mu ioso ia bhanga.

Tiiaku 2:12

Inda muila-phe ni kuzuela ni kubhanga kioso kia fuama athu a xikamena ku a fundisa mu kitumu ki tu bhana ufuôlo.

Tiiaku 2:19

Eie ua xikana kuila sai-ku ngó Nzambi imoxi? Kia uabha! Ni madimonho ue a ki xikana, a teketa ni uôma.

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.