Tiiaku 2:6 - O Mikanda Ikola

⁶ Maji enu-phe jingadiama ki mua mu ji bhana ujitu! Manhi o jimvuama ki ene ène ku mi bhikisa, anga aia ni ku mi sunga-sungila bhu ibhuna ia kufundisa milonga?

Tiiaku 2:6 ပူးပေါင်းရင်းမြစ်များ

Jobe 20:19

Mbata ua tatesa jinga athu, o jingadiama ua jʼehelela, iú ua nhana jinzu ki muene ua ji tungu.

Jisálamu 10:10

U di koteka, hé ubutama muene bhoxi, u endesa akuetu o jingadiama a lémbua kubhânga, katé kia a kuata ni iala iê.

Jisálamu 10:14

Eie-phe ua ki mono; kuma u mukua kutala o ikalakalu ia athu ni malamba mâ moso; phala eie u ki kuate muene konda bhu maku mé; eie muene hinu u zuela ku mulonga uâ; kokué kuene ku di bhakula uoso ua lémbua kubhânga; eie muene u dilemba dia jihukunhi.

Jisálamu 10:2

Isuéia, mukonda dia izala, ala kukaia ngadiama ni ku mu seia; tamano a fue ene mu míkala ia tela akuʼâ.

Jisálamu 10:8

U baluka mu jisanzala kala kifumbe; muthu sé ngó kikuma u mu jibhila muene mu iangu. O mesu mê ala mu sota o jingadiama a lémbua kubhânga, akuetu!

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 14:6

Ngadiama uandala kuzuela, enu-phe mu mu tobhesa, maji Jihova-phe muene dilemba diê.

Jisabhu 14:31

Uoso u sondemeka o ngadiama, uala kulokalala Mubhangi uê; uoso-phe u bindumina o hukunhu, ua jingisa uoso ua mu bhanga.

Jisabhu 17:5

Muthu uoso u tobhesa ngadiama, ua lokalala uoso ua mu bhanga; muthu uoso u sanguluka mukonda dia mukuá ua bhituka mu jiphaxi ja zongo, muenhʼô sai kaxtiku kê.

Jisabhu 18:23

Ngadiama kia zuela, u dionda; maji o mvuama-phe, u vutula ni mikalu.

Jisabhu 22:16

Uoso u bhondeleka o ngadiama, phala ku di bhanga muene, ni uoso u bhakuila o mvama, ki bhuala phata, hinu u biluka ngadiama.

Jisabhu 22:7

Mvama muene patalá ia jingadiama; mukua ku sobha muene selevende ia ió mukua kusobhesa.

Ndongixi 5:8

Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Amoji 4:1

Kizueluʼiki ivenu-kiu, enu mu jingombe ja akaji mu Basane, muala ku mulundu ua Samádia, enu mua mu bhinjika o jingadiama, mu bhondeleka o jiphulungu a tate, anga mu kala mu kuambela anumiʼenu muixi: Beke-nu kunu, tu nue!

Amoji 5:11

Kala kiki, mukonda dia kuila ngadiama mu mu diota kinama, anga mu mu jijidika ku futa lubhaku lua tiliku, mua kà tunga jinzu ja matadi osete maji ki mua kà kalamu; mua kà phapha mábhia ambote a mivide, maji vinhu iê ki mua kà i nua.

Habakuke 3:14

Mazonda mê ma ita, eie ua a ṗhuangununa o mútue ni makoue ma ene muene; ene a di lukuila kokuami mukuâ ni kitembu kia vulu phala ku ngi muanga; a sangulukile mudiâ kala ala mu sota kuminha o ngadiama, mu kasuekele.

Zakadiia 7:10

Kana kubhondeleka mutudi; mba mu bhondeleka hukunhu, mba muthu ua tunda dikanga, mba ngadiama, mba bhu kala muthu u xinganeka ku muẋima uê kubhanga phulu kua mukuá.

Nzuá 8:49

Jezú uixi: Eme ki ngala ni dimonho. Eme nga xila Tata iami, enu-phe mua ngi sombola.

Jipoxolo 13:50

Jijudé-phe ji funhisa ahatu a jingana, ene kubhezanâ, ni adiakime a makota mu mbonge, hé a kuata kuzukutisa Phaulu ni Barnabé, anga a a kaiesa mu mbambe jâ.

Jipoxolo 17:6

Kia lémbua ku a mona, a koka Jasono ni jiphange jamukuâ hé a a bheka bhu pholo ia afundixi a mbonge ni kukola, exi: Mala a bonguesa oxi ioso eza ue kunu.

Jipoxolo 18:12

Kia kala-phe Ngalio nguvulu ia Akasia, Jijudé ji balukila Phaulu kumoxi, anga a mu bheka katé bhu kibhuna kia milonga,

Jipoxolo 8:3

Saúlu-phe u kala mu muanga o Ngeleja, ualu sota ku i zubha-ku. U bokona mu jinzu joso, u koka-mu mala ni ahatu, u a tesa mu ʼaleia.

I Kolindo 11:22

Kifua enu mua kambe jinzu jenu ja kudila ni kunuina? Mu kubhanga kiki, o Ngeleja ia Nzambi mua i tobhesa, o akuenu ala jingadiama mua a kuatesa jisonhi! Kienʼ iki ngi mʼ ila kiebhi? Ngi mi ximana? Kana! Mu kiki ki ngi mi ximana, kana!

Tiiaku 2:3

enu-phe mu xila iú ua di te izuatu ia fina, muixi: Kididi kiambote kiki, xikama bha-bha. Maji mu ambela o ngadiama, muixi: Imana koko mba Xikama bhoxi bhabha, bhu mbanduʼa inama iami.

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.

Tiiaku 5:6

Athu ka moneka kikuma enu mu a êlesa hé mu a jibha, sumbala ene ka tena ku mi bhanga kima kioso-kioso kiaiibha.