Tiiaku 2:25 - O Mikanda Ikola

²⁵ Manhi ki kiene ue kia bhitile ni Lahaba dia kidianzunga, kioso kia tambulula o ilolo ia Jijudé ku dibhata diê, iú ua i sulula njila iengi? Muène-phe ua bongele ujitu kua Nzambi mukonda dia ima iê ia bhangele.

Tiiaku 2:25 ပူးပေါင်းရင်းမြစ်များ

Matesu 1:5

Salumono u vuala Bouaji kua Lahaba; Bouaji u vuala Obede kua Lute; Obede u vuala Jese;

Matesu 21:31

Ku kiiadʼiki uebhi ua bhange o vondadi ia tatʼâ? Kuala ene: O dikota. Jezú uixi: Ni kidi kiene, ngi mi ambela, kuma akua kutambula lubhaku ni idianzunga ala ku mi tuamenena kubokona mu Utuminu ua Nzambi.

Jipoxolo 17:7

O Jasono muene ua a zalela mʼonzo iê. Enʼiâ a kitukila o jingonge ja Sezalu, uene mu Loma, exi, sai-ku sobha iengi, ió a mu ixana Jezú.

Jihebeleu 11:31

Kiejila mu kuxikana, Lahaba dia kidianzunga kia kambele kufuila kumoxi ni akuâ a xibhakele Nzambi, mukonda muène o ilolo ia anʼ a Izalaiele ua i tambuluile kiambote.

Tiiaku 2:18

Sai-phe ni muthu uila, uixi: Eie uala ni kuxikana, eme ngala ni ima i ngi bhanga. Ngʼidikize-phe o kuxikana kué kua di kalela sè ima i u bhanga, eme-phe mu ima i ngi bhanga, muene mu ngi ku idikiza o kuxikana kuami.

Tiiaku 2:22

Mua mono, kuma, o kuxikana kuê kua kalakala kumoxi ni ima ia bhangele. O mu ima ia bhangele, kuxikana kuê kua tenena.

Tiiaku 2:24

Mua mono kuma, kua Nzambi, muthu a mu xikinina mu ima iê ia bhanga, kana ngó mu kuxikana kuê.

Josuué 2:1

Josuué dia Nune, kioso kiala bhu Xitime, u katula ilolo iiadi ni a bhite mʼoxi sé athu ku a ejiia, uixi: Ndenu, kà londienu ixi ienhiʼii ni mbanza ia Jedikó. Anga aia, a tula mʼonzo ia muhatu kidianzunga, dijina diê Lahaba, hé a zekela usuku muenhomo.

Josuué 2:15

Bhenhobho muene u a tundisila bhu njanena, a tulukila ku mukolo, kuma inzu iê a i tungu ku thandu dia lumbu lua kondoloka mbanza iâ, muene kuene kua tungu.

Josuué 2:16

Muene anga u a ambela, uixi: Di telienu ku mulundu, mbé ió aii ku mi kaiela ki mu takane-nâ; mu suama kuenhoko izuua itatu, katé ió aii ku mi sota, eza dingi ku bhata, kiene kiua ki muila njila ienu.

Josuué 2:4

Muhatu anga u katula malʼaiadi enhá, u a sueka, uixi kiki: Kua ngi sangele muene mala, inda eme ki nga ejiia kuoso kua tundu.

Josuué 2:6

Muene-phe u a bheka ku thandu diaʼnzu, iu ua a sueka mu ixina ia linho ianeka muene ku thandu diaʼnzu.

Josuué 6:17

O mbonge-phe a i koleka kuala Jihova, ni ima iê iene ioso iala-mu; Lahaba ngó dia kidia-nzunga, muene ngó ni muene ni jindandu jê aia-nê mʼonzo, mukonda muene ua suekele o ilolo i tua tumikisine, ene ngó a kola o muenhu.