Tiiaku 2:23 - O Mikanda Ikola

²³ Kienhiki, o kia-mbe mu Madivulu Makôla anga ki bhita kiedi, exi: Mbalahamu ua xikana Nzambi, o mu kuxikana kuê muene Nzambi mua mu xikinina ni ku mu tanesa kuma ua lungu. Nzambi anga u mu ixana, uixi: Kamba diami Mbalahamu.

Tiiaku 2:23 ပူးပေါင်းရင်းမြစ်များ

Dimatekenu 15:6

Muene anga u xikana kua Jihova; o kuxikana kuê a mu mona-ku kulûnga.

I Jisobha 4:5

Azadiia, monʼa Natane, u tambula konda ia jikapataji; o Zabudi, monʼa Natane, muene kamba dia sobha, mukua ku mu bhana o jikaiula;

II Malunda 20:7

Manhi, Eie u Nzambi ietu, akua ixi iii, a tungile-mu, Eie ku a kaiela kuengi, bhu pholo ia mundu ué ua Izalaiele, eie ua bhana ixi iâ ku mbutu ia Mbalahamu, kamba dié, ku mivu ki iene kúbhua?

Jobe 16:21

Ai ué! Se bhua kexile muthu u tena kuzoka ni Nzambi mu kubhangela o muthu, kala o monʼa muthu kia bhângela kamba diê!

Makatukilu 33:11

Jihova anga u kala mu zuela ni Mozé, pholo ni pholo kala muthu uoso-uoso kia zuela ni kamba diê. Anga u vutuka kuia ku kibangu; maji o dikuenze diê-phe, Josuué, monʼa Nune, munzangala, ka kexile mu tunda-mu mu balaka.

Izaía 41:8

Maji eie-phe, Izalaiele, u selevende iami, eie, u Jakobo, u muthu nga ku tungula, u mbutu ia Mbalahamu dia kamba diami,

Marku 12:10

Enu kiluua mu tanga makʼama, mòsoneke mu Mikanda Ikola, kuila: O ditadi dia di tunu jimesene, diene dia kuatesa bhu thungi;

Marku 15:27

Anga a mu-ta kumoxi ku makulusu ni ifumbe iiadi. O iú ku madilu, o iu ku kiasu. [

Luka 4:21

Muène anga u kuata ku ambela, uixi: Lelu kia bhiti, ki muevu kiòsoneke mu makʼama.

Jipoxolo 1:16

Enu akuetu mu jiphange, o maka mòsoneke mu Mikanda Ikôla ma tokalele kubhita, moso ma zuelele Nzumbi Ikôla mʼokulu ku dikanu dia Davidi, ma tokala kua Juda, mukonda muène ua tuamenene ió oso a kutile Jezú.

Loma 11:2

Nzambi ka ẋimbuka o mundu uê ua sola tunde mʼ ukulu. Manhi enu ki mu ejiia ki ambe o Mikanda Ikôla ku maka ma Elija? Muène ua di tende kua Nzambi, kia di kuata ni Izalaiele, uixi:

Loma 9:17

Kala kia ki soneka mu Mikanda Ikôla kuma Nzambi ua tangela Falaó, uixi: Kiene ki nga ki bhangela o ku ku zangeleka ku usobha, phala o nguzu iami ni i monekene ko-kué, mbé dijina diami ni di fumane mu ngongo ioso.

Ngalásia 3:22

Maji o Mikanda Ikôla-phe iambe kuila athu oso a a jikila bhoxi dia kutena kua ituxi, phala o polomesʼ oio i bhinga kuxikana Jezú Kristu, i kale ia ene oso a xikana.

Ngalásia 3:6

Kia soko ni Mbalahamu kioso kia xikanene Nzambi, o kuxikana kuê anga a mu kitila-ku kulunga, kala ki ambe o Mikanda Ikôla.

II Timote 3:16

Kuma Mikanda ioso ia bhusu Nzambi, mikanda ia kubhandulula, ni mu kulonga o kidi, ni mu kubazela itondalu, ni mu kuiukisa iabhengalala, ni mu kuijidisa uendelu uambote.

Tiiaku 2:24

Mua mono kuma, kua Nzambi, muthu a mu xikinina mu ima iê ia bhanga, kana ngó mu kuxikana kuê.

I Phetele 2:6

Mukonda a ki soneka mu Mikanda Ikôla, exi: Talesa, eme nga solo ditadi dia te kiavulu, diene nga di xikika kindala mu Ziione mu kukala ditadi di kuatesa bhu thungi ia inzu. Uoso u mu xikana Muène, jisonhi ki ja kà mu kuata.