Tiiaku 2:1 - O Mikanda Ikola

¹ Enu phange jami, mua xikana kua Ngana ietu Jezú Kristu, uene ku Ungana, kana kukala jinga ni katungu kʼathu mukonda dia kusuua o jipholo jâ.

Tiiaku 2:1 ပူးပေါင်းရင်းမြစ်များ

II Malunda 19:7

O kiki-phe, uoma ua Jihova u kale ni enu; alukenu-kiu, mu ki bhange; kuma kua Jihova, Nzambi ietu, ki ku moneka kituxi, mba kusuua jipholo ja athu, mba kuẋikina maujitu.

Jisabhu 24:23

Jiji ue jene o jisabhu ja jingijiie; exi: O kukala ni katungu ka athu bhu kibhuna kia kufundisa milonga, koko kuzanga.

Jisabhu 28:21

O kuxila athu mukonda ngó dia jipholo, ki kiauabha; kuma mukua katungu ka athu, ua soko-bho kuta kituxi, mukonda ngó dia kakibhasu ka mbolo.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Jipoxolo 10:34

Phetele anga u kuata kuzuela, uixi: Kia kidi kiene, nga mono kuma Nzambi kene ni kathombo ka athu.

Jipoxolo 20:21

Ngʼedikiza jinga ni Jijudé ni Jingeleku, kuma a bhingi kudiela ni kueha o ituxi iâ bhu pholo ia Nzambi, ni kuxikana kua Ngana ietu Jezú Kristu.

Jipoxolo 24:24

Kia bhiti izuua, Fele ueza ni Nduluxila, muhatuʼê, kuma Judé. Anga u tuma kuixana Phaulu, phala ku mu ivua o maka ma kixikanu kia Jezú Kristu.

Jipoxolo 7:2

Kuala Xitevá: Enu jiphange mu akuetu, ni enu mu jitata, ivenu: O Nzambi ia fuma, ua tukulukidile kukululuʼetu Mbalahamu, kia kexile mu Mezopotâmia, kuila kiluua a tunga mu Halane.

Loma 1:11

Kuma nga mʼ indi kiavulu ku mi mona, mbé bhu kale ue ni mbote i mu tambula ko-kuami, ia mabesá ma nzumbi, phala mu suine.

I Kolindo 2:8

Makota a mu tumina leluʼ idi ku mundu, o unjimu uenʼ iú ka uijiia. Kuma se a uijidile, hinu Ngana ia fuma ka tena ku mu jibhila ku dikulusu.

Matendelelu 1:17

O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

Kolose 1:4

Kuma tuevu o kuxikana kuenu mua Kristu Jezú, ni henda ienu i mua kuatela akua Ngana oso.

I Timote 1:19

Uila ni kubhaka o kuxikana kué, uixi ni kukala ni muẋima uazele. Kuma amoxi-moxi-mu, mukonda dia kueha o kuívua kiala ku a tangela o muẋima uâ, a jimbidisa o kuxikana kuâ.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.

Tito 1:1

Eme Phaulu, ngunza ia Nzambi, Poxolo ia Jezú Kristu, nga soneka o mukanda iú. A ngi tungula ia a ngi tumikisa mu kukuatekesa ni kusuinisa o kuxikanʼoko kuene na-ku athu a Nzambi, phala ku a endesa mu kidi kiene kulonga o ubhezelu uetu.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Tiiaku 1:16

Ki mu di nganale, enu phange jami nga mi zola.

Tiiaku 1:19

Lembalala jingenu-phe kiki, enu jiphange jami nga mi zola. Muthu ni muthu-phe a lenguluke kuivua, maji a kokoloke kuzuela, a kokoloke o kutêma.

Tiiaku 2:3

enu-phe mu xila iú ua di te izuatu ia fina, muixi: Kididi kiambote kiki, xikama bha-bha. Maji mu ambela o ngadiama, muixi: Imana koko mba Xikama bhoxi bhabha, bhu mbanduʼa inama iami.

Tiiaku 2:9

Maji enu-phe, o ki mu kala mu suua jipholo ja athu, kituxi ki mua mu ta. O Kitumu-phe kia mi kuata, mu akua muiônga uê.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.

Dijingunuinu 14:12

Ima kala íii, i bhinga o kukolokota ku mbandu ia akua-Ngana, ié ʼoso a mu tumaka o ijila ia Nzambi, ni kixikanu kia ió oso ala jifiiele ja Jezú.