Tiiaku 1:9 - O Mikanda Ikola

⁹ O phange se uala ngadiama, Nzambi anga u mu bha mbote ku muenhu uê, a tane-ku, kuma a mu bheka ditala dia ujitu.

Tiiaku 1:9 ပူးပေါင်းရင်းမြစ်များ

Jisálamu 62:9

Mukonda, ni kidi kiene, akua ditala diófele kingoho, o akua ditala dia dikota ue makutu; ku a ta ku pezo, ki bhuala ua di tungula, ene oso a bhebhuluka mukuâ ni ukumbu ngó!

Jisabhu 17:5

Muthu uoso u tobhesa ngadiama, ua lokalala uoso ua mu bhanga; muthu uoso u sanguluka mukonda dia mukuá ua bhituka mu jiphaxi ja zongo, muenhʼô sai kaxtiku kê.

Jisabhu 19:1

Ngadiama ua kambe mangonha uala kota ku ujitu, kuindi o semenhi ia dikanu ua di bhange o ndaxi.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Luka 1:52

Anʼa jingana ua a tulula ku iandu, iú ua bandesa-ku a tolo o majina.

Luka 10:20

Maji-phe kana kusangulukila o madimonho ma mi tolokela; inda mu sangulukila o majina menu kuma a ma soneka ku diulu.

Luka 14:11

Mukonda uoso u di zangula, a mu tulula; o uoso-phe u di tolesa, a mu zangula.

Luka 9:48

Anga ua ambela ene, uixi: Uoso u tambulula kamonʼaka mu dijina diami, eme-muène a ngi tambulula. Uoso ue u ngi tambulula eme, ua tambulula uoso ua ngi tumu. Mukonda uoso mudienu ua beta o kutola, muenhó muène o dikota.

Loma 8:17

O ki tu kala tu ana, tuala tu alundudi a mabesá oso a bhakela o mundu uê. Kristu mulundudi ni mukuetu, etu uê tua kà lundula-nê kumoxi mu ima ioso ia mu bhakela Nzambi. Kabasa tu bhita-nê kumoxi mu hadi, tua kà kala-nê kumoxi mu fuma iê.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

Matendelelu 15:11

Mukonda mungongo ki mu kambe o jingadiama; kiene kia ngi bhangesa ku ku tendelela kuila: Phangʼié u mu jikuila lukuaku lué ni kieha kioso kia tokala; kiene ue ki u bhanga ni hukunhu ua tate ni ngadiama uene mʼoxi ié.

Matendelelu 15:7

Se muʼaxaxi ka mundu ué mu kala ngadiama, ku jiphange jé, mu ixi ia kubhana Jihova Nzambi ié, mu jisanzala jenu, eie-phe kana kukola muxima; kana kuila o phangʼié uala ngadiama eie u mu kotekela o lukuaku;

Matendelelu 15:9

Aluka-phe, kuehele Kadiaphemba ku ku fuetela mu muxima ué, kuamba: O muvu ua kasambuadi, ua ufuôlo, iú zukama; anga diesu dié di kitukila phangʼié uala ngadiama, uixi ki ngi mu bhana kima, kuma kiendelela; o muene-phe na di tende kua Jihova, eie-phe momué mua-nda kukala kituxi.

Filipe 3:14

Eme nga suina ni kulengela kubhiẋila bhu mbambe bhua kà bhana o dilau dia tu ixanena ku diulu kuala Nzambi, mua Kristu Jezú, phala o muenhu ki uabhua.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 2:9

Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.