Tiiaku 1:8 - O Mikanda Ikola

⁸ Mukonda mukua miẋima iiadi, u ingajaka mu kuenda kuê kuoso, kʼejiia kioso kia bhanga.

Tiiaku 1:8 ပူးပေါင်းရင်းမြစ်များ

I Jisobha 18:21

Elija bhenhobho u zukama ku kifuẋi kioso hé u ambela, uixi: Kumbi kuxi di mua-ndu lémbua kutenguina bhu kaẋi ka ixinganeku iiadi? O Ngana se muene Nzambi, mu kaiedienu! Maji ki ki kala o Bahale mua mu mono kuma muene ua tokala, mu kaiedienu. Kifuẋi-phe a di xibhʼâ, ka mu vutuila kima.

II Jisobha 17:33

Kieneʼokio ià a kexi mu kuila: Jihova a mu kuatela uoma, maji ue ku mbandu ia mukuá, iá a bhikila o mahamba mâ kala kiene o kikexilu kiâ mu kaẋi ka miji iâ mua bhiti ni ku a katula kioso kia a balakala.

II Jisobha 17:41

Kienhiki, o miji ienʼiii, iá a kexile mu kuila: Ku mbandʼuku a kala ni uoma ua Jihova, o ku mbandu ia mukuá iá a bhikila o mahamba mâ ma iteka ia kusonga. O anʼâ ue, ni alaúlʼâ, kiene kia bhanga jinga o jitata jâ, kiene kia mu bhanga ue ene, katé ni mu kizuua kia lelu.

Jisálamu 119:113

Nga di zemba ni akua mixima iiadi; maji o ngonge ié ia ngi uabhela muene.

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Hozeia 10:2

Muẋima uâ ua a kala luiadi, kiene kia kexila ni kuêla; Jihova phe ua kà bula-bula jikalatódio jâ, o iteka iâ u i lunduluila muene bhoxi.

Matesu 6:22

Kandeia ka mukutu, o diesu. Kienhiki se diesu dié di kala dia iuka, mukutu ué uoso u kala muazele.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Tiiaku 1:7

Muthu uoso uala kiki, ka fike kuma u tambula kima kua Ngana, lémbue!

Tiiaku 4:8

Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

II Phetele 2:14

Katena kumona muhatu ku mesu, sè ku muʼandala ku mu bhanga kiaiibha, a lémbua kuzumbuka ku ituxi. Aia ni kunganala oso a tolo kuxikana. A kala ngó mù banza kunganhala kitadi! Ala athu a a bhubhidila kuala Nzambi!

II Phetele 3:16

O mu kusoneka o maka enʼiâ, ni mu mikanda iê ioso imʼ iii ua i tange. Sumbala mu mikanda iê, sai-mu ni ima ia bhônzo o ku ijiia, o ió oso a kambe ku di longa, a kambe ku di fikidila mu kuxikana, a i bhidika uila kia bhidika o maka ma mukuâ mu Madivulu ma ngene ma Nzambi. Mu kubhindamena kubhanga kiki, mua ejiia ku di bota ene.