Tiiaku 1:26 - O Mikanda Ikola

²⁶ Sai muthu ua di fika kukala mubhezi a Nzambi? Se u kamba kuijiia o kukuika o dimi diê, o kubheza kuê kua ngoho, iu ua mu di nganalʼê muène mu muẋima uê.

Tiiaku 1:26 ပူးပေါင်းရင်းမြစ်များ

Jobe 15:13

Phala ku bilukila Nzambi, ni muenhu ué, anga uehela izuelu kala iii ku tunda mu dikanu dié-eie?

Jobe 30:11

Mbata Nzambi mukolo uê ua u jituna, iú ua ngi tatesa; kienhiki ene a di zula jifelu mu kanu diâ, bhu pholo iami muène.

Jisálamu 141:3

Ngana, langidila o dikanu diami; uinge o muelu ua mizumbu iami.

Jisálamu 32:9

Kana kusoka ni kabalu ni mula a lémbua kuijiia, a bhingi u a ta mukolo ni felu mu kanu ihi o ku mu sunga nʼa ku bhixila.

Jisálamu 34:13

Aiuka! dimi dié ki di kale ni phulu, o mizumbu ié ki i tange makutu.

Jisabhu 10:19

Mu kuzuela kua vulu, ki mu kambe kutondala; o ua di xibidila-phe uala njimu, ki kioua.

Jisabhu 10:31

Dikanu dia muthu ua iuka, di sokolola unjimu; dimi-phe dia kisuéia, dia xikamena ku di batula.

Jisabhu 14:12

Sai njila, muthu u i mona kuiuka; maji o ku dizubhilu diê-phe, ikoka ia kalunga.

Jisabhu 15:2

O dimi dia jíngambi ja kuijiia, di uabhesa o unjimu; maji o dikanu-phe dia maioua, di lundulula ngó uoua mu uoua.

Jisabhu 16:10

Muenexi kuzuela kuê kuoso, kifua muzambu uene-nau; o kieza mu kubatula o dimanda, dikanu diê ki di lueza, kana.

Jisabhu 16:25

Sai njila muthu u i fika kuiuka, maji o bhuilu diê-phe, iene o ikoka ia kalunga.

Jisabhu 19:1

Ngadiama ua kambe mangonha uala kota ku ujitu, kuindi o semenhi ia dikanu ua di bhange o ndaxi.

Jisabhu 21:26

Mukua luimbi, kumbi dioso di mu bhuila ngó ni kuhamena o ima ni luimbi luê, maji u lembua-ku; o muthu ua iuka-phe ku kieha kiê, u bhana muene kiavulu ka jijila kima.

Izaía 1:13

Kana dingi kuiza mu titidila mu malumbu mami; kana dingi ku ngi bhekela maujitu ma kingoho; o fumasa ienu, phalʼeme, nga i kiti ufusa: ni jimbeje jathethama, ni jisabhalu ja kunhoha, ni kubhongolola o ionge; ki ngi tena kuxididikila jifesa ja ituxi, né kiá o ionge ienu ia ujitu.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Malakiia 3:14

Enu muambe, muexi: Ku bhikila Nzambi hadi ia hatu; o kualuka ijila ia Ngana, ni kuenda bhu pholo ia Jihova dia Ifuẋi ni mukondo, tua nganhala-ku mbote iahi?

Matesu 15:9

A ngi bheza-phe ngó makutu, ni kulonga ijila ia tumu ngó athu, kala Nzambi muène ua i tumu.

Marku 7:7

A ngi bheza-phe ngo makutu ni kulonga ijila ia tumu ngo athu, kala Nzambi muene ua i tumu.

Luka 8:18

Kala kiki, tumenu-phe ku kʼijiia kioso ki muívua! Mukonda uoso uala, muène a mu bhana; uoso ua kambe, a mu tambula katé ni kiki kia di fika o kukuata.

I Kolindo 15:15

Kua di te dingi kuila katé ni etu tuala tu jimbangi ja makutu bhu pholo ia Nzambi, kuma Nzambi tua mu bhela umbangi kuila Kristu ua mu fukununa. Se ni kidi kiene o madifundu kene kufukunuka, mbé-phe ni Nzambi ue Kristu ka mu fukununa-ku.

I Kolindo 15:2

O njimbu i nga mi tudila enu, iene o Njimbu Iambote. O mu Njimbu Iambote ienʼ iii muene mu mu bhulukila, se mua i naminina ni lujiji. Mba-phe mu ku i xikana kia mi-iê ngó, se o kuxikana kuenu kua ngoho ku muala na-ku.

I Kolindo 3:18

Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.

Ngalásia 2:9

Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Ngalásia 3:4

Jihadi joso ji mua talele, kifua mua ji talela kingoho? Kana, ki ki xikina!

Ngalásia 6:3

Kuma se o muthu ua di fika kukula, manhi muene ki kima, muene ua dinganala.

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Efezo 5:4

Né jindaka, né kuzuela kua uoua, mba kasekelu, iene ioso íii ki i mi fuama. Inda kota o kukala mù sakidila jinga Nzambi.

Matendelelu 11:16

Dimukenu-phe, muxima uenu ki u mi diangule, ni muxie njila, anga mu di kuzula mu kubheza mahamba, ni ku a fukamena;

Kolose 4:6

O kuzuela kuenu ku kale kua ujitu, kuotoue ni môngua, phala uoso ua mʼibhula, mu ijiie ku mu vutuila kiambote ni ujitu.

Tiiaku 1:19

Lembalala jingenu-phe kiki, enu jiphange jami nga mi zola. Muthu ni muthu-phe a lenguluke kuivua, maji a kokoloke kuzuela, a kokoloke o kutêma.

Tiiaku 1:22

Kalenu mu abhangi a maka, kana akua kuivua ngó, mu kumbidile kioso kiala ku mi tuma o maka enhá. Ki mu kuate kudinganala jinga enu-enu.

Tiiaku 2:20

Semenhi ia muthu! Tuma-phe ku kʼijiia, kuma: O kuxikana kua di kalela sè ima ia kubhanga, kuxikana kua ngoho.

I Phetele 3:10

Kuma o Mikanda Ikôla iambe, iexi: Muthu uebhi uendi u kola muenhu, nʼa mone izuua ia mbote, dimi diê ka di ehele ku phulu, o mizumbu iê ki i tange makutu.