Tiiaku 1:25 - O Mikanda Ikola

²⁵ Maji uoso-phe u bhana o matui ku kitumu kia tenena, o kitumu kía ufuôlo, anga u ki jijila, ka kala mukua kuivua nʼa jimbe-ku, maji u kala mukua kubhanga nʼa kumbidile, muenhú Nzambi u mu zediuisa mu ioso ia bhanga.

Tiiaku 1:25 ပူးပေါင်းရင်းမြစ်များ

Jisálamu 106:3

Azediua ió oso a kumbidila o kidi kia fuama; ni ió izuua ioso a bhanga o ima iaiuka.

Jisálamu 119:32

Uendelu ua itumu ié, ngi u kuata muene ni lusolo, kioso, eie Ngana, ki u ngi kudisa o muẋima moxi. He

Jisálamu 119:45

Ngenda jinga muene mu ikoka iatu, kuma o ijila ié iene i nga bhindamena.

Jisabhu 14:15

Kilalu maka oso a zuela kuala athu, muene u a xikina; maji ió ua sunguluka-phe, u zonga kiambote kioso kienda.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Luka 11:28

Muène-phe u vutula, uixi: Kiene, maji a beta o kuzediua oso evua o Maka ma Nzambi anga a ma lunda!

Nzuá 13:17

Kindala ima iíi se mua ijiia, mu zediua se iene i mu bhanga.

Nzuá 8:36

O Mona se ua mi bhana ufolo, mu kala ni ufolo ua kidi.

Jipoxolo 13:43

Kiki kia muangana athu mu dilombe, Jijudé javulu, ni alungi ene kubheza-nâ, a kaiela Phaulu ni Barnabé, ene anga a zuela-nâ, a a longesa o kukolokota mu kiadi kia Nzambi.

Jipoxolo 2:42

Ene oso anga a kolokota mu ulongelu ua jipoxolo, ni mu ukamba mudiâ, anga a kala mu kubhongoloka jinga kumoxi mu kubukula o mbolo, ni mu kusamba.

Jipoxolo 26:22

Kia ngi kudila Nzambi-phe, nga kolokota katé mu kizuua kia lelu, ni kubhana umbangi uê ku makota ni ku jindenge. Ki ngene mu zuela kima-phe kia kambele Mozé ni jipolofeta ku ki zuela kuila hinu kʼ iza.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

Loma 2:13

Kuma oso evui a Kitumu, ki ene a lunga kua Nzambi; maji oso atumaka, a bhanga kia tumu o Kitumu, ene a lunga.

Loma 7:12

O Kitumu-phe kia zele muene, o kijila ue kia zele, kia iuka, kia uabha.

Loma 8:15

Mbata enu ki mu tambula Nzumbi ia ubhika, kuila mu kala dingi ni uôma. Maji mua tambula Nzumbi ia uana i mi bhangesa kukala mu anʼ a Nzambi, o mu nguzu ia tu bhana o Nzumbi, ki tu bhana kudikola kua Nzambi: Abha, Tata!

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

II Kolindo 13:5

Di lodienu enu-enu mba mu kuxikana enu momo. Inga ki mua kʼijiia kuma Kristu u kala moxi dienu? Kukamba kukala moxi dienu, kikale mua sekala.

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Ngalásia 5:1

Jezú Kristu ua tu jituna, phala tu kale mu kidi tu jifôlo. Uila kiki, Emanenu-phe mu ufolo uenʼ iú, kana kusukamena dingi mu ophe ia ubhika.

Ngalásia 6:2

Mu enda ni ku di ahujula o imbamba mudienu; o mu kubhanga kiki, kiene ki mu kumbidila o Kitumu kia Kristu.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

I Timote 2:15

Kiene ue kimoxi, muhatu hàdia ua kà bhulukila mu kuvuala ana, se u jijila kuenda mu kuxikana, ni mu henda, ni mu kukuata kilunji, ni mu kuzela moxi.

I Timote 4:16

Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

Tiiaku 2:12

Inda muila-phe ni kuzuela ni kubhanga kioso kia fuama athu a xikamena ku a fundisa mu kitumu ki tu bhana ufuôlo.

I Phetele 2:16

Kia di kalela mu jifôlo, ufolo uenu ki u kale divunga dia kusueka usueia, maji mu kala-phe mu abhika angene a Nzambi.

I Nzuá 2:24

Kala kiki, enu-phe njimbu ioso i muevu tunde ku dimatekenu, i mi tunge moxi dienu. Mukonda, o ki kala njimbu ioso i muevu tunde ku dimatekenu, i tunga moxi dia miẋima ienu, enu-phe mu kala mu ukamba kumoxi ni Mona ni Tata.

Dijingunuinu 14:13

Anga bhenhobho ngʼívua dízui di tunda mu diulu, dixi: Kiki soneka-kiu; Azediua o madifundu tundé kiki a fuila mu kikalakalu kia Ngana! O Nzumbi ia Nzambi anga uitaia, uixi: Eua! Kiokio kidi muene! Mukonda ene a kà nhohaku kiá ku ikalakalu iâ, ia hadi, mbata o mbote i tunda mu kukalakala kuâ, a kàia na-iu.

Dijingunuinu 22:14

Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.

I Samuuele 12:14

Se mu kala ni uoma ua Jihova, se mu mu bhikila muene, se mu mu ívua dízui diê, se mu kamba kuxibhaka o kijila kia Jihova Nzambi ienu, kixi enu kixi o sobha uala ku mi tumina, kiauabha! Mu disanza mu di hiha bhu pholo ia Jihova Nzambi ienu.