Tiiaku 1:19 - O Mikanda Ikola

¹⁹ Lembalala jingenu-phe kiki, enu jiphange jami nga mi zola. Muthu ni muthu-phe a lenguluke kuivua, maji a kokoloke kuzuela, a kokoloke o kutêma.

Tiiaku 1:19 ပူးပေါင်းရင်းမြစ်များ

Nehemiia 8:18

Anga Ejidala muene u kuata kutanga mu divulu dia kitumu kia Nzambi, kizuua ni kizuua, tunde mu kizuua kia dianga katé kia sukidilaku; anga a bhitisa fesa iangene mu sambuadi dia izuua, kizuua kia kanake, anga a bhitisa fesa ia kuzumbuka, kala kia ki lekelela.

Nehemiia 9:17

Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Nehemiia 9:3

Anga kizuua a ki uana mu mbandu jiuana. Ene ki a balumuka bhu kididi bhuemana, a tanga mu divulu dia kitumu kia Ngana Nzambi iâ mu mbandu ia kauana ia kizuua, mbandu ia kauana iamukuá anga a di fisala ni kutukulula o ituxi iâ, ni kubheza Ngana dia Nzambi iâ.

Jobe 32:16

Nga kinga muene, maji ki mua tena kuzuela; mua lémbua muene; o kuvutula dingi mua ki tokoka.

Jisabhu 10:19

Mu kuzuela kua vulu, ki mu kambe kutondala; o ua di xibidila-phe uala njimu, ki kioua.

Jisabhu 13:3

Uoso u langa dimi diê, muenhu uê ua u kondeka; uoso-phe uzuela kiavulu, muenhu uê ua u jibha.

Jisabhu 14:17

Muthu u thathamana lusolo, u zanga ima; o mukua ilunji ia mudiangu, athu a mu kuma.

Jisabhu 14:29

Muthu u kokoloka o kutema, ió muene o hete ia dikota; uoso-phe ka nange kuthathamana, ió uoua uê u dianeka.

Jisabhu 15:18

Diiala di thathamana kiavulu, u vulumuna jimvunda; maji o ió mukua kuxididika-phe u bhuisa jimvunda.

Jisabhu 15:2

O dimi dia jíngambi ja kuijiia, di uabhesa o unjimu; maji o dikanu-phe dia maioua, di lundulula ngó uoua mu uoua.

Jisabhu 16:32

Muthu u xididika uala kota, kindanda ndenge; o utolola muẋima uê uala kota, uatolola mbonge ndenge.

Jisabhu 17:14

Mvunda bhu iandekela, mukua n: kubula mumba ua menha; tula-phe o ku di ẋokuesa ni mukuenu, kiosuiki mvunda kiluua ibambuka.

Jisabhu 17:27

Muthu uoso mu kuzuela kuê maka uia ni ku a fikisa, ió muene o njimu; o muthu u kala ni muẋima ua tululuka, iò uala ni kilunji.

Jisabhu 18:13

Ku vutula kua lusolo, kuila ioso kiluua u ivua, ió uôua ni ku di bhekela sonhi; kota o kudianga kuividila.

Jisabhu 18:21

Ni kúfua ni muenhu, ima iiadiʼii ia tunga ku uzonda ua dimi; oso-phe a zola o dimi, hádia a diaula-ku ku kibundu kiê.

Jisabhu 19:11

Muthu uadimuka, ki mu bateka o njinda, o kutetuluka kuê; o kuloloka o itondalu ia akuâ, uene o ujingilu uê.

Jisabhu 19:19

Muthu mukua njinda iavulu, kale u mueha hanji nʼa bongo divuua; o ki uila u mu kula, mungu ua-nda ku mu kuiʼé dingi luamukuá.

Jisabhu 21:23

Muthu uoso u langa o dikanu diê nʼa koteka o dimi diê, ió muenhu uê ua u kondeka ku kikote ni lamba.

Jisabhu 25:28

Muthu se ua lémbua ku di tumina o jihânhi jê, u di fangana ni mbonge ia lundumuna imbaka, iii ia xalela ngoho.

Jisabhu 29:20

Eie ua mono muthu mukua kuzuela kua lusolo, muenhó sembele o kiôua u beta ku mu dielela, dikue muene.

Dialuilu 22:27

Bulu anga i mona anju ia Jihova, anga i bulukutila mu njila muene; Balamu anga njinda i mu kuata; bulu u i beta ni mbangala.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Marku 12:37

Davidi muene se ua mu edi Ngana, u kala-phe kiebhi monʼe? O mundu ua dikota anga a mu ivua ni ngalasa, o ima ioso ia kexi mu longa.

Marku 2:2

Mundu anga u bhongoloka katé mʼonzo muezala ni bhu kanga, ka mono dingi kididi. Muéne kia kala mu longa maka,

Luka 15:1

Akua kutambula lubhaku ni akua ituxi oso muene, a kexile mú zukama Jezú phala ku mu ívua, hé u dia-nâ kumoxi.

Luka 19:48

Maji ka mono kioso kia ki bhanga, mukonda o mundu uoso a mu nhenganana ni ku mu ívua.

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

Jipoxolo 10:33

Eme nga lenguluka o ku ku tuma; eie ue ua bhange kiambote ki ueza. O kikiphe etu oso tua bhongoloka bhabha ku mesu ma Nzambi, mu kuivua ima ioso ia ku tumu Ngana o kuzuela.

Jipoxolo 13:48

Akuaʼ ʼxi jengi ki evu kiki, a kala ni ngalasa iavulu, hé a ximana o maka ma Nzambi. Oso-phe a a sola, a fuamena o muenhu ki uabhua, anga a xikana.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

Jipoxolo 2:42

Ene oso anga a kolokota mu ulongelu ua jipoxolo, ni mu ukamba mudiâ, anga a kala mu kubhongoloka jinga kumoxi mu kubukula o mbolo, ni mu kusamba.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Efezo 4:31

Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

Kolose 3:8

O kiki-phe zulenu-iu iene ioso: Ni njinda, ni kutema, ni phulu, ni kuxinga, ni jindaka jabolo ki ji tunde mu kanu dienu.

I Tesalonika 2:13

Mukonda dia kiki ue, tuene mù sakidila jinga Nzambi, sé ngó kufula. Kuma o thembu ia mi sange o Maka metu ma Ukunji koko, maka mene ma Nzambi, enu mua evu, mua a tambulula, kana kuma maka a muthu maji kuma ene o Maka ma Nzambi, mu kidi. Mukonda o Nzambi uala ku mi kalakala moxi dienu oso mua xikana.

Tiiaku 1:16

Ki mu di nganale, enu phange jami nga mi zola.

Tiiaku 1:2

Enu jiphange jami, kitenu-kiu kuzediua kuoso, se mu bhita ni malamba ma vula o matelu.

Tiiaku 1:26

Sai muthu ua di fika kukala mubhezi a Nzambi? Se u kamba kuijiia o kukuika o dimi diê, o kubheza kuê kua ngoho, iu ua mu di nganalʼê muène mu muẋima uê.

Tiiaku 2:1

Enu phange jami, mua xikana kua Ngana ietu Jezú Kristu, uene ku Ungana, kana kukala jinga ni katungu kʼathu mukonda dia kusuua o jipholo jâ.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

Tiiaku 3:10

Mu kanu dimoxi mu tunda maka a ujitu, mu tunda o ndaka. Phange jami, tata! Imʼiii ki kiene ki ia tokala kukala!

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

Tiiaku 5:12

Ku ima ioso-phe, phange jami, ki uila u bhana kizuelu kia kima kiosokioso, kota-kota kana kuloka, né kulokela diulu, nè kulokela oxi, nè mulôko uengi uoso-uoso. Se kua mi bhingi kutanga kima, mu ila kiene se kiene, mu ila kana se kana, mbé Nzambi ka mi êlese.

Tiiaku 5:19

Phange jami, se muthu mudienu u jimbila o kidi, anga bhu kala muthu u mu bheka dingi mu njila,

I Nzuá 2:21

Uila kiki, eme ki nga mi sonekena mukonda mua kambe kuijiia o kidi, maji mukonda o kidi mua kʼijiia, enu muejiia ue kuila kana-ku makutu ejiia ku kidi.