Tiiaku 1:17 - O Mikanda Ikola

¹⁷ Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Tiiaku 1:17 ပူးပေါင်းရင်းမြစ်များ

Dimatekenu 41:16

Zuze anga u vutuila Falaó, uixi: Kiókio ki eme ngala nakiu; Nzambi muene u bhana kua Falaó o dijimbuluilu di tululuisa.

I Malunda 22:12

O Jihova-phe a ku bhane kiá ngoho o unjimu ua kuijiia ni kutongoloka, a ku longese bhu kaẋi ni Izalaiele, kioso ki ukala mu ku a tumina, mbé ubhake o kitumu kia Jihova, Nzambi ié.

I Malunda 29:19

O Solomá dia monʼ ami, mu bhane muẋima ua tenena, phala aluke o ijila iê, ni maumbangi mê, ni itumu iê; ni kubhanga ioso, ni kutunga o dizemba didi di nga mu lungila o ima ioso íii.

Jisálamu 102:27

Eie-phe kiene ki uene kiene; o mivu ié ki i moneka bhu ia suku.

Jisálamu 122:6

Sambenu phala Jeluzaleme a kale ni kutululuka; oso a ku zola, Jeluzaleme, a bonga kuzediua.

Jisálamu 136:7

Ua tena kubhanga imuiku ia makota; kuma kulenduka kuê ki kuene kúbhua.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisálamu 85:12

Euá, Jihova u tu bhana dingi o mbote ioso iafuama; o mavu metu ende ni kubhana dingi o idima iê.

Jisabhu 2:6

Kuma Jihova muene u bhana o unjimu; o mu kanu diê muene mu tunda o kuijiia, muene mu tunda o kilunji.

Izaía 28:26

Nzambi iê u mu longa, u mu tetuluila kioso kia tokala kubhanga.

Izaía 45:7

O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Izaía 46:10

ngi mukua kutanga o dizubhilu tundé kiá bhu dimatekenu, tundé mu xiahulu muná ngi tanga ima kiluua iiza-ku; ngixi: Phangu iami inangenena, ngenda ni kubhanga vondadi iami ioso;

Izaía 60:19

Dikumbi ki diene dingi di ku muikina mu muanha, o mbeji ue ki iene ia kà ku muikina ni mueje uê; maji Jihova muene ua kà di bhanga mukengeji ué ua kalelà-ku, o Nzambi ié muene u kala o kizûnda kié.

Malakiia 3:6

Mbata eme, eme Jihova, ki ngaʼaluluka; mukonda dia kienhiki, enu mu anʼa Jakobo, ki muà ka buika enuʼoso, kana.

Dialuilu 11:17

Eme ngi tuluka, ngi ku zuelesa bhenhobho; ngi katula ku Nzumbi iala ku thandu dié, ngi ta ku thandu diâ-ene; ene ue ambate-ku ku kimbamba, ki ki kale kia ubheka ué.

Dialuilu 11:25

Jihova anga u tuluka mu dituta, u kala mu ku mu zuelesa, anga u katula ku Nzumbi iala ku thandu dia muene, u ta ku adiakimi, makuinhi sambuadi a muthu; anga ki bhita kuma kia tula Nzumbi ku thandu diâ, a kuata kuzambula ni uanji ua upolofeta, maji kithangana ngó bhenhobho, ka ki tona dingi.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Matesu 7:11

Sumbala enu muaiibha, muejiia kubhana anʼ enu maujitu mambote, kuambe dingi Tata ienu uene mu Diulu, u fula kiebhi kukala kota mu kubhana ima iambote oso a mu bhinga?

Luka 11:13

Enu-phe, sumbala mua iibha miẋima, se muejiia kubhana ima iambote ku anʼenu, manhi Tatʼenu ia diulu, ka kala kota mu kubhana o Nzumbi Ikôla kua ió oso a mu bhinga?

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Nzuá 3:27

Nzuá ua vutula, uixi: Muthu ka tena kutambula kima, se a kambe ku mu bhana-kiu kuala Nzambi ku diulu.

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Jipoxolo 11:18

Ene kia zubha kuivua imʼ iii, phata iabhu. Anga a ximana Nzambi, exi: Manhi ni akua matumbu uâ Nzambi ua a bhana o kudiela, nʼamone o muenhu ki uabhua!

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

I Kolindo 4:7

Eie nanhi muène ua kubhangesa kuila akuenu oso u a tunda mu unene? Ngana Nzambi ki muène ua kubhana ioso i uala na-iu? Abha-phe, phala-hi eie u di zangeleka, kala o ioso i uala na-iu, Nzambi ki muène ua ku bhanaiu?

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Efezo 2:8

Kuma ku kiadi kia Nzambi ngó ku mua bhulukila mu kuxikana. Mukonda o kubhuluka, kima ki enu mua ki mono mu nguzu ienu, maji a mi bhana-kiu kuala Nzambi.

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.

Filipe 1:29

Mukonda Nzambi muene ua mi bhana o ujitu ua kubhiẋila Kristu, kana ngó o ku mu xikana, maji ni ku mu talela ue hadi.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

Jihebeleu 13:8

Jezú Kristu muène umoxi, ni mazá, ni lelu, katé ku hádia.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

Tiiaku 3:15

O unjimu u kala kiki, ki unjimu u tunda bhulu, maji ua mu ngongo mumu, ua xitu, ua tundu kua Diabhu.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

I Nzuá 1:5

Iii iene o Njimbu i tuevu kua muène Kristu, i tua mi tudila enu, kuma: Nzambi mukengeji, o mua muène ki muene ngó kuvunda,

I Nzuá 4:10

Muenhumu mua kala o henda, mu kuila: Etu ki etu tua zola Nzambi, maji muène-ku ua tu zola, iú ua tumikisa Monʼê mu kukala kiluuluilu kia ku tu lolokesa o ituxi ietu.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.

I Samuuele 15:29

O Kutende ió ua di bhana muene fuma ia Izalaiele, ka ẋikina kuta makutu mba kudiela; mukonda muene ki muthu kuila u diela.