Tiiaku 1:14 - O Mikanda Ikola

¹⁴ Maji muthu-phe u dianguka, ki mu sunga o hânji iê-muène iaiibha, anga i mu bhomba.

Tiiaku 1:14 ပူးပေါင်းရင်းမြစ်များ

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

II Samuuele 11:4

Davidi anga u tuma jiphunga, kuia ku mu ixana; muhatu anga uiza mʼonzo iê, muene u zeka-nê (kuma muhatu ua di zelesa ua tundu kiá mu ijila); kienhokio muhatu anga u vutuka kiua mʼonzo iê.

Jobe 31:27

anga mu kasuèkele muẋima uami u ngʼehela ku di nganala, hé ngi leka lukuaku mu ku a bhana jibeju,

Jobe 31:9

Se o muẋima uami ua diʼehelela kudiangukila muhatu, mba se ngaii ni kuzongojola bhu dibhitu dia mukuetu.

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Hozeia 13:9

Ua di bhange-kiu-ze, eie Izalaiele, ki ua ngi kitukila emeʼokio, eie ua ngi balukila eme ngi Mukuatekexi ué.

Matesu 15:18

Ima-phe i tunda mu kanu, ia tundu ku muẋima, iene i xidisa muthu.

Matesu 15:20

Ima ienhiʼii iene ima i xidisa o muthu; o kúdia-phe ni maku ki mósukule, ki ku xidisa muthu.

Matesu 4:1

Kutunda bhobho, Jezú a mu bheka kuala Nzumbi ia Nzambi ku mikáu iakukuta, phala Diabhu ku mu funhisa.

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Loma 7:11

Kuma ituxi ia bokuena mu kijila, iii ia ngi bhombo. O mu kijila, ituxi ia ngi jibha.

Loma 7:13

O kima kiauabha-phe, manhi kiene kia ngi fuisa? Ki ki xikina! Ituxi-phe iene ia bhange kiki. Kuma ituxi ia katula nguzu iê ku kima kiauabha, íi ia ngi fuisa, phala o kikexilu kiê ni ki tena ue kutukuluka. Maji kienʼ iki, mukonda dia kijila, o kituxi ue kia beta dingi kusuina kiengi.

Efezo 4:22

Bhu kaxiʼ abha ni kikexilu kienu kia bhiti, zulenu o muthu Uokulu, ua bolo, mù kaiela o jihanji ja kudinganala.

Jihebeleu 3:13

Di suinisienu-phe mudienu izuua ioso, kioso o kizuelu kia kuila lelu, ki ambe o Mikanda Ikôla, hanji kia tu tokala etu. Bhangenu kienʼ iki phala kana muthu a mu bhomba kuala o ituxi nʼ a kole muẋima.

Tiiaku 1:13

O muthu kia dianguka mu ithangana ia malamba ienhiʼii, kʼeie, uixi: Nzambi muène ua ngi diangula. Mukonda Nzambi kene ku mu diangula ku kima kiaiibha kioso-kioso, o muène ue kene mu diangula muthu.

Tiiaku 1:15

Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.