Tiiaku 1:11 - O Mikanda Ikola

¹¹ Kuma o dikumbi ki di banda, muanha hé utua muzukuta, o iangu i lela, o itulu iê i lalumuka, o kuuabha kuê kua buika. Ni mvuama ue kiene hinu kia kà buika mu njila ja mauenji ma kutelâ o soua iê.

Tiiaku 1:11 ပူးပေါင်းရင်းမြစ်များ

II Samuuele 22:46

Enhó akua makanga a lela kala iangu; eza ni kuteketa, a fomoka mu masuamenu mâ.

Jisálamu 102:11

Izuua iami kifua kizuzúmbia kia ngoloxi, kialebhela kiá kuié; eme-muène nga kukuta kala iangu.

Jisálamu 102:4

Muẋima uami ua xoueta, ua lela muene kala iangu; ni kúdia ngó o kadikoka kami kua ngi jimbi kiá.

Jisálamu 103:15

Kuma muthu izuua iê mukua ni iangu; kala kitulu mu iangu, kiene ue kia fuafua.

Jisálamu 37:2

Mukonda kà nanga ku a sua kala iangu, anga a lela kala idima iauisu.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 90:6

mu kimene i sabhuluka, anga i bhana itulu; maji mu ngoloxi-phe a i sua, i kukuta.

Ndongixi 5:15

Muthu-phe kala kia tundu mu vumu dia mamʼâ, ua zula, kiene ue kia kà vutukʼê, ua kʼàia muene maku a hatu, kala kiejile ku muenhu iú; ku ikalakalu iê ioso kà kambata-ku kima bhu lukuaku luê.

Izaía 28:1

Lamba dia kitundu kia ukumbu ua jihólua mu Ifalaíme! a bhingi o makembu mâ, ma matunda, mukua ni kitulu ki lalumuka, kiala ku sungu ia dikôlo dia kimise dia iá a a tolola kiá kuala o vinhu.

Izaía 28:4

O kitulu kia lalumuka ku makembu mâ ma fuma, kiala ku sungu ia dikôlo di bhana idima, kia kà kala mukuâ ni kibundu kia mufiku, kia mutômo, kioso o kixibhu kiluua ngó ki bhixila, uoso u ki mona, uila u ki kuata ngó bhu lukuaku, u ki minha lusolo.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Matesu 13:6

Kiatu o muanha-phe, ja lela, o mukonda dia kukamba jindànji, ki ja nange kukukuta.

Matesu 20:12

Iá a sukidila, a kalakala ola imoxi, eie-phe ua a sokelesa ni etu, tua huha dikumbi dioso ni muanha uatu.

Matesu 6:30

Ngana Nzambi phe kia zuika kiki o iangu ku mukáu, iene mu kuila i nanga lelu, mungu a i ta kiá mu túbhia, kífua ki ki mu kala kotʼ èlele o ku mi zuika enu, enu mua tolo o kuxikana?

Marku 4:6

Kiatu o muanha-phe, ja lela, mukonda dia ku kamba jindanji, ja kukuta.

I Kolindo 7:31

O oso a sota imbamba iambote mu ngongo mumu, ka landukile kiá ngó iene mu iene. Kuma o funza ia mundu iú, ki ualʼ iki, ki i nange kubhita.

I Phetele 1:4

Uila kiki, tua kinga kutambula kua Nzambi o mabesá ma bhakela o mundu uê. Muanda kumona o undundu ki uene kubola, ki uene kuxila, ku uene kulela, ua mi xikamena ku diulu.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.