Tiiaku 1:1 - O Mikanda Ikola

¹ Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.

Tiiaku 1:1 ပူးပေါင်းရင်းမြစ်များ

I Jisobha 18:31

Anga Elija u zangula kuinhi dia matadi nʼaiadi, kala kia soko o dialuilu dia miji ia anʼa Jakobo, ió a mu tangelele kuala Ngana, uixi: Izalaiele, diene dia kà kala o dijina dié.

Ejidala 6:17

Maujitu ma bhana phala kulumba inzu iii ia Nzambi, hama ia tungombe, hama jiiadi ja ilumbe ia jimbudi, hama jiuana ja tumbudi, kuinhi ni kiiadi kia isutu ia jihombo, phala kilumbu kia kituxi kia Izalaiele ioso, kala kia soko o dialuilu dia miji iê.

Estere 3:8

Hamane anga u ambela Asuuelu, uixi: Sai muiji a di muangena mu jisengu joso ja utuminu ua muenxi, kifua athu engi, kene ku di tuma ni akuaʼxi a tungu-nâ, o itumu ia muenexi ue kene ku i aiuka mukonda o utuminu uâ uengi; muenexi ka mu bhana kubhanduluka kua kima, né-mbe muene u a lendukila anga a kala moxiʼumu.

Makatukilu 24:4

Mozé anga u soneka maka moso ma Jihova, anga u di meneka mu kimene, u tunga kalatódio mu betekete ia mulundu, u imika kuinhi dia philadi ni kiiadi, ua fikisa mu kuinhi dia muiji ni Kiiadi ia Izalaiele.

Makatukilu 28:21

Matadi ma kala kuinhi ni kiiadi, mu kuinhi dia muiji ni kiiadi ia anʼa Izalaiele; kala ditadi a di seta, mukuâ ni sineta, ni dijina dia muiji umoxi ua Izalaiele.

Makatukilu 39:14

Matadi a ma sokesa ni majina ma anʼa Izalaiele, kuinhi dia ditadi ni kiiadi; majina a ma seta kala kuseta kua sineta, kala muiji ni dijina diê, kala muiji ni dijina diê, kuinhi dia miji ni kiiadi.

Izekiiele 12:15

Kioso ki ngʼa muangenesena mu miji ni ku a uanena mu jixi, kiene kiua ki-anda ku kʼijiia kuila eme-muene ngi Ngana.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Matesu 10:3

Felipe ni Matulu; Tomé, ni Matesu dia mukua kutambula lubhaku; Tiiaku, monʼ a Lufeu, ni Tadeu.

Matesu 13:55

Iú ki muène monʼa kalupindelu? Mamʼâ ka mu ixana exi: Madiia? O jiphange jê ki ene a Tiiaku, ni Zuze, ni Ximá ni Juda?

Matesu 19:28

Jezú anga u mu ambela, uixi: Kidi kiene ngi mi ambela, mu kikexilu kióbhe. Monʼa Muthu kia kà xikama ku kialu kia ungana uê, enu uenu mua ngi kaiela, mua kà xikama ku kuinhi dia ialu niʼiadi, mu fundisa kuinhi dia miji niʼiadi ia Izalaiele.

Marku 3:18

ni Mandele, ni Felipe, ni Matulu, ni Matesu, ni Tomé, ni Tiiaku dia Lufeu, ni Tadeu ni Ximá mukua Kanana

Luka 22:30

Phala enu uenu mu-die, mu-nue, ku meza mami mu Utuminu uami, hé mua kà xikama ue ku iandu, phala mu fundise o kuinhi dia miji ni iiadi ia Izalaiele.

Luka 6:15

ni Matesu, ni Tomé, ni Tiiaku dia Lufeu, ni Ximá, a mu ila Zelote;

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 7:35

Jijudé anga ji di ambela mudiâ, exi: Kuebhi kuene ku aia, kua bhingi tu lémbua ku mu sanga? O kuila ua-nda kuia kua ió a di muange mu Jingèleku? Inga ua ka longa Jingèleku?

Jipoxolo 1:13

O kia zibha kubhiẋila, mu mbonge, a bokona ku onzo ia thandu, kuma o muenhumu muene mua nanga jinga, ni Phetele, ni Tiiaku, Nzuá ni Mandele, Felipe ni Tomé, Matulu ni Matesu, Tiiaku monʼ a Lufeu ni Ximá Zeloto, ni Juda dia Tiiaku.

Jipoxolo 12:17

Muène ua a batela ni lúkuaku phala a di xibhe, anga u a kundila kioso Ngana kia mu katula mu ʼaleia. Uixi: Imʼ iii kundilenu-iu Tiiaku ni jiphange. Anga u katuka, uia kididi kiengi.

Jipoxolo 15:13

O kia tula o mahezu, Tiiaku u kumbulula uixi: Enu akuetu, ivenu kunu:

Jipoxolo 15:21

Kuma o Kitumu kia Mozé tunde ʼxahulu sai mu mbonge joso akua kutanga ulongelu uê mu malombe, jisábhalu joso.

Jipoxolo 15:23

Anga a a sonekena mukanda ua kuila kiki: Ni etu tu Jipoxolo, ni Adiakime, jiphange, tua tumu kumenekena o jiphange ja akua ʼxi mu Andiioka, ni mu jimbandu joso ja Sídia, ni mu Silixa.

Jipoxolo 2:5

Kienhókio mu Jeluzaleme mua tula Jijudé, akua ujitu ua Nzambi a tundu mu jixi joso bhoxiʼ a diulu.

Jipoxolo 21:18

Ki kukia, ni Phaulu ni etu tuia mu kudimona ni Tiiaku. Adiakime oso a Ngeleja anga a kala bheniobho.

Jipoxolo 23:26

Eme Kalaudio Lizio, nga tumu kumenekena eselênsia diê nguvulu Fele.

Jipoxolo 26:7

O kuinhi dietu dia muiji ni kiiadi, kia jijila o kusedivila Nzambi usuku ni muanha, kiene o kizuelu kia dielela ku ki mona. O kudielela kuenioko-phe, eie ngana u sobha, kuene kua bhekela o Jijudé ku ngi tatela!

Jipoxolo 8:1

Saúlu ue ua ki mono kuuabha, o kujibha Xitevá. Kizuua kieniokio anga a kuata kuzukutisa kiavulu o Ngeleja iala mu Jeluzaleme. O jikidistá ene oso anga a muanganena mu jixi ja Judeia ni Samádia, ku xala ngó o jipoxolo.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

Ngalásia 1:19

O jipoxolo jamukuá-phe ki nga a muene; inda nga muene ngó Tiiaku, phangeʼ a Ngana.

Ngalásia 2:12

Kuma ki tua kexile kuila enʼió kiluua eza a tundile kua Tiiaku, akua ʼxi kuenhoko, ki Jijudé, u kala mu kudia-nâ. Maji enʼió-phe kia zubha kuiza, ua lunguluka, ua di abhula mu kisangela kia ió ki Jijudé, mukonda dia uôma ua Jijudé, akua kusaia, anga u mesena kiá kusaiesa ió ki Jijudé.

Ngalásia 2:9

Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.

Matendelelu 30:3

bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.

Matendelelu 32:26

kifua ngeje kuila: ku hota joso ngi mi muanganesa-ku, katé a mi jimbi muʼaxaxi ka mundu.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

Filipe 1:1

Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.

II Timote 4:21

Bhanga lusolo phala ku ngi sanga, kiosuʼiki kiluua thembu ia mbàmbi i bhixila. Eubulu ua tumu ku ku menekena, ni Pude, ni Lino, ni Kalaudia, ni jiphange joso.

Tito 1:1

Eme Phaulu, ngunza ia Nzambi, Poxolo ia Jezú Kristu, nga soneka o mukanda iú. A ngi tungula ia a ngi tumikisa mu kukuatekesa ni kusuinisa o kuxikanʼoko kuene na-ku athu a Nzambi, phala ku a endesa mu kidi kiene kulonga o ubhezelu uetu.

I Phetele 1:1

Eme Phetele, Poxolo ia Jezú Kristu, nga sonekena asonhi a muanganena mu jixi ja Ponto, Ngalásia, Kapadósia, Ázia, ni Bitinia.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.

Dijingunuinu 7:4

Anga ngʼívua o konda ia ene a a te o kidimbu kia Nzambi bhu mabhômo mâ; a tena hama ia midi ni makuinhi auana a midi ni midi jiuana. Ene oso a a tungula ni kidimbu, a tundu mu miji ioso ia anʼa Izalaiele.