Sofoniia 3:8 - O Mikanda Ikola

⁸ Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Sofoniia 3:8 ပူးပေါင်းရင်းမြစ်များ

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 123:2

Mukuâ ni mesu a mubhika kia tala ku lukuaku lua muadiʼê ni mesu a kahatu kia tonginina ku lukuaku lua ndona ua mu vu, kiene ue kia lungu o mesu metu kua Jihova, Nzambi ietu, katé kia tu kuatela henda.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 37:7

Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Jisálamu 62:5

Muẋima uami di xibhié, u kinge ngó Nzambi; mukonda kudielela kuami ku tunda ngó kua muene!

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Jisálamu 79:6

O kutema kué, Ngana, lunduiula-ku ku thandu dia jixi ja kambe ku ku ijiia, ku thandu dia ifuẋi i fula o kudikola ko kué.

Jisabhu 20:22

Kana kuila: Ngi vutula phonzo kia ngi bhangʼiki; inda ua kinga Jihova, muene ua-nda ku ku bhulula.

Mukumbi ua Mikumbi 8:6

Ngi te ku muẋima ué kala kidimbu, ngi te ku lukuaku lué kala kimaku mukonda o henda iala ni nguzu kala kalunga; o difuba mu ku di kaka dia soko ni mbila; o makala mê makala ma túbhia; diene di di fuangana mukuâ ni milengo ia túbhia.

Izaía 14:26

ʼKâ kene o kaiula kòxinde phala oxi ioso ienhoio, o lulu luene lukuaku luami nga lu sunununa ku thandu dia ifuẋi ioso.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 34:2

Kuma njinda ia Jihova ia zenzama ku thandu a ifuẋi ioso-lolo, o ngânji iê iazenzamena ilombo iâ ioso muene; mbata muene-phe ua a buikisa muene, iú ua a bhakula ku kijibha.

Izaía 63:6

Eme-phe nga titidila o ifuẋi ni njinda, eme ngʼa a kodiuisa ni kutema kuami; o kusuina kuâ nga ku lundumuina bhoxi.

Jelemiia 10:25

Njinda iêʼoio lunduluila-iu ku ifuẋi ia kambe ku kuijiia ni miji ioso ia kambe ku tonda mu dijina dié; kuma a habula Jakobo, a mu habula, ia a mu jikinisa, o dibhata diê a mu senguluila-diu.

Hozeia 12:6

Eie-phe vutukila kua Nzambi ié, jijila kubhanga mbote ni kubatula milonga mu kidi, kuata-phe kuxibhidila jinga Nzambi ié ni kukinga kua muene mu thembu joso.

Jouele 3:2

Miji ioso nga kà i bhongolola, hé nga kà i bhangesa ku kulumuka mu dikôlo dia Jozafate; mueneʼomo-phe kiá, nga kà funda-nâ mukonda dia kifuxu kiami, ni undûndu uami, Izalaiele, a mu muanga-muangena mu jixi kuala ene, ixi iami iá a di uanena-iu.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Habakuke 2:3

Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Sofoniia 1:18

O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Matesu 25:32

Bhu pholo iê bhenhobho bhua kà bhongoloka akuajixi joso, muène anga u a tungula, kala mubidi u tungula jimbudi mu jihombo.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

Dijingunuinu 16:1

Anga ngʼivua dízui dia suina mu Tembulu, di ambela sambuadi dia anju, dixi: Ndenu, mu lundulule mu ngongo o sambuadi dia nganza ia njinda ia Nzambi!

Dijingunuinu 16:14

Jenhiji jene o jinzumbi ja madimonho ma bhanga iphata ni madiuanu. Nzumbi jitatu jiji, jiia mù nhunga ku jisobha mu ngongo ioso, mu ku a kasa ku ita ia kizuua kia Dikota kia Nzambi, Muteni-a-Ioso.