Sofoniia 3:4 - O Mikanda Ikola

⁴ O jiplofeta jê ala phuku-phuku ja hatu, ka moneka kilunji; jinganga jê axidisa kididi kikôla, kijila kia Ngana a ki bhengeleka.

Sofoniia 3:4 ပူးပေါင်းရင်းမြစ်များ

Izaía 9:15

O kikulakaji (ua kuka) ni mukuakijingo ene o mútue; o musesedi u longa o makutu, muene o mbunda.

Jelemiia 23:32

Jihova uambe, uixi: Eme nga bilukila muene a tanga uanji ua upolofeta mu nzoji ja makutu, anga a ji tanga, anga a bhangesa athu ami ku tondala ni makutu mâ ni udianzunga uâ; kuma eme ki nga a tumu mba ngʼa a bhana ngonge; ene ue o mundu iú ka u bhekela mbote ia kima, Jihova ua ki tange.

Jelemiia 34:19

O ilamba ia Juda, ni ilamba ia Jeluzaleme, ni jingolambole, ni jinganga, ni mundu uoso mu ixi, ua bhiti mu kaxi ka mbandu jiiadi ja monʼa ngombe;

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Jelemiia 8:10

Uila kiki, akajiʼâ nga-nda ku a bhana ku athu engi, o itaka iâ bhu kala ni iá a i bhingana: Mbata tundé ku jindenge tulé ni ku makota, a jijila midimu ia makutu.

Kuditenda 2:14

Misesedi ié, a ku zambuila makutu ni usemenhi; ka ku tukuluila o ufusa ué, phala ku ku dimuna; hinu ki kua kuiza kuia ku ubhika; maji ene a ku zambuila imbamba ia makutu ni usemenhi, iene ia bhangesa ku ku bheka ku ubhika.

Izekiiele 22:26

O jinganga jâ, aia ni kutondala o kitumu kiami, o imbamba iami ikôla, a i kasanesa; o muthu ua iuka ni mukua phulu ene ka mu tungula, mba a tongolola iú ua xidi ni iú ua zele; o jisabhalu jami, ka xikina ku ji tala mesu, kienhiki ia a ngi sebulula mu kaxi kâ.

Izekiiele 22:6

Tala-ze, o ilamba ioso ia Izalaiele, kala muthu kia mu soko o nguzu iê, a ku tumina jinga, mbé o kuẋamuna o manhinga.

Izekiiele 44:23

Anga o mundu uami a kà u longa o kutungula bhu kaxi ka muthu ua iuka ni mukua phulu, nʼa u bhangese o kutongolola kioso kia xidi ni kia zele.

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Malakiia 2:8

Maji enu-phe, mu njila ia kuiuka mua bhambuka-mu, avulu u mua tondalesa o ijila iaiuka; kikutu kia Levi mua ki bulu; kienʼiki kia zuela Jihova dia Ifuẋi.

Matesu 7:15

Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

II Kolindo 11:13

Kuma athu a kala kiki, Jipoxolo ja makutu, akalakadi a mangonha. A tange a makutu bhu kaxi ni kikalakalu kiâ, hé a di bhangesa kala Jipoxolo ja Kristu.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Afundixi 9:4

Anga a mu bhana makuinhi sambuadi a itadi ia phalata, ia katula mʼonzo ia Baale-belite, Abimeleke anga u futa na-iu iiala ia bhumu, ia di kake, i kala mu ku mu kaiela muene.

I Samuuele 2:22

Kiki-phe Eli ua kuka kiá kiavulu; anga u ivua ioso iala mu bhanga anʼê ku akua Izalaiele oso, ni kioso anʼê ki ala mu zeka ni ahatu ene mu bhongoloka bhu muelu ua balaka ia ditakanenu mu kubhanga kikalakalu.