Sofoniia 3:2 - O Mikanda Ikola

² Kʼevu ki zuela muthu, ka xikina ku mu longa mba ku mu beta; ka dielela kua Jihova, mba u xikina kuzuama kua Nzambi iê.

Sofoniia 3:2 ပူးပေါင်းရင်းမြစ်များ

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Jisálamu 10:4

O muthu uaiibha, mu kubhuma kua izale iê, uila uixi: U kʼibhula mukua-hi? Anga uia ni kubanza muene, uixi: Kana-ku Nzambi.

Jisálamu 50:17

Eʼmuene kua xikina ku ku longa, maka mami ua ma takuila kuema dié.

Jisálamu 73:28

Eme-phe kia ngi uabhela o kuzukama kua Nzambi; nga solo Ngana Nzambi, muene u kala kibúta kiami, phala ngende jinge ni kutumbula o ikalakalu ié ioso.

Jisálamu 78:22

Mukonda nguauâ kuxikana Nzambi, nguâ kudielela mu kubhanduluka kuê.

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 5:12

uixi-phe: Tamanu nga bhele mátui! Kokolo diami dia ku kamba kuívua kia ngi bazela jinga!

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 43:22

Maji-phe, Jakobo, eie kua ngi hingila, maji eie u Izalaiele ua ngi bhuidila.

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Jelemiia 13:25

Jihova uambe: Ioso nzongo i nga-nda ku ku zongela eme, diene o dikanda dié; oko ua ngi jimbi eme, eie ua dielela ku makutu.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 22:21

Muʼaxaxi ka jimbonge jê eme nga kexi ku ku dimuna, eie-phe, uixi: Nguami kuivua. Kienhiki kiene o kifua kié tundiʼé mu undenge ué, kuene kuẋikina ku bhana mátui ku dízui diami.

Jelemiia 32:33

Eme iá a ngi bhana dikunda, pholo kana; sumbala eme nga a longo hanji, o mu ku a longa ngi di meneka muene, ene-phe nguâ kubhana mátui, phala kuividila kioso ki ngala ku a longa.

Jelemiia 35:13

Jihova dia Ifuẋi, Nzambi ia Izalaiele, uambe kiki: Ndé, ka tangele mala a Juda ni iá a tungu mu Jeluzaleme: Manhi ki mungu dingi mu xikina ku mi longa, phala ni muivue o maka mami? Jihova ua ki tange.

Jelemiia 35:17

Kienhiki-phe Jihova, Nzambi ia Ifuẋi, o Nzambi ia Izalaiele, uambe kiki: Nga-nda ku bheka ku thandu dia Juda ni ku thandu dia oso kiá a tungu mu Jeluzaleme, ku ibha kuoso ku nga tange ku thandu diâ, mbata eme ngène mu zuela, ene nguâ kuivua; nga kolo kokuâ, ene ka ngʼitaia.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Izekiiele 22:24

Eie monʼa diiala, mu tangele, kuila: Eie u ixi ia xidi, ia kambe o mvula, bhu kizuua kia njinda.

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Sofoniia 1:6

ni iá a xisa kuendela mu njila ia Nzambi, ni iá aditunu kusota Nzambi mba kuibhula dingi kua muene.

II Timote 3:16

Kuma Mikanda ioso ia bhusu Nzambi, mikanda ia kubhandulula, ni mu kulonga o kidi, ni mu kubazela itondalu, ni mu kuiukisa iabhengalala, ni mu kuijidisa uendelu uambote.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.