Sofoniia 3:18 - O Mikanda Ikola

¹⁸ Ió oso a luuala ni malamba momué, mukonda ku dibhongolokelu dia ujitu a a katula-ku, eme nga kà a bhongolola dingi; ió oso a ku tokala eie ene ku a bondeleka.

Sofoniia 3:18 ပူးပေါင်းရင်းမြစ်များ

Jisálamu 43:3

Ngi tumikise, Ngana, o mukengeji ué, ni kidi kié, phala a ngi tuamenene o njila; a ngi bheke ku mulundu ué ukôla, ni ku dibhata dié, kuala o jibalaka jé.

Jisálamu 79:4

Tua lebhuka kiavulu muʼaxaxi ka akua jixi u tua zukama-nâ; a tu sekalesa, a tu tobhesa, mu madiembu a tu kala mu jimbandu.

Jelemiia 23:3

Anga eme-muène ngi bhongolola joso ja subhuka ku jimbudi jami, ngi ji takana ku jixi joso kua ji kaielele anga ngi ji vutula dingi mu ibhanga iê, hé ja kà di vuala anga ji sokoloka muene.

Kuditenda 1:4

Ikoka ia Ziione í dila, mukonda ki bhuala dingi muthu ubhita-mu phala kuiza ku kionge kia fesa; mielu iê ioso ia di koto; o jinganga jê ji kala mu ku di kumuina! Ilumba iê ia mizeletete ia bhondalala, o muene-phe uala mu kiminhu kia kulula kua muxima.

Kuditenda 1:7

Mu makumbi a malamba-mê Jeluzaleme iú lembalala-ke ima iê ia ujitu ni malau, iakexi na-iu mu izuua ia xiahulu; u i lembalala kiua kia muiza o hadi ni ngongo!

Izekiiele 34:13

O mu ifuẋi anga ngi ji katula-mu, anga ngi ji tundisa mu jixi ja vula matelu, anga ngiza na-ju mu ixi iâ, hé nga kà jʼingila mu milundu ia Izalaiele, bhu mbanduʼa jibungulule ja menha, ni mu mabhata oso aʼxi.

Izekiiele 36:24

Hé nga kà mi katula muʼaxaxe ka akua jixi, ni ngi mi bhongolola ku jixi joso, anga ngi mi bheka dingi mʼoxi ienu.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Hozeia 1:11

O anʼa Juda-phe ni anʼa Izalaiele a kà di phopha bhuamoxi, anga à kala kiá ni dikota dimoxi; anga a ka tomboka kʼoxi, hé a banda mu jixi; mbata o kizuua kia Jezelele kia-ndu kala kiónene.

Hozeia 9:5

Enu-phe mua-nda kuila kiebhi bhu kizuua kia matunda, ni bhu kizuua kia fesa ia Jihova.

Sofoniia 3:20

Mu izuua ienhoio nga kà mi vutula dingi, anga ngi mi bhongolola; ni kidi muene, eme nga ka mi bhana dijina ni diximanu muʼaxaxi ka mundu uoso mu ngongo, kioso ki nga-nda kuendesa mu kuvutula dingi o mundu uenu a kexi ku ubhika, bhu pholo ienu muene, Eme ngi Jihova nga ki ambe.