Sofoniia 3:17 - O Mikanda Ikola

¹⁷ O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Sofoniia 3:17 ပူးပေါင်းရင်းမြစ်များ

Dimatekenu 1:31

Nzambi anga u mona ima ioso ia iudika, kuma ia uabha muene kiavulu. Anga ku kala ngoloxi ni kimene, kizuua kia kasamanu.

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Dimatekenu 2:2

O mu kizuua kia kasambuadi Nzambi kia zubha kukalakala kuê, u nhoha kizuua kia kasambuadi, o kikalakalu kiê kia bhange kiabhu.

Jisálamu 147:11

Ki uabhela Jihova athu a mu kala ni uôma uê, ni athu oso a dielela jihenda jê-muène.

Jisálamu 149:4

Kuma Jihova u sanzuka ni mundu uê; muene ua-nda ku uabhesa abelesela ni ubhulukilu uê.

Jisálamu 78:65

Bhenhobho Ngana u phaphumuka kala muthu uele ku kilu, kala dizonda di dikola, dia tundu ku vinhu.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 18:4

Mbata Jihova ua ngʼambela kiki: Eme nga-nda kudixibhidila bhu bhata diami ni kutala mu kanga, mukuâ ni ki tua muanha ua mediia, o dikumbi anga di kuata kumuika, kala dituta dia mbundu, kibhita dizuza bhu thembu ia kumuna.

Izaía 63:1

Mukuahi-ú u tunda ku Idomo, ni izuatu iedi kiki nguí, ua tundu ku Bozola? Ua kembe kiki ni kizuatu, kia kijingo? Ua mu kuenda ni nguzu iê ioso: Eme-muène ngi zuela ni kuiuka, ngi dizonda mu ku bhulula.

Izaía 63:12

Ió ua bhangesa o kuaku luê lua ulamba kuendesa o lukuaku lua kadilu lua Mozé, uala kuebhi? Iuná ua budile o menha mu kaii bhu pholo iâ, phala kubhangesa o dijina diê kukala dijina di nangenena?

Izaía 65:19

Anga ngʼenda ni kutanena mu Jeluzaleme ni kusangulukila mu athuʼami: muene kà kèvua-mu dingi mbimbi ia kudila, mba nzôngo ia ku di-kola.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 32:41

Anga ngʼenda ni ku sanguluka muene mukonda dia ene, kioso ki ngiia ni ku a bhanga o mbote, hé ngʼa kuna muene mu ixi muenhumu, ku kidi kiene, ni muẋima uami uoso ni muenhu uami uoso.

Hozeia 14:4

Eme nga-nda kuilula o kuxibhaka kuâ ni kudianguka kuâ, anga ngʼa zola muene ni muẋima uoso, mukonda njinda iami ku thandu diâ ki iala-ku dingi.

Jouele 2:21

Eie-phe, u ixi, kana ku kala ni uoma; tana u sanguluke muene, kuma Jihova ua bhange ima ionéne!

Sofoniia 3:15

Jihova ua sondolola o kufundisa kué ni ioso ia xindile ku ku bhanga; o nguma jé ua ku takuilá-ju dikanga; Jihova, Sobha ia Izalaiele, uala muʼaxaxi ké, kana-ku dingi kiaiibha ki ku kana.

Sofoniia 3:5

Jihova-phe muene ngó o kidi ni kuiuka muʼaxaxi kê, ka moneka kikuma; kimene ni kimene ubheka kufundisa kua kidi ku mukengeji, nuka a lueza; maji o semenhi-phe ka moneka ngó sonhi mukonda kejiia ki kala o sonhi.

Dialuilu 14:8

Jihova hé ua tu uabhela, muene u tu bheka mʼoxi muenhumu, u tu bhana-iu, ixi ia mu kunguluka muene lete ni uiki.

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 15:11

Nga mi ambela imʼiíi, phala o kusanguluka kuami ku kale moxi dienu, o kusanguluka kuenu ku tenene.

Matendelelu 23:15

O mubhika se ualenge kua ngana iê, iu ueza kokué, eie kana ku mu bhakula dingi kua muene ua mu vu;

Matendelelu 30:9

Jihova Nzambi ié ua-nda ku ku izalesa ni jimbote mu ikalakalu ioso ia maku mé, ni ku mbutu i tunda mu mala dié, ni ku mbutu i tunda mu ibhaku ié, ni ibundu ia mavu a mikáu ié, anga u ku vudixila o mbote; mukonda o Jihova ua-nda ku ku sangulukila muene, mu ku ku bhanga o mbote, kala kia sangulukile ku jitata jé.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.