Sofoniia 3:16 - O Mikanda Ikola

¹⁶ Mu kizuuʼomo Jeluzaleme a kà muambela exi; Ku kale ni uoma, eie Ziione, maku mé ki ma zonde.

Sofoniia 3:16 ပူးပေါင်းရင်းမြစ်များ

Jobe 4:3

Tala, eie ku ua tundu ua longo athu a vulu; maku a bhuila eie uene mu a bhana nguzu.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 40:9

Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 54:4

Ku kale ni uoma, mbata sonhi ki ja-nda ku ku kuata; ku kale ni jisonhi, mbata kua-nda kukakuka; inda sonhi ioso i ua bhiti na-iu ku undenge ué ua-nda ku i jimba, môndo ua utudi ué kua-nda ku u xinganeka dingi.

Jouele 2:21

Eie-phe, u ixi, kana ku kala ni uoma; tana u sanguluke muene, kuma Jihova ua bhange ima ionéne!

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Zakadiia 8:15

kiene ue ki nga xinganeka lua mukuâ o kubhanga mbote kua Jeluzaleme ni ku dibhata dia Juda mu izuua muenhumu. Ki mu kale-phe ni uoma.

Nzuá 12:12

Ki kúkia, kifuẋi kia dikota, kia athu eza ku fesa, a kʼivu kuma Jezú iu uiza mu Jeluzaleme.

II Kolindo 4:1

Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

Ngalásia 6:9

Ki tu kadienu ni usudi mu kubhanga kiambote. Kuma hinu ki tu bhixila bhu thembu ia tokala, tua kà bhongolola, se tua kambe kubhuila.

Efezo 3:13

Uila kiki, nga mi bhingi kuila kana kukala ni usudi mukonda dia jihadi ji ngala ku mi talela, inda ji kale jenu ja kutambula fuma.

Jihebeleu 12:12

Uila kiki, Zangulenu maku menu ma botomoka, mu suinise ue o inama ienu ia bhuila.

Dijingunuinu 2:3

Uala u mukua muanu, ua kolokota ni kutala hadi mukonda diami, ku bhuila.