Sofoniia 3:12 - O Mikanda Ikola

¹² Nga ka xisa muʼaxaxi kê ió oso a di tululula, ka moneka izala mba ukumbu, o jingadiama; ene a kà kala jinga thembu joso mu dielela o dijina dia Jihova.

Sofoniia 3:12 ပူးပေါင်းရင်းမြစ်များ

Ejidala 9:8

Kiki-phe, mu kakithangana kòfele, kua tu tukulukila kiadi ku mbandu ia Jihova, Nzambi ietu, phala ku tuehela amoxi-mu kusutunuka, ni kutuimika kiambte bhu kididi kiê kikôla, ni ku tu bhana kidimba; phala ku tu muikina o mesu, eie u Nzambi ietu, ni ku tu bhana hanji kamuenhu kòfele mu ubhika uetu.

Jisálamu 37:40

Jihova u a kuatekesa, u a kudila; u a kudila ku isuéia, hé u a bhulula, mukonda a lengela kua muene.

Izaía 14:30

Jiphandekumbi ja jiphulungu a-nda kukala ni abidi, o akua-hadi azeka kilu kiambote; maji muiji ué, Fidíxia, nga kà u fuisa ni nzala, o masubhu mâ a kà ma jikinisa muene.

Izaía 14:32

O jiphunga ja tundu ku mundu-phe, tu a vutuila kiebhi? A vutuile kiki: Jihova ua tunga Ziione, nda o jihukunhi ku athuʼê, muene mua sanga o dilengelu.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Jelemiia 17:7

Muthu uoso-phe u dielela kua Jihova, muene ua zediua, uedi o kudielela kuê Jihova muene.

Jelemiia 50:20

Mu izuuʼomo ni mu kithanganʼokio, Jihova uixi, kuiibha kua Izalaiele a-nda kuà ku sota, maji ki kuanda kumoneka dingi; ni ituxi ia Juda ue, maji ki ia kà moneka; kuma eme nga-nda kuloloka oso u ngi xisa masubhu.

Izekiiele 6:8

Maji-phe nga-ndu xisa-ku masubhu, mbé ku kale amoxi-mu a bhulaka ku xibhata muʼaxaxe ka akua jixi, kioso ki a-nda ku mi muangena mu tumbu ni ngongo.

Mikeia 5:6

Ene anga a kà buidisa oxi ia Asídia ni xibhata, kumoxi ni ixi ia Nimilode katé ni bhu mabokuenu mê. Bheneʼobho anga muene ua kà tu kudila bhu maku ma Asídia, kioso kia kʼèza mu ixi ietu mu ku i lua, ni ku diota mu jimbambe jetu.

Nahumu 1:7

Ngana uaiuka, muene dilengelu dietu mu thembu ia phaxi; Jihova uejiia oso a mu dielela muene.

Zakadiia 11:11

Kikutu nga ki sendumuna muene ku kizuua kieneʼokio; o akuetu tumbudi tua subhuka-ku, a ngi dielelele, anga a kijiia kuila kiki kizuelu kia Jihova muene.

Zakadiia 11:7

Eme-phe kiá anga ngi langa o jimbudi ja muia ni ku jibha, o tumbudi tua kilunga, akuetu! Anga ngi katula mbangala jiiadi phala eme: Imoxi nga i luku “Kiadi” o ia mukuá ngixi, “Kuongama”, anga ngi langa na-ju o tumbudi.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 12:21

Matumbu a kà dielela mu dijina diê.

Matesu 5:3

A zediua jingadiama ja muẋima, mukonda o Utuminu ua Diulu uâ ene.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.