Sofoniia 2:9 - O Mikanda Ikola

⁹ Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.

Sofoniia 2:9 ပူးပေါင်းရင်းမြစ်များ

Izaía 11:14

Inda ene a kà tuka-tuka ni kusambela bhu isuxi ia akua Fidíxia ku uômbe; endela bhuamoxi mu kutambula madibhundila ku akua-thunda; a kà ta maku mua Idomo ni mua Mouabhe, anʼa Amone ue a kà a tolokela muene.

Izaía 25:10

Mukonda lukuaku lua Jihova luanda ku tula ku mulundu uenhú; maji Mouabhe a-nda ku mu bhiatela muene bhu kididi kiê, kala kiene kubhiatela o ibhiáxi bhu dixita.

Izaía 49:18

Bhetula-ze o mesu mé u kengelele mbandu ni mbandu, tala: ene-osoʼâ a bhongoloka a mu kuiza kokué; nga di-lokela muene, eme Jihova, kuila ene-osoʼâ ua-nda ku a zuata kala kizuatu kia makembu, anga u di-ẋiẋika-nâ kala u díbhanga.

Jelemiia 46:18

Sobha ua bhingi dijina diê muene Jihova dia Ifuẋi, uambe uixi: Eme ngi nangenena! Kuma ni kidi kiene, kala kiala o mulundu ua Tabolo bhu kaẋi ka milundu ni mulundu ua Kalamelu bhu mbandu ia kalunga, kiene kià kʼeza muene.

Jelemiia 48:1

Mu kulungulukila Mouabhe, Jihova dia Ifuẋi, Nzambi ia Izalaiele, uambe kiki: Nebu, kokolo diê, kuma a mu sengulula; Kidiataimi, sonhi ja mu kuata, kuma a mu tolola kiá; Miska sonhi ja mu kuata, ua bhuuama.

Jelemiia 49:1

Ku mbandu ia anʼa Amone, Jihova uambe kiki; Manhi Izalaiele ua kambe anʼa mala, mba jindundu? Mukonda diahi-phe, Malkane muene ua lundula Ngade, o Kifuẋi kiê ia a tungu mu jimbanza jêʼmuene?

Jelemiia 49:18

Ua kèla kala bhu kibuika kia Sodoma ni Ngomola ni iá a zukamene na-u, kiene kia tange Jihova; ki bhua kà moneka uoso u tunga bhobho, monʼa muthu u tunga bhobho ka moneka.

Jelemiia 49:33

Bheneʼobho, Hazole ua-nda ku kituka tungilu dia midikixi, ngùndu i nangenena; ki bhua kà kala u tunga-mu mba monʼa muthu u bhanga-mu dibhata.

Jelemiia 50:40

Mukuá ni Nzambi kia jikinisa Sodoma ni Ngomola ni jimbanza ja zukamene na-ju, kiene kimoxi ue momo ki mua kà kala u tunga-mu, mba monʼa muthu u tá-mu dibhata, Jihova ua ki tange.

Amoji 1:13

Jihova uambe kiki: Anʼa Amone kia tondala lutatu ni luuana kibetu kiâ ki ngi ki katula; mukonda, mu ku sota ku zanzesa o jimbambe jâ, a tandula ahetu ala ni mavumu mu Ngiliiade.

Amoji 2:1

O Ngana uambe kiki: Mouabhe kia tondala lutatu mba luuana, kibetu kiê ki ngi ki katula; mukonda ifuba ia sobha ia Idomo ua ioha katé ki ia kituka hála.

Sofoniia 2:14

Mu kaxi kâ mua kà di bhanga dikèla dia kunhohena jimbudi ni ibhaku ioso ia athu; o iama ia mukáu ue, muene mu nangu diâ; o isaka ni minzoue ia kà tunga mu jinzo ja thandu, dízui dia kuimba kuâ a divila mu jinjanela, o bhu mielu bhua kà di bhanga maxita, mukonda o maleka ni huua ia sédulu kʼonzo a i katula-ku kiá.

Sofoniia 2:7

Ndundu ia kalunga ia kà kala iangene phala oso a subhuka ku muiji ua Juda, nʼaxalela momo; muene mua kà disila o ilunga iâ ia ibhaku; o mu ngoloxi a kà zekela mu jinzu ja Axikilone, mukonda o Jihova Nzambi iâ ua kà a zungila, o uíndua uâ ua kà u lungulula kuzediua anga u a tula dingi bhu kididi kiâ; o jihutile jâ ua ka ji vutula dingi kʼoxi iâ.

Sofoniia 3:13

Ió oso a subhuka kua Izalaiele kà kenda dingi ni ituxi mba a kuata kuzuela makutu, mukanu diâ ki mu kala dimi dia mangonha, kuma a kà endesa ni ku a batesa kiambote, a a nhohesa muene kiambote ki bhu kala kima ki a kuatesa uoma.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Dialuilu 14:21

Ni kidi muene-phe, ki ngedi eme ngi muthu ua muenhu, ixi ioso hádia ia kèʼzala ni fuma ia Jihova;

Loma 14:11

Kuma a ki soneka mu Mikanda Ikôla, exi: Kala ki ngala ku muenhu, eme ngi Ngana, phuna joso ja kà ngi fukamena. O madimi moso ma kà fisala kuila eme muène ngi Nzambi.

Matendelelu 29:22

Oso-phe a kèza-ku ku muiji iú, o anʼa a-nda kubalumuka kioso ki mu bhua-ku enu, ni ene kiá ni oso a kà tunda ku makanga, kioso kia mona o mabhebhu a kà sekalesa oxi iii, ni mahaxi mê moso ma mu nemekana-u Jihova.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.