Sofoniia 2:7 - O Mikanda Ikola

⁷ Ndundu ia kalunga ia kà kala iangene phala oso a subhuka ku muiji ua Juda, nʼaxalela momo; muene mua kà disila o ilunga iâ ia ibhaku; o mu ngoloxi a kà zekela mu jinzu ja Axikilone, mukonda o Jihova Nzambi iâ ua kà a zungila, o uíndua uâ ua kà u lungulula kuzediua anga u a tula dingi bhu kididi kiâ; o jihutile jâ ua ka ji vutula dingi kʼoxi iâ.

Sofoniia 2:7 ပူးပေါင်းရင်းမြစ်များ

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

Jisálamu 80:14

U Jihova dia ituxi, tu bhane dingi o pholo ié, tua ku diondo; ku diudlu ku uala, zongola bhoxi, u tale; tambula dingi konda ia muvide uenhú.

Jisálamu 85:1

Eie, Jihova, mʼokulu ua kexe kulendukila oxi ié; Jakobo ua mu jituna mu ubhika.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 11:14

Inda ene a kà tuka-tuka ni kusambela bhu isuxi ia akua Fidíxia ku uômbe; endela bhuamoxi mu kutambula madibhundila ku akua-thunda; a kà ta maku mua Idomo ni mua Mouabhe, anʼa Amone ue a kà a tolokela muene.

Izaía 11:16

Anga ua kà jikula-mu kikoka kia sokelela, phala tumbalumbalu tua mundu uê tua kà subhuka kua Asídia, kala kia bhitile kua Izalaiele kioso kia tundile mʼoxi ia Ijitu.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Izaía 32:14

Mbata dizemba dia kà xala ngundu, muxindu ua diembu ua-nda kubhua-ku; Ofele, ni tuthondo tua tungudita tua alangi, tua kà xala jingenda katé ku hádia, tu kala phala matonokenu ma mikete ku mukáu, ni makêla phala ibhaku,

Jelemiia 23:3

Anga eme-muène ngi bhongolola joso ja subhuka ku jimbudi jami, ngi ji takana ku jixi joso kua ji kaielele anga ngi ji vutula dingi mu ibhanga iê, hé ja kà di vuala anga ji sokoloka muene.

Jelemiia 29:10

Mukonda Jihova uambe kiki: Ni kidi kiene, hádia ki mu zubha kutenesa makuinhi sambuadi a mivu mu Babilonha, nga-nda ku mi zungila, o kizuelu kiami kiambote kokuenu, nga-nda ku ki kumbidila muene, hé ngi tona ku mi bheka dingi bhu kididi kiki.

Jelemiia 29:14

Enu-phe mua-nda kuà ngi bonga muene, Jihova ua ki tange, nga kà bhangesa kuila jihutile jenu ja kà vutuka, anga ngi mi bhongolola mu miji ioso ni mu ididi ioso mu nga mi takuile, eme ngi Jihova, anga ngi tona dingi ku mi bheka bhu kididi kioso bhu nga mi katuile mu ku mi bheka ku jixi jengi.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Jelemiia 30:3

Mukonda kua-nda kuiza izuua, eme ngi Jihova, nga-nda ku vutulula ubhika ua kifuxi kiami kia Izalaiele ni Juda, eme ngi Jihova, anga ngi tona dingi ku a bheka mu ixi i nga bhele ku jitata jâ, anga a ívua, i kala iâ.

Jelemiia 31:7

Mbata Jihova uixi: Imbenu ni ngalasa kua Jakobo; tanenu mukonda dia Kitoto kia ifuẋi; tenu nzongo, imbenu diximanu, zuelenu muexi: Bhulula, Jihova, o mundu ué iá, a subhuka kua Izalaiele.

Jelemiia 32:44

Mikáu muene a-nda ku i sumba mu kitadi, ni ku di bhangela mikanda ia uenji, anga a i ta idimbu muene, hé a bhangesa jimbangi ku ki kalela ku pholo mu ixi ia Bejamí, ni mu ikanzu ia Jeluzaleme, ni mu jimbonge ja Juda, ni mu jimbonge ku milundu, ni mu jimbonge mu iphenza, ni mu jimbonge ku mbandu ia Sulu; mukonda eme hádia nga-nda kubhangesa kuila a vutuka dingi mu ixi mumu, a tunda ku uhutile uâ, kiene kia tange Jihova.

Jelemiia 33:12

Jihova-phe dia Ifuẋi uambe kiki: Hanji bhu kididi kiki, kia di bhange ngundu, bhua kambe athu, mba iama, ni mu jimbonge jê joso, hádia mua-nda kukala dibhata dia tubhila a nhohesa ibhaku iâ.

Jelemiia 33:7

Nga kà songolola uhutile ua Juda ni uhutile ua Izalaiele, anga nga kà a tunga dingi kala ku dimatekenu.

Jelemiia 47:5

Ngaza kua muʼiza kabhuetete, Axikilone a mu vuza kumoxi ni masubhu a dikolo diê; katé-phe bhebhi bhu u suka ni ku di tandujula?

Izekiiele 39:25

Kala kiki, o Jihova Nzambi uambe kiki, uixi: O ki-ndalʼiki, o jihutile ja Jakobo nga-nda kuiza-na-ju dingi, anga ngi kuatela henda o muiji uoso ua Izalaiele; o dijina diami dikola nga kà di kuatela muanu;

Hozeia 6:11

Eie ue, Juda, kua ku xikamena o ku ku muna, kioso ki ngi bhuisa-ku o ubhika ua mundu uami.

Obadiia 1:19

O akua sulu ene a kà lundula mulundu ua Ezau; o akua mikáu mu kiphenza, ene a kà lundula ixi ia akua Fidíxia; a kà lundula ue mikáu ia Ifalaíme, ni mikáu ia Samádia; o Bejamí ua kà tambula Ngiliiade.

Mikeia 2:12

Ni kidi kiene, hádia ngi ku bhongolola ni kivimba kioso, eie Jakobo; ni kidi muene, hádia ngi bhongolola o mbandu ia Izalaiele ia xala-bhu; ene oso nga a bhongolola anga nga ongeka bhu kididi kimoxi kala jimbudi ja Bozola; ela kala kilunga kiala muaxaxi ka kibhanga kiâ; ki nga a bhongolola a kà lunguta ni kuta jibuia javulu mukonda dia mundu kuvula.

Mikeia 4:10

Eie tala hanji hadi ni misusu ni ikalakalu, eie u monʼa Ziione ua muhatu, ni phaxi ni lamba kala ià ió uala ni mika ia kuvuala; mukonda kindala mu sanzala ua-nda kutunda-mu, ua kà tunga ku mukáu anga ua kʼèza katé ku Babilonha. Kueneʼoko-phe kuene ku ua kà bhandulukila; kueneʼoko kuene kua kà ku kudila Ngana, bhu maku ma jinguma jé.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Sofoniia 2:9

Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.

Sofoniia 3:13

Ió oso a subhuka kua Izalaiele kà kenda dingi ni ituxi mba a kuata kuzuela makutu, mukanu diâ ki mu kala dimi dia mangonha, kuma a kà endesa ni ku a batesa kiambote, a a nhohesa muene kiambote ki bhu kala kima ki a kuatesa uoma.

Sofoniia 3:20

Mu izuua ienhoio nga kà mi vutula dingi, anga ngi mi bhongolola; ni kidi muene, eme nga ka mi bhana dijina ni diximanu muʼaxaxi ka mundu uoso mu ngongo, kioso ki nga-nda kuendesa mu kuvutula dingi o mundu uenu a kexi ku ubhika, bhu pholo ienu muene, Eme ngi Jihova nga ki ambe.

Ajeu 1:12

Bhenhobho Zolobabele, monʼa Selatiiele, ni Josuué monʼa Jozadake, nganga ia dikota, ni mundu uoso evua anga a xikina o dízui dia Jihova Nzambi iâ, ni maka ma polofeta Ajeu, kala Jihova Nzambi iê kia mu tumu ku a tangela; o mundu-phe a kala ni uôma bhu pholo ia Ngana.

Ajeu 2:2

Tangela Zolobabele, monʼa Selatiiele, nguvulu ia Juda, ni Josuué, monʼa Jozadake, nganga ia dikota, ni mundu uoso, kuila:

Luka 1:68

Sakidilenu Ngana, Nzambi ia Izalaiele! Kuma mundu uê ua u zungila, ua u kula;

Luka 7:16

Uôma anga u a kuata ene oso, a kala mu tondela Nzambi, exi: Mueza polofeta ia dikota mu ʼaxaxe ketu! Nzambi a tane-ku! Ua zungila o kifuẋi kiê!

Jipoxolo 8:26

Mukunji ua Ngana-phe u ambela Felipe, uixi: Di iudike, u katuke, uie ku sulu katé mu ikoka ia Jeluzaleme, i kulumuka mu kiphenza katé ku Ngaza. (Ikokʼ iii-phe athu kʼ avulu ala ku i bhita).

Jipoxolo 8:40

Felipe-phe u tukulukila ku Azoto, anga u bhita ku jimbonge joso ni kuboka o Njimbu Iambote, katé kia bhixila ku Sezaleia.

Loma 11:5

Kiene ue kimoxi mu thembu ia kindala. Mukonda dia kiadi kia Nzambi, sai-ku hanji amoxi a subhuka, a tokala mu ió òsole kuala muène.

Lute 1:6

Nouemi anga u balumuka ni akaji a anʼê mu kutunda mʼoxi ia Mouabhe nʼa vutukise ko kuâ, kuma uevila mʼoxi ia Mouabhe kuila Jihova ua xinganeka mundu uê, iu ua a bhana kia kúdia.